Mika 7:7 - Luganuzi Luswanu Kuli Wanhu Wose 2002

⁷ Ninga 'ne, nomulanjilila Muwaha Mulungu, nomulindila Mulungu, mono komhonya 'ne. Nayo Mulungu wangu kohulika 'ne.

Mika 7:7 ပူးပေါင်းရင်းမြစ်များ

Mwamulizo 49:18

“Ane niwulindiye wukombozi wako, Gwe go Muwaha Mulungu.

Zabuli 109:4

hamba yiwe ane niwendile, ninga wene hamba si wanyhelelela yaye, hamba nhavivyo, ane nghawalombela du.

Zabuli 130:5

Niwulindiye wutazi wo Muwaha Mulungu, na mu nghani yakwe nitumbiye.

Zabuli 25:5

Wunhongaje mu mbeka yako no kunyijiza, hambi nha yo gwegwe du go Mulungu mono kumhonyaga, nane nghwitumbiye gwegwe du vilo vyose.

Zabuli 37:7

Ale, wutule hali Muwaha Mulungu, wumulindilaje ko wukangalizi, hamba wulece kwigaza na awalya wono wakumota muli vyawo, hamba kuli walya wono wakwitujila vinhu mu zinzila zimbi.

Zabuli 38:15

Ninga ane nokwitumbila gwegwe du go Muwaha Mulungu. Agwe go Muwaha Mulungu, go Mulungu wangu, kohuliciza.

Zabuli 50:15

Ale wunyhemaje lono wuli mu wugaye, nane nokuponya, nagwe konghumya.”

Zabuli 65:2

Hambi 'gwe nha wukuwuhulika wulombe wetu. Ne wanhu wose wokuziza no kunena wubi wawo.

Zabuli 85:5

Alu 'mbi kojendelela kucisimbila cibitilila? Alu mwene, wukali wako, wojendelela sunga ku zindelo zose lo?

Isaya 12:2

Mulungu yo mhonelo yangu nomwitumbila mwene, hamba si nokogopa cinji yaye. Hambi Muwaha Mulungu, nha yo kamhelaga 'ne vilungo no wusume, kanyhi yo muponyi wangu.

Isaya 17:7

Ne lizuwa lilyo kolo likuza, i wanhu wolomuwuyila Muwumbi wawo u Mulungu mono yelile wa Isilayeli wakulondola wutazi.

Isaya 25:9

Nazo zizi kolo zejela, wanhu wose wololonga watye, “Mbeka, heya! Ayu yo Mulungu wetu! Nase comwitumbila mwene, nayo nha yaciponya. Mwene yo Muwaha Mulungu! Nase cakondya kumwitumbila. Nase luno cisangalaye muno, kanyhi cina nyemo mbaha, vyono mwene yakondya kuciponya.”

Isaya 45:22

“Muze kuli'ne, ho mupone anye nyo wanhu we yinze yose! Ane no Mulungu nili wene, nili baha.

Isaya 8:17

Ninga hamba yiwe, Muwaha Mulungu yehundice ho yalece kuwonwa ne wanhu wakwe, ninga ane nomwitumbila du, no kuwika witumbilo wangu muli mwene.

I Cililo 3:24

Holeka ane, Muwaha Mulungu lyo lifungu lyangu. Nane nimwitumbiye mweneco du.

Danyeli 3:17

Langa u Mulungu wetu mono cikumuhemba, yo kosuma kucitaza mwi'lambi lyo moto, hamonga na mu vilungo vyako.

Hoseya 12:6

Holeka anye nyo lulelo lwa Yakobo, mwitumbilenyi Mulungu wenyu, kanyhi mumuwuyile mwene. Mweze ne cihuliko, kanyhi mweze muli ling'ani, akuno mumulindiye Mulungu ko wukangalizi, nhondo zose.

Yoweli 1:19

Ane nghukulilila agwe go Muwaha Mulungu, ku soko yo wudimo hamonga ne mibici, vyono vyanyala kotya nha vitakamizwe no moto.

Habakuki 2:1

Nobita mucanyha yo munala wangu, nindile mbone zono Muwaha Mulungu kononjela, ho nonje kanyhi, mbone lipitulo lyono komhela muli zizo zono singhuzenda.

Habakuki 2:3

Wuzandikaje, hambi cipango nha cikali cono zizo zowela. Ninga cipango cikuza mbela, na zono nghukulajila zokuza. Ne cipango cico cokwijela nha cikucela ku wuze, ninga agwe weze wulindiye du, naco cokuza, hamba si cotinya yaye.

Wuwale 5:28

Ninga hono yiwe mbeka si yazitumile zizo zo wusenyha, si kosuma kutuga mbali yo yose, kosuma du no kulela wana.