Mika 7:8 - Luganuzi Luswanu Kuli Wanhu Wose 2002

⁸ Ne walugu wetu wowa wasina soko yo kucisimanga. Heya, hamba ciwe cagwa, ninga cokwinuka kanyhi. Alu cili mu wutitu, ninga Muwaha Mulungu kociletela kanyhi wuzelu.

Mika 7:8 ပူးပေါင်းရင်းမြစ်များ

Jobu 31:29

“Nane nghali si ninawusangalalila wutamiswe we walugu wangu, hamba lono wakwinjila mu magayo.

Zabuli 112:4

Wuzelu wuwamulicilaga mu wutitu, i wanhu waswanu, heya, wanhu wono wali lusungu, hambi Muwaha Mulungu, nha yali lusungu kanyhi mupolo, kanyhi yali ling'ani.

Zabuli 143:3

Hambi mulugu nha kanhyatilila, kasumila lukulu. Kawa kunyinjiza hanhu ha citi, niwa nhe wanhu wono wafwa katali.

Zabuli 20:8

Wene wawo wekobalaga no kugwa hasi, ninga ase cikwinuka no kwima wima.

Zabuli 27:1

U Muwaha Mulungu wo wuzelu wangu, kanyhi yo mhonelo yangu, alu kanyhi nimogope nani lo? U Muwaha Mulungu yo mudimi wangu alu nimogope nani 'mbi?

Zabuli 35:19

Wulece kuwaleceleza wawo walugu wangu, wajendelele kusimanga, na wawo wono wakusula 'ne bwete, ho wawusangalalile wugaye wangu.

Zabuli 37:21

U munhu mubi, kakopaga hamba si kalipaga yaye, ninga munhu we ling'ani, kanozaga du lihewa no kulavya bwete.

Zabuli 37:24

na hamba yagwe hasi, si kogwila lukulu yekalilile baho hasi, vyono Muwaha Mulungu yo yamwibatilize.

Zabuli 38:16

Nghulomba I walugu wangu ho walece kuwusecelelela wugaye wangu, hamba kwilumbila mu wugwe wangu.

Zabuli 84:11

U Muwaha Mulungu yo mudimi wetu, kanyhi yo mutemi wetu wo lukumyo, mwene kacimotyaga vye lihewa lyakwe, kanyhi yakucipela no lukumyo. Muwaha Mulungu si yakuwa kuwema cinji co cose ciswanu, wono wetumaga ze ling'ani.

Zabuli 97:11

No wuzelu, wumumulicilaga munhu, we ling'ani ne nyemo nayo, kuli wanhu waswanu.

Isaya 2:5

Holeka anye nyo wana wa Yakobo, kenhenyi cijendele mu wuzelu wono Muwaha Mulungu yakucipela.

Isaya 49:9

Nane lulo nolowalonjela wono wali mu jela nitye, ‘Ale, muwuce mubite, mwakondya kuwopolelwa!’ Nawo wono wali mu wutitu, nolowalonjela nitye, ‘Ale, nanye muwuce mulawile ku wuzelu!’ Hambi nha wolowa wenha zingholo zono zikudima mu matunda,

Isaya 50:10

Nanye wose mono mumuhulice Muwaha Mulungu, no kuzihulika zinghani zo mwitumami wakwe, mumanye nha vyono mokola mu nzila yo wutitu tuku. Ninga anye mumwitumbile du Muwaha Mulungu mumwegamile Mulungu wenyu.

Isaya 9:2

I wanhu wono wajendelaga mu wutitu wawona wuzelu wuwaha, wali wekaye mu yisi ye citi ciwaha ninga lu, wuzelu wuwabulilila.

Yelemiya 48:27

Nagwe Mowabu, wukumbuciye, vyono nagwe wawezwajizaga i wanhu wa Isilayeli? Kanyhi wukawatendela nha wanhu wono wali webatwe ne lipuga lye wahizi.

Yelemiya 50:11

U Muwaha Mulungu yakutya nhavi, “Anye nyo wanhu wa Babiloni, anye mwawateka wanhu wangu. Nalu mwina nyemo no wusangalale, mukujenda mwihwanile ng'ombe yono yikufijiha wuhemba, hamba kotya nha fwalasi yono yikulila.

Yelemiya 8:4

U Muwaha Mulungu yakanonjela mbite nghawalonjele wanhu wakwe niwatye nhavi, “Wulenyi, hono munhu yekobale yagwe hasi, kokwikalilila baho hasi yagwiye du, hamba si kokwinuka kanyhi lo? Hamba hono munhu yajililwe nzila, si kowuya ne nyuma yayilondole kanyhi ng'o?

Ezekiyeli 25:6

“U Muwaha Mulungu kanyhi yakuzilonga azino yakutya, Anye mwatowaga maganza, hamonga no kuzumha-zumha so nyemo. Mukayibedegala yisi ya Isilayeli.

