Muganuzi 1:2 - Luganuzi Luswanu Kuli Wanhu Wose 2002

² Yo nghani ya bwete du, yo nghani ya bwete du, nghukulonjela mbeka ane no muganuzi! Vinhu vyose, yo nghani ya bwete du!

Muganuzi 1:2 ပူးပေါင်းရင်းမြစ်များ

Jobu 11:12

“Ne wanhu walelelele, hamba si wotuga wizuce hambi ndogowe ya mu mbago, nha ndogowe ya mu mbago du.

Zabuli 144:4

Hambi munhu nha yehwanile mbeho, yono yikuputa du, sunga ne vilo vyakwe, vihwanile mubeho wono wupulutaga du.

Zabuli 89:47

Ninga weze kukumbucila, vyono nina vilo vicefu vyo wikale wangu, go Muwaha Mulungu! Nha yo gwegwe mono waciwumba, kanyhi ho cifwe mwizuwa linji!

Muganuzi 11:10

Wulece kuwa na mahwele, langa wutuzaje du mutima wako, weze wuli mwiyimizi, ho wulece kwinjila mu zimbali. Weze kukumbucila vyono si kojendelela kuwa wuli mudodo du vilo vyose.

Muganuzi 11:8

Holeka, munhu hono yawe yena myaka minji yo wikale wakwe, yimunojeye yayisangalalile myaka yiyo yose, akuno yakukumbucila vyono, i vilo vibi, navyo vinji nhavivyo, na kanyhi, vyono zose zono zokwijela zowa za bwete du.

Muganuzi 12:8

Yo nghani ya bwete du, yo nghani ya bwete du, ane nghukulonjela mbeka no Muganuzi! Vinhu vyose vyono wukuviwona, mbeka yo nghani ya bwete du.

Muganuzi 2:11

Hanyuma nghawa kwamula kwihwesa muli zose zono nali netuma, na vyono nazituma ko wuhidimbazi wuwaha muno muno. Nghamanya vyono zose zizo kumbe zali nghani ya bwete, kotya wisumanize ne mbeho, musina cambuzi co cose mono'nze.

Muganuzi 2:15

Hobaho nghehwesa nghatya, “Kumbe, zono zomwagana u munhu mulele, zo zizo du zono zonyagana na nene no mweneco. Alu co ca hayi 'mbi, co kuwa ne mahala gose gagano?” Ale, nghehwesa kanyhi ngheyipitula nili wene nghatya, “Ayi nayo mbeka, yo nghani ya bwete du.”

Muganuzi 2:17

Baho, hodu nghawa kuyisula i mikalile ya mono'nze, vyono zose zono zikwitumwa mono'nze, mbeka zamhela magaziko mawaha. Nazo zose zo nghani za bwete du, kumbe wo wigaze we bwete du, wono wusina cambuzi co cose.

Muganuzi 2:19

Hambi nani kanyhi, mono komanya vyono yuyo mono kotema kowa munhu we mahala, hamba kowa mulele? Ninga hamba yiwe nhavivyo, mwene kotema muli zose zono netuma mu mahala gangu baha mono'nze. Ninga hamba yiwe nhavivyo, azo zose nha nghani ya bwete du.

Muganuzi 2:21

Hambi munhu, nha ketumaga milimo, yakwitumila mahala, ko wizuce hamonga no wunghula wakwe wose, ninga kali kenji kamulecelaga munhu yunji mono yakutyatya, yuyo yo kawa kuzimota ze mana go mulimo, wono si yawulavizya nhuguti yaye. Yiyo nayo, mbeka yo nghani ya bwete du, kanyhi yo nghani yono 'mbi muno muno.

Muganuzi 2:23

Hambi mikalile yakwe yose, nha yimemile magayo du, sunga no witume wakwe wukuwa nha nghani ya bwete, hambi nha sunga na mu cilo mose, mahala gakwe si gatulaga yaye! Zizo nazo go muyangu, yo nghani ya bwete du.

Muganuzi 2:26

Hambi Mulungu nha kamupelaga mahala munhu mono yamwendile mweneco, hamonga no wizuce ne nyemo. Ninga u munhu mubi, Mulungu kamupelaga mulimo wo kududula no kulundilila du, hanyuma Mulungu kawa kumupela munhu yunji mono yakumwendeza. Ninga 'gwe, zizo zose nazo, nha nghani ya bwete du, kanyhi wo wigaze we bwete du, wono wusina cambuzi co cose.

Muganuzi 2:8

Nane nghewutila mapesa menji muno, hamonga na zahabu nyinji, mu wulawa mu viwutwa vyo wutemi, vya mu zisi zono nali nizitemile. Sunga walume ne wacekulu, wose wakasangalaza so nyimbo zawo, nane nghetujila wacekulu wose wajitulwa waswanu, wono mulume wo wose, yali yawasulumile, wono nene no mweneco nasulumila kuwa nawo.

Muganuzi 3:19

Hambi u mudumo wo munhu no mudumo we malimu, nha wo wumonga du. Hambi munhu nha kafwizaga nha vyono lilimu nalyo lifwizaga. Na vyose vyehelaga nhavivyo. Holeka munhu si yalicizize lilimu cinji co cose yaye. Vyose kuli munhu na kwi'limu, yo nghani ya bwete du.

Muganuzi 4:16

Liwalo lye wanhu lyali lisina mudumo, ninga mwene yakawatema wose. Ninga hamba nhavivyo, awalya wono wakulelwa, si wosuma kumwenda yaye. Ninga mbeka yiyo nayo, yo nghani ya bwete du, kanyhi wo wigaze we bwete du, wono wusina hamba cambuzi co cose.

Muganuzi 4:4

Kanyhi ngheyijiza vyono kumbe wuhidimbazi wose wo munhu, hamonga no wunghula wakwe wose wa mu witume wakwe, vilawililaga mu wiwonela wivu munhu na muyagwe. Ninga yiyo nayo yo nghani ya bwete du, hambi nha yinha wikataze we bwete du.

Muganuzi 4:8

Namuwona munhu yunji mono yasina mwana hamba nduguye, hamba nhavivyo, mwene si kalekaga kwituma milimo, kanyhi mwene hamba si yakuwa kuca ne sawo yakwe, hamba si ketuzaga akuno yakwiwuza yakutya, “Ale mwene, nghumwitumamila nani mwene mono yakunyambuza nghwikapisa sunga ndece kusangalala mu ziswanu?” Ayo mbeka yo nghani ya bwete du kanyhi yo nzila'mbi ye nyikala.

Muganuzi 5:10

Kanyhi wumanye vyono, mono yendile mapesa, yuyo hamba si kokwigushwa na mapesa yaye hamba yatye, hambi yiyo nayo, nha nghani ya bwete du.

Muganuzi 6:11

Kanyhi wumanye vyono, u wuwanji, wusina cambuzi hamba hadodo, hambi nha si wusumaga kumunyasuliza munhu.

Walumi 8:20

Hambi iviwumbwa nha vyawikwa mu wuwe wo wula vilungo, si vyono vyendile vyeneco, ninga vikawa nhavivyo, ku so wuhile wo Mulungu. Ninga hamba nhavivyo, ho wuli witumbilo.