Mika 7:20 - Luganuzi Luswanu Kuli Wanhu Wose 2002

²⁰ Agwe kolajila wihuwilwa wako no lusungu lwako kuli wanhu wako, mu lulelo lwa Abulahamu na Yakobo, nha vyono wawehuwiziza i walezi wetu ku wulawa mu vilo vye katali.

Mika 7:20 ပူးပေါင်းရင်းမြစ်များ

Mwamulizo 24:27

yakatya, “U lukumyo lweze kuli Muwaha Mulungu, u Mulungu wo muwaha wangu Abulahamu, mono sikalekaga u lusungu lwakwe ne mbeka yakwe, kuli muwaha wangu. U Muwaha Mulungu kanhonga mu nzila, sunga kafisa kuli wanduguze wo muwaha wangu Abulahamu.”

Mwamulizo 32:10

Ane hamba sinojeye kuli wihuwilwa wako, hamonga no lusungu lwako, vyono wanhendela ane no mwitumami wako. Lono nalowocela likolongo lya Yoludani, nali sina cinhu cinji co cose, langa nali nina yo nghome du, ninga 'lanje, alu ceza cili mapuga mejete.

Yelemiya 33:6

“Ninga hamba nhavivyo, nololiponya likaya lili, hamonga ne wanhu wayo, no kuwaleka wekale ne miwili miswanu. Nane nolowalajila zo mulamu, na ze mikalile yono yipolile.

Wukumbucize wo Wulajilize 7:12

“Na hono mugahulice malajilizo gaga mugakamise no kugetuma ko wihuwilwa, u Muwaha Mulungu, u Mulungu wenyu, nayo kojendelela kucikamisa cilagane cakwe cono yacinoza nanye, kanyhi komulajilenyi no lusungu lwakwe luwaha, nha vyono yawehuwiza walezi wenyu.

Wukumbucize wo Wulajilize 7:8

Ninga Muwaha Mulungu yakamwendenyi du, kanyhi yakasaka yafisilize wihuwizo wakwe, wono yawehuwiza i walezi wenyu. Na yiyi yo yaleka yakamuwusenyi ku yisi ya Misili, kwe vilungo vyakwe viwaha, yakamunozenyi muwe welecele, mu wulawa mu wuwanda wa ku Misili, wa kuli mutemi Falawo.