Muganuzi 7:2 - Luganuzi Luswanu Kuli Wanhu Wose 2002

² Ciba kubita ku cililo, si nho kubita ku sikukuu, kanyhi i womi yiwanojeye wakumbucile vyono, lifwa licilindiye sese wose.

Muganuzi 7:2 ပူးပေါင်းရင်းမြစ်များ

Zabuli 90:12

Wucijize zo wucefu we vilo vyo wikale wetu, ho cisume kuwa ne nhumbula ye mahala.

Muganuzi 2:14

Hambi munhu we mahala nha yena meso, nayo yamanyile na kono yakubita, ninga munhu mulele, kajendelaga mu wutitu du, hamba kumanya na kono yakubita. Ninga hamba nhavivyo kanyhi, nghamanya vyono kumbe, u munhu we mahala, hamonga no munhu mulele, wose mudumo wawo wo wumonga du.

Muganuzi 2:16

Hambi mbeka nha hasina munhu wo wose mono kamukumbucilaga we mahala, hamba mono kamukumbucilaga mulele. Hambi mu vilo vyono vikuza, wose nha wosemelwa lukulu. Hambi u munhu we mahala nha kafwizaga, sunga na ayulya munhu mulele, nayo kafwizaga!

Muganuzi 3:19

Hambi u mudumo wo munhu no mudumo we malimu, nha wo wumonga du. Hambi munhu nha kafwizaga nha vyono lilimu nalyo lifwizaga. Na vyose vyehelaga nhavivyo. Holeka munhu si yalicizize lilimu cinji co cose yaye. Vyose kuli munhu na kwi'limu, yo nghani ya bwete du.

Muganuzi 3:20

Wose wafwizaga no kuwuya kono walawa. Wose walawa mu manghundi, na wose wowuya kanyhi mu manghundi.

Muganuzi 6:6

Ninga hamba nhavivyo u mwana yuyo, yakutuga wucehe wono ayulya munhu si kowutujila lukulu, hamba yekale sunga yamale myaka elufu nyejete. Hambi wose nha wobita hanhu hamonga du.

Muganuzi 9:2

hambi i we ling'ani ne wabi, waswanu ne wavu, watelevu na wono wetipize, wono wakumbikaga na wono si wakumbikaga, wose wawo mudumo wawo monga du. Hambi u muswanu, nha vihwanile du no mubi, nayo mono yakwilahiza, si visimajiye yaye na mono si yakwilahiza.

Muganuzi 9:3

Nayo ayi yo nghani yono 'mbi muno muli zose zono zili mononze, vyono, wose wena mudumo monga du. Kanyhi na vyono wanhu mu mikalile yawo yose, wekalaga wamemile wavu no wulele mu zinhumbula zawo, na hanyuma yayo wawa kufwa.

Muganuzi 9:5

Hambi wono wakali womi, nha wamanyaga vyono wofwa, ninga wono wafwiye, si wamanyaga cinji co cose. Hambi nha wasina cipegwa cinji kanyhi, langa wene wakondya du kusemelwa lukulu.

Isaya 47:7

Hambi nha wehwesaga nha vyono kojendelela kuwa mugolece we likulu vilo vyose, hamba kuzihwesa zizi zose mu nhumbula yako, nha vyono zose zina ndumo.

Yelemiya 16:8

“Nagwe Yelemiya, nghukulonjela nha vyono kanyhi, wulecele lukulu kwinjila mu kaya yo yose yono yina zindigwa ze sikukuu, no kuhanga nawo mu wulye na mu wung'we.

Hagayi 1:5

Ma, si mukuziwona zono zomutujenyi.”

Malaki 2:2

Ninga hono mulece kuzihuliciza zono nghulonga, nane nomuletelenyi wulijitwe. Novilijita sunga na vyose vyono mukuvibocela so vitumamilwa vyenyu. Heya, nakondya kuvilijita, ku soko vyono si mukwibata lilajilizo lyangu musimbiliye.

Wuwale 23:10

Ne zindelo za Isilayeli, wenji kotya manghundi. Wenji muno muno, hamba si wakusumika na ku wuwale. Wundece nivimalile vilo vyangu nha yumonga wa muli wanhu wo Mulungu. Wundece nifwe ko mulamu nhe wanhu we ling'ani.”

Matayo 5:4

Wamoti wono wena wukalale, hambi nha wosindamikwa.

Wukumbucize wo Wulajilize 32:29

Hamba si wakusuma kumanya i sokoci yono yilecile wakusumwa, hamba kumanya bwete cono ciwejeleye yaye.

Wukumbucize wo Wulajilize 32:46

hanyuma kanyhi yakawa kuwatya, “Muzikamisaje mu zinhumbula zenyu ze malajilizo gaga gono nali kumulonjelenyi izuwali. Muwejize ne wana wenyu, nawo ho wawe ne cihuliko ne cogopo, kuli mejizo gago go Muwaha Mulungu.

Wafilipi 3:19

Ninga u mudumo wawo wowa ku moto, vyono zinda zawo nha yo mulungu wawo, wakuwona nha lukumyo muli zinghani zono ziwanojeye waziwonele cevu, wehwesaga za kononze du.

Wahebelaniya 9:27

Ale nha vyono wanhu wose wafwizaga kamonga du, na lono wakondya kufwa wakwima ha mwande yo wuling'anizwe wo Mulungu,