Mika 7:4 - Luganuzi Luswanu Kuli Wanhu Wose 2002

⁴ Sunga no munhu muswanu muli wene, yakuwa yasina cambuzi nhe maselegwa. Ninga lizuwa lyakondya kuza, lyono Mulungu kowalipiciza wanhu, nha vyono yawasugula mu nzila ye walindilizi wawo ne wawizi wakwe, ku wulawa katali. Alu weza wali mu mahwele.

Mika 7:4 ပူးပေါင်းရင်းမြစ်များ

Isaya 10:3

Hamba monozaci kolo Mulungu yakumulipicizenyi? Hamba monoza nhawule, kolo yakumuletelenyi magazo ku wulawa ku yisi yo kutali? Hamba motiziza hayi hene mukalondole wutazi? Hamba hayi hene hono mozihundika zisawo zenyu?

Isaya 22:5

Hambi ali nha lyo lizuwa lye mahwele, no wusumwe, hamonga no woga wuwaha, mwi'lolo lyo wugubulilwe. Hambi u Muwaha Mulungu we mihanga, nha yo yacileteye. Alu lanje, sunga ne majinji ge likaya lyetu, gose gakondya kumwaguka, ne mazi ge cililo cetu co kulondola wutazi, ne matunda nhondo gakubocelela.

Isaya 55:13

I mibici nayo yolocindika yihomele hono ho gali mabijili, nago mapangalale golocindika gahomele hono ho gali mamivya. Naco cico co colowa citanjilo cono colokwikala cibitilila, colowa co cikumbucizo ca zono ane no Muwaha Mulungu nakondya kuzitumama.”

Yelemiya 10:15

Holeka yisina cambuzi, langa co cinhu ca caka du. Ninga i lizuwa lyono Muwaha Mulungu yalaziza, kolokuza yayongomezeze lukulu, i milungu yiyo yose.

Yelemiya 11:23

Nane nha nakondya kuliwikaniza lizuwa lyono nolowuletela wongomele muli wanhu wa Anatoti. Ne lizuwa lilyo kolo lyakondya kuza, holowa hasina hamba munhu monga wa muli wene mono kolopona.”

Yelemiya 46:21

Sunga ne wasilikale wakwe wo kulipwa, watimbile du, wenha ndama si wakusuma kwina no kwihoma, langa wose wawuya ne nyuma no kutiza. Hambi lizuwa lyawo lyo wongomezwe, nha lyakondya kuza, lidaha lyo wuhodanjice wawo.

Yelemiya 8:12

Ninga wule nyo wanhu wangu, mwakolwa cevu so makani gago ge cevu gono mwagetuma? Waco nye, hamba si mwakolwa cevu yaye, hamba si mwapuwa ng'o! Holeka luno nanye kolo nghumukundujizenyi, mogwa nha vyono wanji wagwa. Nanye nhondo, wuwo wowa wo mudumo wenyu. Vyo nghutya ane no Muwaha Mulungu.

Ezekiyeli 2:6

“Ninga agwe go munhu, wulecele lukulu kuwogopa hamba kuzogopa zinghani zawo. Ninga wumanye nha vyono hamba mabijili ne mamivya gakuhome nagwe kowa nha mono wikaye hono ho zili zi'nje. Ninga 'gwe weze wukamile, wulecele lukulu kuwogopa i wabedegazi wawo, hamba kuzogopa nghani zawo.

Ezekiyeli 28:24

Muwaha Mulungu yakatya, “Hasina kanyhi nghungugo hamba monga, muli zono ziyipilime yisi ya Isilayeli, zono zayitendelaga Isilayeli vibi, yono kanyhi yosuma kuwa nhe mamiya ne mabijili, gono goyitamisa kanyhi Isilayeli. Nawo ho womanya vyono ane yo nene Muwaha Mulungu.”

Amosi 8:2

Muwaha Mulungu yakambuza yakatya, “Amosi, wukuwona cici?” Nane nghamupitula nghatya, “Nghuwona nhoto ye mikalo.” Muwaha Mulungu yakanyitya, “U mudumo we wanhu wangu Isilayeli, wakondya kuza. Nane sinokawaniza yaye wuhile wangu wo kuwongomeza wene.

Nahumu 1:10

Nanye mo wagalo 'jimbi, molotakamizwa nhe mamivya gono gedawilize ne mahanze makavu.

Luka 21:25

“Na kolowa na vitanjilo mwi'zuwa na mu mwezi na mu zinyelezi; ne makungugo kono'nze golowa na magayo, wena mahwele so mukukunzo we lilenga ne mawingo gayo.

Wahebelaniya 6:8

Ninga hono u muhangha wuwo wucindye mabici ge mamiya, na ganji caka, wukuwa wusina cambuzi, wukuwa wuli behi no wulijitwa no Mulungu, no mudumo wayo wukuwa wutakamizwe mu moto.