Mika 7:6 - Luganuzi Luswanu Kuli Wanhu Wose 2002

⁶ Na mu vilo vivyo, i wana wolowa kuwatendela wasogo zawo nha wanhu wono wasina mahala, nawo i wana we cicekulu, wakwiwanganila ne wanyina zawo. Ne wahinza wono watoligwe, nawo wakugombana ne wakwe zawo we cicekulu. Hambi i walugu wo munhu, nha wo wawo wa mu kaya yakwe mweneco.

Mika 7:6 ပူးပေါင်းရင်းမြစ်များ

Mwamulizo 49:4

Nha vyono winha wufwaluce we malenga, nagwe si kosuma kwimilwa, ninga hamba nhavivyo si kowa wuli muwaha wucizize wose, hambi agwe nha wagona no muwanda wangu, wukacitajila wavu, citanda co sogo.

2 Samwili 16:11

Hanyuma Dawudi yakamulonjela Abishayi hamonga ne wetumami wakwe wose yakatya, “Mulanje ta! U mwanangu wangu wangu du Abusalomu, yo yakusaka kumbulaga, alu socici mukumwizina u mubenyamini yuyu? Muwaha Mulungu yo yamutumile yaze yandijite, holeka 'nye mumulekaje du yandijite.

Zabuli 41:9

Sunga no mwendece wangu muwaha mono nali nimwitumbiye, mono nali kuhangana nayo zindigwa zangu, nayo yakondya kumhituka no kwihoma nane!

Zimbazi 30:11

Kanyhi ko wali wanhu, wono walijitaga wasogo zawo, no kuwakununghalila i wanyina zawo.

Zimbazi 30:17

No munhu mono kamusekangaga sogwe, hamba mono yakumubedegala nyina mu wukombi wakwe, munhu yuyo yanojeye yaligwe ne zi 'ndi, hamba meso gakwe gakopozolwe ne mahowe.

Isaya 3:5

Nawo wanhu wolowa kwigaza munhu no muyagwe. I wadodo wolowabedegala wawaha, nawo wono wabedegaywe, hamba si wolowapela cogopo wono wena lilumbo.

Isaya 9:19

Alu, na vyono Muwaha Mulungu we mihanga yakoligwe likuwo, holeka no wulipicize wakwe wukutakamiza nha moto mu yisi yose, no kuwongomeza wanhu. No munhu wo wose kokwimanyilila mweneco.

Yelemiya 12:6

Alu, lanje, vyono, sunga ne wanduguzo wose mono muli mhuga monga, nawo wakugaluka, nalu wakondya kwilunza mwi'puga lya wono wakukuhoma 'gwe. Holeka nagwe, hamba wakulonjele nghani swanu muno, ninga wulecele lukulu kuwetumbila hamba hadodo.”

Yelemiya 20:10

Nane nghuwahulika wanhu wose wakupwepwa wakutya, “Nghakamo yili hanhu hose! Holeka, alenyi le, cikawalonjele wono wena wulajilize.” Sunga ne weyendi wayangu, wose walindiye du, wawone wugwe wangu, akuno wakutya, “Na lunji kosuma kukocwa-kocwa, nase baho ho cosumila kumwibata, cilipicize.”

Yelemiya 9:4

Holeka musuguce, mweze kwiyidima munhu no mwiyendi muyagwe, no munhu wo wose, yalecele lukulu kumwitumbila u nduguye, hambi i wandugu za munhu, nha wowa walambi wose, hambi nha wowa wasonjezi, wakuwasonjeza wayawo.

Ezekiyeli 22:7

Kanyhi mwi'kaya, musina mwana hamba yumonga mono yawahulice walezi wakwe. Mukuwakoca-koca i wajenzi, no kwitujila cambuzi kuli wacekulu wafwile, na ku wana wono wasina walezi.

Obadiya 1:7

I wanhu wono mwalagana, wamukongajenyi, alu lanje, wakondya kumuwusenyi mu wulawa mu yisi yenyu. Wo wanhu wono mwekalanaga nawo viswanu, ninga luno wamusumajenyi. Wawo wono mwali mwiyendile, mukulizana hamonga nawo, alu wamuwicilajenyi mutego, nawo wakumulonjenyi wakutya, ‘Alu vilungo vili hayi vyono wali wena navyo?’

Matayo 10:21

“Munhu komukombola u mwanakwawe ho yawulagwe, no sogo yo munhu nayo komukombola u mwanagwe, ne wana nawo wowagaluka iwalezi wawo no kuwawulaga.

Matayo 26:23

Ninga Yesu yakawapitula yakawatya, “Yuyo mono cililizane nhonje hamonga na nene mu ciya ce mboga, ale yo yuyo mono kongaluka.

Luka 12:53

Wolokwitemanuka, sogo yo munhu no mwanagwe we cilume, no mwana we cilume no sogwe; nyina yo munhu no mwanagwe we cicekulu, no mwana we cicekulu no nyina; mukwewe we cicekulu no mugolece wo mwanagwe, no mugolece wo mwana no mukwewe we cicekulu.

Luka 21:16

Iwalezi wenyu, ne wandugu zenyu, na we cimanyi, ne wendece wenyu, womugalucenyi, na wanji wa muli nyenye mowulagwa.

Yohana 13:18

“Zizi si nghumulonjelenyi wose. Niwamanyile wono nawahagula. Ninga yinojeye i Mandiko Gono Gelile gafisilizwe gono gakutya, ‘Yuyulya mono cikuhanga nayo zindigwa zangu, kapituka no kungaluka.’