Muganuzi 7:1 - Luganuzi Luswanu Kuli Wanhu Wose 2002

¹ Lilumbo liswanu lili ciba, si nhe mafuta gono gena mhunjile swanu go wuguzi wukamu. Kanyhi lizuwa lyo kufwa lili ciba si nhe lizuwa lyo kulelelwa.

Muganuzi 7:1 ပူးပေါင်းရင်းမြစ်များ

Jobu 3:17

Namo mu vitenjelo, i wanhu wabi, hamba si wajendelelaga kwituma nghani zawo zimbi, na wono wakataye so milimo yawo wakuwa kuceha.

Zabuli 133:2

Wakuwa wehwanile mafuta go wuguzi wukamu, gono gakuhuluma mu mutwe na mu ndevu za Haluni, gakuhulumila sunga mo mu singo, mu vivwalo vyakwe vyo wukohani.

Zimbazi 15:30

No wusu wono wina nyemo, wusangalazaga nhumbula. Nazo zinghani ziswanu, ziletaga wusangalavu.

Zimbazi 22:1

Ciba kuhagula litagwa yiswanu, si nho wugoli. No wendezwe, si nha fweza na zahabu.

Zimbazi 25:10

Na hono nhavivyo, wose womanya vyono agwe wuli 'hede, si kuhundikaga ze cinyele. No wubi wuwo, si wokuwucila yaye.

Zimbazi 27:9

Nago mafuta go muzinzi, hamonga ne mhunjile swanu, visangalazaga nhumbula. Ninga mazozo, gahodangaga mulamu wa mu nhumbula.

Muganuzi 10:1

Mahazi gono gafwiye, gatajilaga munungho mubi mu mafuta ge mhunjile swanu, ale, no wulele wudodo nawo, wuhodangaga mahala ne lilumbo.

Muganuzi 4:2

Holeka nghawa kuwawonela wivu i wafu wono wakondya kubita i hanhu hono si walawuya akuno kanyhi, hambi wene nha wali ciba si nha wono wakali womi.

Muganuzi 7:8

No mudumilizo we nghani, wuli ciba, si nha ku mwamulizo wayo, nayo munhu mukangalizi, yuyo yo muswanu, si nho munhu mwidunhumuzi.

Lwimbo Luswanu muno 1:3

Ne manukato gako, gakununyhila viswanu, ne litagwa lyako, yiswanu linha manukato. Holeka ne wacekulu wakukwenda.

Lwimbo Luswanu muno 4:10

Gwe go mwendece wangu, go bibi halusi wangu, u wendo wako, wukusangalaza muno. I mbeka, wendo wako, wucizize wuswanu we divayi. Ne mhunjile ye mafuta gako, mbeka yicizize wuvumba we mawala gose.

Isaya 56:5

ale, litagwa lyako lyokumbucilwa mu Nyumba yangu hamonga ne wanhu wangu, kuciza na hono wali wuwe wina wana we cilume na we cicekulu. Holeka hamba si kosemwelwa lukulu yaye.”

Yona 4:3

Holeka 'gwe Muwaha Mulungu, wundekaje ane nifwe. Hambi nha viswanu nifwe si nha kwikala mumi.

Luka 10:20

Hamba nhavivyo, mulece kusecelela vyono macisi gakumuhulicenyi; langa musecelele vyono matagwa genyu gandikwa ku wulanga.”

Yohana 13:2

Na ha ndigwa ze cinyamihe, lono Yesu yali yekaye hamonga ne wejizwa wakwe, Setani yali yakondya kumufunda Yuda Musikaliyota u mwana wa Simoni, ho yamugaluce Yesu.

2 Wakolinto 5:1

Hambi nha cimanyile vyono, kaya yiyi ya kono'nze yono cikaye lulu, wo wutya u muwili wetu, kolo yeza yapambulwa, u Mulungu nha kocipela kaya yinji kuko ku wulanga, kaya yono yayinoza mweneco yo wikalo we cibitilila, yono si yizenjigwe ne miwoko.

2 Wakolinto 5:8

Ninga hamba nhavivyo, cikamile du. Kanyhi cali cende cihame mu wikalo wuwuno wa mu muwili no kuhamila kuli Muwaha.

Wahebelaniya 11:2

Hambi i wanhu we katali, nha watujila u wuvumilwe no Mulungu ku soko yo wihuwilo wawo.

Wahebelaniya 11:39

Ne wanhu wawa wose wejela vyono wali wali vilungo so wihuwilo wawo. Hamba nha vivyo, si wabocela zono u Mulungu yawehuwiziza,

Wugubule 14:13

Nghahulika kanyhi lizi kulawa ku wulanga likutya, “Wandice nhavi! Wo wamoti wanhu wono ku wulawa lulu, wakufwa akuno welunzize no Muwaha.” Nayo Muhe yakutya, “Heya! Woceha mu wulawa mu magazo gawo, hambi metumo ge nhuguti yawo nha gowatyatya.”

Lutu 3:14

Hodu Lutu yakawa kugona baho ha magulu ga Bowazi. Ninga yakelawa kwinuka lono kukali kutitu titu, ho yalece kuwonwa na yunji, vyono Bowazi si yasaka munhu wo wose yamanye vyono Lutu yali yali baho.