Muganuzi 5:1 - Luganuzi Luswanu Kuli Wanhu Wose 2002

¹ Ale wiyilanjililaje, wulece kwinjila caka mu Nyumba yo Mulungu. Yowa ciba kuli'gwe hono winjile mu Nyumba yo Mulungu ho wuhulicize viswanu no kwiyijiza, si nha kulavya cilavywa nha vyono wanozaga wanhu walele, wanhu wono si wamanyile kuzitemanula ziswanu ne zimbi.

Muganuzi 5:1 ပူးပေါင်းရင်းမြစ်များ

Yakobo 1:19

Wandugu zangu wendece, kumbucilenyi nghani yiyi! Umunhu wo wose yeze mupelu kuhulika, ninga yalece kuwa mupelu kulonga, hamba yalece kuwa mupelu kusimba.

Zimbazi 15:8

Nayo Muwaha Mulungu, kendezwaga no wulombe we wanhu we ling'ani. Ninga yagasulile makumbiko gono wamulavizyaga i wanhu wabi.

Zimbazi 21:27

Nayo Muwaha Mulungu, hamba si yendile i wanhu wabi, wamulavizye makumbiko, ko muno, gono gakulawa mu wuhile wawo wubi.

Zabuli 89:7

Agwe wogopwe mu wihangulize wa wono welile, na wose wono wakupilime, wakukupela lilumbo, kanyhi wakogopile.

Yoshuwa 5:15

Citung'ati yu yulya we lipuga lye wasilikale wo wulugu lyo Muwaha Mulungu, yakamutya, “Yoshuwa vule malatu mu magulu gako, hambi baho hono wimile nhe helile.” Nayo Yoshuwa yaketuma nha vyono yalonjelwa.

Wutuluce 3:5

Mulungu yakamutya, “Ale, wulanjilile, wulece kusejelela behi muno muno na baha. Wuvule malatu gako mu magulu gako, hambi bahano hono wimile, nha hanhu hono helile.

Wahebelaniya 10:26

Hambi hono cijendelele kwituma wubi ne nyono, na lono cakondya kuyimanya i mbeka, hasina kanyhi likumbiko lyono lyosuma kulavywa so wuwusizwe wo wubi.

1 Wakolinto 11:22

Alu mwene, si mukusuma kulya no kung'wa mu zikaya zenyu? Hamba, ma, mukulibedegala i likanisa lyo Mulungu, no kuwapela cevu wawo wono wasina cinji? Alu mukusaka nimulonjelenyi nitye wule? Nimukumyenyi ku soko ye nghani yiyi? Aa ng'o hamba hadodo!

Isaya 66:3

“Hambi i wanhu nha wetumaga nha vyono wendile weneco. Hambi wene nha wakuwona co cimonga du, hono mu makumbiko gawo wawulaje ng'ombe hamba munhu, hamba wawulaje ngholo, hamba kubena singo ye 'mbwa, hamba hono walavye cilavywa co wusaje, hamba sakami ye magubi, hamba na hono walavye wuvumba, hamba wavitogoze vihwani. Heya! Wene wendile zinzila zono ziwuhodangaga wuhembi.

Metumo ge Watumwa 17:11

Wanhu wa kuko wali waswanu muno, wacizize awalya wa ku Tesalonike. Wayibocela nghani na nhumbula yono yina nyhilu mbaha, wakalondolalondola nhondo zose mu Mandiko Gono Gelile, ho wawone zono wazilongaga wa Pawulo na Sila hono zali za mbeka.

Metumo ge Watumwa 10:33

Holeka nane nghawa kukutumila wanhu lwa kamonga, nagwe kunoza viswanu kuza. Alu ase wose cili baha hali Mulungu, cizihulicize zose zono Muwaha yakulajilize wulonje.

Walawi 10:3

Hodu, Musa yakamulonjela Haluni yakatya, “Gwe Haluni, ayi yo nghani yono Muwaha Mulungu yayilongaga, lono yatya nhavi, ‘Munhu wo wose mono yakunyitumamila, yimunojeye yawupele cogopo u wele wangu, nane holeka noyilajila nhojo yangu kuli wanhu.’ ” Ninga mwene Haluni hamba si yapitula cinji yaye.

2 Zinghomo 26:16

Ninga u mutemi Uziya, yali yeza kuwona vyono yatuga vilungo, hodu yakawa kwinjilwa no wikumye. No wikumye wuwo, wukawa kumwinjiza mu wituma zimbi. Yakamubedegala Muwaha Mulungu, u Mulungu wakwe, so winjila mweneco mu Nyumba yo Mulungu, no kufusa wuvumba, mu cikumbicilo co kufusiza wuvumba.

Wutuluce 30:18

“Ale, wunoze ciya ca shaba cono cowa cina ne litende lyayo lya shaba, so wizuguzize. Wuciwice haciligati ye Lihema lyono lyelile ne cikumbicilo. Wucitajile ne malenga.

Jobu 11:2

“Alu wukwihwesa hasina munhu mono kusuma kuzipitula zinghani zako zizo zo wulele? Agwe wukwihwesa wulonga nghani nyinji, wumunozaga munhu kawa yali ling'ani?

Jobu 22:12

Ma! Mulungu, si yali ku wulanga kucanyha, nayo yakulanjila mu zinyelezi hasi, hamba ziwe zili kucanyha muno?

Zimbazi 10:19

Mu winji we zinghani zako, no wubi mo winjililaga mumo. Ninga hono wuwe wina mahala, yili ciba wuwe si wuli mulonji muno.