Muganuzi 2:3 - Luganuzi Luswanu Kuli Wanhu Wose 2002

³ Nane naza kuwa nehwesa muno, hodu nghalamula nisangalaze mahala gangu ne divayi, ninga akuno ho nghali nghudindimizwa no wuhile wangu wo wutuga mahala. Kanyhi nghalamula vyono ciba cityatye ne wanhu walele, ho sume kuwona hono yiyo yo nzila swanu ye wanhu, ya mu mikalile yawo micefu ya baha hono'nze.

Muganuzi 2:3 ပူးပေါင်းရင်းမြစ်များ

Mwamulizo 47:9

Yakobo nayo yakamupitula Falawo yakatya, “Wayiko, lizika lyono Mulungu yakondya kumhela mu wikale wangu, naficila myaka yigana limonga na makumi madatu. Ne myaka yiyi yikwijela micefu, ninga yimemile magazo. Kanyhi hamba nhavivyo, yikali si yinaficila mwi'walo lye myaka yono wekalaga wa baba mu wikale wawo.”

Jobu 14:14

Alu mwene hono munhu yawe yakondya kufwa, ho kowumipa kanyhi? Ninga ane nolindila sunga kono cokuziza cipango cono cinojeye, nolindila sunga cipango cici ce magayo cipulute.

Zabuli 104:15

nha cinji, divayi yono yomusangalaza, ne mafuta gono gomupela nyemo, sunga ne ndigwa yono yomupela vilungo.

Zimbazi 20:1

Wung'wela wo wujimbi, wuletaga mazozo, no kumunoza munhu kawa mulele. Kanyhi yo nghani ya wulele du, munhu kuwa mung'wela.

Muganuzi 1:17

Nghapiligala muno muno ho sume kumanya wisimajile we mahala, no lukwale, no wulele. Ninga nghamanya vyono, wunoza nhavivyo, wo wigaze we bwete du, wono wusina cambuzi co cose.

Muganuzi 10:19

Ndigwa nyinji, yiletaga wusangalale, nayo divayi, yisangalazaga mikalile. Nago mapesa go gaziletaga zizo zose.

Muganuzi 12:13

Hamonga na zizo zose, ho yili nghani monga kanyhi ye ndumilizo, nayo yoyi, “Mogopaje Mulungu, kanyhi wibate ne malajilizo gakwe.” Yiyi yo nghani mbaha muno, yo yaleka munhu yakawumbwa ho yayitume.

Muganuzi 2:24

Gwe, hasina yinji swanu yono yimukwiliye munhu, langa hono si kulya no kung'wa, hamonga no kuwusangalalila mulimo wakwe. Yiyi nayo nghuwona vyono yilawaga kuli Mulungu,

Muganuzi 5:18

Alu azi ane zo nakondya kuziwona, vyono kumbe, nghani swanu yono yomukwila munhu yoyi, kulya, kung'wa hamonga no kusangalalila mana gono yetujiye mu nhuguti yakwe mu milimo yono yakwituma bahano hono'nze, mu vilo vivyo vicefu du vya mu wikale wakwe, vyono Mulungu yamupeye, hambi nha vyo yawicilwa no Mulungu.

Muganuzi 6:12

Hambi nani lo mono yazimanyile zono zomukwila munhu, mu mikalile yiyi micefu, yono yisina hamba cambuzi co cose, i mikalile yono yipulutaga du nha mwenzenze? Hamba nani lo mono yali mono'nze yiyi, mono yazimanyile zono zomwagana munhu, kolo yakondya kufwa?

Muganuzi 7:18

Holeka yikunojeye wulece kuciziliza muli vivyo vinhu vyejete. Hambi mono yamogopile Mulungu, nha si kosuma kugwizwa na nghani yo yose muli zizo.

Muganuzi 7:25

Ninga hamba nhavivyo, nghahidimbala muno mu wumanye, no kulanga-langa, sunga no kulondola muno mahala, hamonga ne nhunizo ya zono zili baha, kanyhi ho sume kumanya u wubi wo wulele vyono winha, u wulele wo wu wula mahala.

Muganuzi 8:15

Ninga ane nihuwiye vyono, u munhu yanojeye yawe yali mu wumote muno, vyono ahano hono yinze, hasina cinji ciswanu cono cicizize kulya no kung'wa, hamonga no kwiyendeza. Azi zo munhu kosuma kuzituma mu wipiganze wakwe we milimo, mu vilo vyo wikale wakwe wa baha hono yinze, vyono Mulungu komupela.

Matayo 6:24

“Hasina mwitumami mono kosuma kuwetumamila watwa wejete. Ku soko nha komusula yumonga, no kumwenda yulya we kejete, hamba lunji komutyatya yumonga du, no kumubedegala ayulya muyagwe. Holeka si mosuma kumwitumamila u Mulungu hamonga ne zisawo.”

Waefeso 5:18

Mulece kugala wujimbi, hambi wuwo nha wuletaga i mikalile ye caka caka, langa mweze mumemile u Muhe Mono Yelile.

Walamuzi 9:13

Ninga nawo muzabibu wukapitula wukatya, ‘Hono musace ane niwe mutemi wenyu, yowa yinojeye mhele kulela mikalo yono yilavyaga divayi yono yisangalazaga milungu ne wanhu.’

1 Samwili 25:36

Ale, Abijeli yakawa kuwuya kwa Nabali. Yakamwagana yali ha kaya yatenjile ndigwa nyinji ha meza ye citemi-temi. Kanyhi yali yagalile wujimbi muno muno, yakawa yasangalaye muno. Holeka nayo Abijeli hamba si yasuma kumulonjela nghani yoyose mwizuwa lilyo, sunga wukela mitondo yaco.