Ezekiyeli 35:15

Nha vyono nagwe wawusangalalilaga u wutekwe we wanhu wangu Waisilayeli. Holeka i matunda ge yisi ya Seyili, hamonga ne yisi yose ya Edomu, yolowa nyika. Na mu nzila yiyo, wanhu wose ho wolomanyila vyono ane yo nene Muwaha Mulungu.”

Ezekiyeli 36:5

“Alu nane no Muwaha Mulungu, nghulonjela mwi'kuwo lyangu liwaha, kuli makungugo gose gono gapilime yisi ya Isilayeli, na ko muno kuli yisi ya Edomu. Wono waketemya mu yisi yangu yiwe wutemi wawo, so nyemo ye zinhumbula zawo, wakahasola ne hanhu ho wudimilo wayo.

Amosi 9:11

Muwaha Mulungu yakutya, “Lizuwa likuza lyono ane nolowusimya wutemi wa Dawudi, wono winha kaya yono yigwiye so wongomezwe. Nolonozeleza majinji gose gono gamwaguka, no kugasimya kanyhi. Noloyizenga no kuyinoza yiwe nha vyono yali katali.

Obadiya 1:12

Holeka si wali wunojeye wuwasece i wanduguzo wono wali mu Yuda ku soko yo wugaye wawo. Hamba kuwa no wusangalale mwi'zuwa lyawo lyo wugaye. Hamba kuwasekanga ku soko yo wugaye wawo.

Mika 4:10

Muwone wusungu mwinyongole anye wanhu wa Yelusalemi, nho mucekulu mono yali mu lusawo, hambi aluno nha mowuka mwi'kaya, mubite mukekale mwi'hala. Kanyhi mowa munojeye mubite ku Babiloni, ninga kuko ko Muwaha Mulungu kolomuponyezyenyi ku wulawa kuli walugu wenyu.

Mika 7:10

Nawo walugu wetu, woloziwona zizi wakolwe cevu. Ne walugu wanji wolocilonga wawe kutya, “Alu yali hayi u Muwaha Mulungu, u Mulungu wenyu?” Nase colowawona wakondya kusumwa, wakukanyanjilwa hasi nhe madabaga, mu zinzila za mwi'kaya.

Zakaliya 12:8

Mu vilo vivyo, u Muwaha Mulungu kolowadima i wanhu wose wono wekaye mu Yelusalemi, sunga na wono wasoceye muli wene, nawo wolotuga vilungo kotya vyono yali yenha Dawudi. Na we ndelo ya Dawudi wolowalongoza kotya nha malayika wo Muwaha Mulungu, kanyhi kotya Mulungu mweneco.

Malaki 4:2

Ninga kuli'nye mono muhulicile 'ne, i vilungo vyangu vye mhonelo, vyolomulawilenyi nhe'zuwa, no kumuletelenyi mhono, nhe nyhenjezi ye lizuwa. Mowa muli welecele, akuno musangalaye, kotya nyehe ndigulile mu wulawa mwi'kumbo.

Matayo 4:16

Iwanhu wono wekalaga kutitu alu wawona u wuzelu wuwaha. Na walya wono wekalaga mu yisi nhitu ye lifwa, na mu muzizi we lifwa, alu wuzelu wuwabulilila!”

Yohana 16:20

Nghumulonjelenyi mbeka, vyono anye mowa kulila no kukalala, ninga we yinze, wowa kusecelela. Anye mokalala, ninga wukalale wenyu hanyuma wolowa nyemo.

Yohana 8:12

Yesu lono yaduwaga ne Wafalisayo kanyhi, yakawalonjela, yakutya, “Ane yo nene wuzelu we yinze. Mono yakunhyatya nene, si kojendela lukulu mu wutitu, langa kowa no wuzelu wo wumi.”

Metumo ge Watumwa 26:18

Kowabunzulula i meso gawo, ho wasume kuwuka ku wutitu, ho wapitucile kuzelu, wawuce mu vilungo vya Setani, wamupitucile Mulungu, na so wihuwilo, ho watuje wunenelwe wo wubi, ho watuje wuhazi, hamonga na walya wono wakondya kuwa wanhu wo Mulungu.’

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kung'alala mu wusu wa Kilisito.

2 Wakolinto 4:9

cina walugu wenji, ninga wutazi wuli baho, hamba ciwe cikugwiswa ho hasi, ninga si cikongomezwa yaye.

Wugubule 21:23

Ne likaya lilyo si likusaka izuwa, hamba mwezi, vilimulicile, hambi u lukumyo lo Mulungu nha lolukuwa kulimulicila, ne zitala zalyo, yo yuyo u Mwana we ngholo.

Wugubule 22:5

I cilo si colokwijela kanyhi, hamba si wolosaka wuzelu we tala hamba we'zuwa, hambi u Muwaha Mulungu nha kowamulicila, nawo wotema cibitilila ne cibitilila.