Muganuzi 12:2 - Luganuzi Luswanu Kuli Wanhu Wose 2002

² Holeka wuzitumaje zizino lono lizuwa likali natukuwazwa, hamonga no wuzelu, no mwezi, sunga ne zinyelezi zose, na lono mavunde gakali sinagubika kanyhi, lono mvula yikali yawuka.

Muganuzi 12:2 ပူးပေါင်းရင်းမြစ်များ

Mwamulizo 27:1

Lulo, Isaka yali yeza mukombi muno, sunga ne meso gakwe gali geza sigakuwona yaye. Nayo Isaka yakamucema Esawu, u mwanagwe muwaha, yakamutya, “Gwe Esawu mwanangu!” Nayo Esawu yakedika yakatya, “Ane hano baba.”

Mwamulizo 48:10

Alu nago meso ga Isilayeli lulo, gali geza si gakuwona viswanu, ku soko yo wukombi wakwe. Hodu nayo Yusufu yakawa kuwasejeleza wanagwe behi no sogwe, nayo sogwe yakawanonela yakawakumbatila.

Zabuli 42:7

Kandetela mawingo hamonga ne madudu go wusungu, mawingo hamonga no wuvulumuce wayo we malenga, vyakondya kungwila.

Zabuli 71:20

Kundetela magayo menji mabi, ninga hamba yiwe nhavivyo, agwe komhela kanyhi wumi no kunyinula.

Zabuli 77:16

Ne malenga nago gali geza kukuwona go Mulungu, heya, gali geza kukuwona, mbeka gakogopa muno muno, lilenga likacicima sunga ko ku visolo vyayo.

Zabuli 90:10

Lunji cidahile kufisa myaka makumi mupunghati, mu wikale wetu, na lunji makumi munana, hono ciwe cina vilungo, ninga hamba nhavivyo, mu myaka yose, cili mu magayo du no wukalale. Navyo vilo, vikumalika mbela mbela, nase cikupuluta musunho!

Isaya 13:10

Nazo zinyelezi hamonga ne vibuto vye zinyelezi, si zolong'alala yaye. Nalyo lizuwa lyolotukuwala kolo lyeza kusosomoka, no mwezi nawo hamba si wolosana ng'o.

Isaya 5:30

Ne lizuwa lilyo, kolo lyeza kuza, wolowakolomela Waisilayeli, nhe malenga ge lilenga vyono gabulaga. Na yunji hono yayilanje yisi, na langata, kolowona citi ne magayo! Wuzelu wakondya kumelwa no wutitu.

Yoweli 3:15

Mwi'zuwa lilyo, mwezi ne lizuwa vyolotukuwala, ne zinyelezi si zolong'alala yaye.

Matayo 24:29

“Ninga u wugaye kolo wapuluta, lulo baho du ilizuwa lyolotukuwazwa, no mwezi nawo si wolosana ng'o, ne zinyelezi nazo zologwa ku wulawa kucanyha, ne vilungo vyo wulanga, vyolosinjiswa.

1 Samwili 3:2

Ale, mwi'zuwa linji ne cilo, lono na Eli yali yeza behi no kubofula, yali yagonile mu cinyumba cakwe,

1 Samwili 4:15

(Lulo nayo Eli, yali yaficila myaka makumi yicenda na munana, ne meso gakwe gali gakondya kutukuwala, hamba si yakusuma kanyhi kuwona.)

1 Samwili 4:18

Nayo munhu yuyo, yali yeza kutambula ze Lisanduku lye Cilagane lyo Muwaha Mulungu du, hobaho Eli, yakawa kugwa cinghata, mu wulawa mwigoda lyakwe lyono yali yekaliye, baho hamhelo yo mulango we likaya. Nayo yali yeza mukombi muno, kanyhi yali yo munhu mono yali yajinile muno. Holeka mu wugwe wuwo, singo yakwe yikabeneka, nayo hobaho du yakawa kufwa. Nayo yali mulamuzi mu Waisilayeli myaka makumi mane.