Muganuzi 7:7 - Luganuzi Luswanu Kuli Wanhu Wose 2002

⁷ Nayo munhu we mahala, hono yamusolele munhu yunji cinhu cakwe ko kumwiwonela, yakwituma nghani ya wulele. Nawo wubocela mafupo, wubofuzaga mahala.

Muganuzi 7:7 ပူးပေါင်းရင်းမြစ်များ

Wutuluce 23:8

Wulece kubocela mafupo, hambi mafupo nha gabofuzaga wawaha no kwajiliza zinghani za we ling'ani.

Zimbazi 17:23

Mahakimu wabi, wabocelaga mafupo cinyele, ho wazajilize nzila zo wuling'anizi.

Zimbazi 17:8

Wanhu wanji wehwesaga vyono, mulimo wo kulavya mafupo, wuwezaga nha wuganga, nawo wehuwiye vyono wosuma kuwapela wutazi.

Muganuzi 4:1

Hanyuma nghawona wiwonelwe wose wono wukwitumwa kono'nze. Ne wanhu wono wakwiwonelwa, wakulila mahozi, nawo wasina hamba yunji mono yakuwatuza, wasina munhu hamba yumonga mono kowataza, vyono wono wakuwewonela nha wali vilungo wawacizize wene.

Muganuzi 5:8

Na kanyhi wulece kwizina, hono wuwone mu yisi, wanhu waciwa wakwiwonelwa, hamba si wakunozezwa ling'ani ne walongola we yisi, kuli zono zinojeye watendelwe. Ninga wumanye vyono, munhu wo wose we lilumbo liwaha mu yisi, mono yakuwewonela i wasocele, yuyo nayo yali hasi yo muwaha yunji, na muli wawo wose vyono wejete, ho yuli muwaha yunji kanyhi mono yawacizize wene.

Muganuzi 8:9

Na mu wulondole-londole wangu, nghaziwona zizi zose zono zikwitumwa bahano hono yinze, vyono, hono munhu yawe yena vilungo, hodu kovitumamila vilungo vivyo ko kumwiwonela no kumutamisa munhu muyagwe.

Isaya 1:23

Ne walongola wako weza wagaluci, nalu wakondya kwiyenda ne wahizi, alu weza wabocelaga vipegwa hamonga ne mafupo. Wakondya kuleka no kuwataza, i wana wono wasina walezi, mu zinghani zawo, hamba kuwahuliciza bwete i wacekulu wafwile mu zinghani zawo.

Isaya 33:15

Ninga yene, kosuma kupona hono wuwe wuli mwituma ze ling'ani no kulonga ze ling'ani. Holeka wulece kwitumamila wuwaha wono wina nawo ho wuwakonje-konje waciwa, hamba wulece kubocela mafupo. Kanyhi wulecele lukulu kwilunza ne wanhu wono wehwesaga zo wuwulaji, hamba kwituma zimbi.

Wukumbucize wo Wulajilize 16:19

Walece kuwa no wuwaguzi hamba kuwewonela wanhu. Kanyhi walecele lukulu kubocela mafupo. Hambi mafupo hamonga ne vipegwa, nha vibofuzaga meso ge wanhu we mahala, ne wanhu wenenenyhezi. Sunga viwa kuwanoza wawa kulavya wulamuzi wono si wuli ling'ani.

Wukumbucize wo Wulajilize 28:65

Kanyhi si molowona mulamu hamba hadodo hanhu ho hose, hamba si molowa na hanhu ho hose hono molotya henyu nyo weneco. Nayo Muwaha Mulungu kolomumemyenyi mahwele no wu wula witumbilo, hamonga no wutukuwika mutima.

1 Samwili 12:3

Alu, ane yone. Nghusaka munonjele hono yiwe namunozezenyi zimbi, ale muhomelele zuwali hali Muwaha Mulungu, hamonga no mutemi mono yamuhaguye. Hono niwe nasola ng'ombe ya munhu, hamba ndogowe yakwe? Hamba hono niwe namusolela yunji cinhu cakwe ko wusugu, hamba lunji namwiwonela yunji? Hamba lunji nabocela mafupo kuli yunji wa muli'nye? Na hono niwe netuma limonga lya muli makani gaga, ale nane nohaliza muli cinhu co cose cono nacisola.”

1 Samwili 21:14

Baho mutemi Akishi, yakawa kuwalonjela wetumami wake yakatya, “Ale mulanje ta! Munhu ayu yena lukwale ye! Alu nhawule mumuleta kono kwangu?

1 Samwili 8:3

Ninga hamba siwatyatya zinzila zo sogo yawo yaye. Langa wene wakatyatya zinzila zawo weneco du zo wulondola mapesa. Na mu wuwe wuwo, wakawa wakubocela mafupo, holeka hamba si wasuma kulamula vyalo vye wanhu mu nzila ye ling'ani.