Mika 7:19 - Luganuzi Luswanu Kuli Wanhu Wose 2002

¹⁹ Kowa no lusungu kanyhi kuli'se nhe vilo vyono vyapuluta. Kanyhi kowusambanjila wubi wetu hasi ye magulu gako, no kuwutaga wubi wetu ku visolo vye lilenga!

Mika 7:19 ပူးပေါင်းရင်းမြစ်များ

2 Samwili 24:14

Nayo Dawudi yakamupitula Gadi yakatya, “Alu ane nenjilwa na mahwele mawaha muno muno! Kanyhi hamba si nendile ndipicizwe ne wanhu. Holeka yili ciba Muwaha Mulungu yo yacilipicize mweneco, hambi mwene nha yali lusungu.”

Zabuli 103:12

Nha vyono yinha kucilima, na kumwezi vili kutali kutali, ale, nayo Mulungu, vyo kawuwikaga kutali nase wubi wetu.

Zabuli 130:8

Heya, kowakomboza wanhu wakwe Isilayeli, mu wulawa mu wubi wawo wose.

Zabuli 85:3

Kuwimila wukali wako wose, hamba si wukuwakolelwa likuwo kanyhi.

Isaya 33:24

Ne wanhu wose wono cowa cikalane nawo mu yisi yetu, hasina hamba monga mono kolo kwing'ulanza yawe kutya yatamwa, ne wanhu wose wono wokwikala mumo, wolonenelwa wubi wawo.

Isaya 38:17

No wusungu wangu wopituka wuwe mulamu. Hambi nha wamhonya mu zimbali zose. Wakondya kunenela no wubi wangu wose.

Isaya 43:25

Ninga hamba nhavivyo, ane yo nene Mulungu mono nghuwunenela wubi wenyu. Nane nghuzinoza zizi vyono nili Mulungu. Hamba si nowukumbucila kanyhi no wubi wenyu.”

Yelemiya 31:20

“Gwe Isilayeli, nha yo gwegwe go mwanangu, mono nghwendile muno muno. Na mu mapango go gose, lono nghulitambula litagwa lyako, nghuwa kukwihwesa ko wendo wuwaha muno. Ne nhumbula yangu yikugazika so gwegwe. Holeka nane nokuwonela lusungu.

Yelemiya 31:34

Na mu vilo vivyo, holowa hasina kanyhi yunji mono kolowa kumwijiza muyagwe yunji yakumutya yamumanye Muwaha Mulungu, hambi i wanhu wose nha wolowa wakondya kumanya 'ne, ku wulawilila i wadodo sunga ne wanhu mututu wose. Nane nolowanenela u wubi wawo wose. Kanyhi hamba si nilagakumbucilila lukulu i mabi gawo gose gono wetuma. Vyo nghutya, ane no Muwaha Mulungu.”

Yelemiya 33:8

Nolowakwema no wubi wawo wose wono wasutizya. Kanyhi nolowanenela u wubi wawo wose, hamonga no wubezi wawo.

Yelemiya 50:20

Na kolo vilo vivyo vikuza, holowa hasina wubi wo wose kanyhi, wono wolowa kwitumwa na Isilayeli, hamba mabi go gose mu Yuda. Hambi nha nolowanenela wanhu wose wono nolowasigaza. Vyo nghutya, ane no Muwaha Mulungu.”

I Cililo 3:22

U lusungu no wendo wo Muwaha Mulungu, si vidumaga yaye.

I Cililo 3:32

Hanji yadahile kuciletela wukalale, ninga wendo wakwe kuli'se wo we mbeka, kanyhi wuli vilungo.

Ezekiyeli 18:22

No wubi wakwe wose wonenelwa, nayo kowa mumi, hambi nha ketuma ze ling'ani.”

Ezekiyeli 39:29

Nane nolowetila zo muhe wangu i wanhu wangu Waisilayeli, kanyhi hamba si nolowalecela lukulu ng'o. Vyo nghutya, ane no Muwaha Mulungu.”

Danyeli 9:24

“Mu myaka makumi mupunghati kali mupunghati, wo wutali we cipango cono Mulungu yaciwika, co kuwimila wubi, hamonga ne masutya, muli wanhu wako na mwi'kaya lyako lyono lyelile. U wubi wolonenelwa, ne ling'ani ye cibitilila yolotema. Na mwi'pango lilyo, u wugubulilwe hamonga no wuwizi, ho vilawa vya mbeka. Ne Nyumba yo Mulungu nayo, yilasiwanulwa.

Hoseya 14:2

Muwuyilenyi Muwaha Mulungu, no wulombe awu wuwe co cilavywa cenyu kuli mwene. “Gwe Muwaha Mulungu, wucinenelaje wubi wetu wose, kanyhi wubocele wulombe wetu nase cokukumya agwe nha vyono cehuwiza.

Hoseya 14:4

Muwaha Mulungu yakutya, “Nane nowagomola wanhu wangu wawuye kuli'ne nowenda kwe nhumbula yangu yose, hamba sinolowakolelwa likuwo kanyhi.

Zakaliya 3:4

Malayika yakawalonjela wetumami wakwe wa ku wulanga, wono wali wemile ha mwande yakwe yakawatya, “Mumuwopolaje munhu ayu myenda yiyo yono yitipiye, yono yavwalile.” Hanyuma yakamulonjela Yoshuwa yakamutya, “Ale, nakondya kukuwuziza wubi wako, nokupela ne myenda mipya yo wuvwale.”

Walumi 6:14

Hambi uwubi nha si womutemenyi kanyhi, ku soko vyono si muli mu Wulajilize, langa muli mwi'hewa.

Walumi 8:13

Hambi hono mwikalilaje zo muwili, mbeka mofwa. Ninga ku Muhe, hono muwulaje imetumo genyu imabi, ale mowumipa.

Wukumbucize wo Wulajilize 30:3

ale, Muwaha Mulungu, u Mulungu wenyu, nayo komuwonelenyi nanye lusungu. Nayo komukongholezenyi kanyhi hamonga, no kumugomolenyi mu wulawa mu makungugo gono yali yakondya kumwiyagazizenyi kuko, kanyhi komumotyenyi.

Wukumbucize wo Wulajilize 30:6

Kanyhi Muwaha Mulungu, u Mulungu wenyu, komupelenyi nyenye hamonga ne wana wenyu nhumbula yono yina cihuliko kuli mwene, ho mumwende kwe zinhumbula zenyu zose, kanyhi ho mujendelele kwikala mu yisi yiyo.

Wukumbucize wo Wulajilize 32:36

Muwaha Mulungu kowaponya wanhu wakwe, kolo yeza kuwawona vyono walemegwa. Nayo kowawonela lusungu, wose wono wakumwitumamila mwene. Kolo yakondya kuwawona vyono mbeka wakondya kulemwa.

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

Wahebelaniya 8:12

Nane nolowanenela u wubi wawo hamba si nowukumbucila kanyhi yaye.”

1 Yohana 3:8

Ninga mono yakwituma wubi, yuyo yo wa Setani, hambi Setani nha ketumaga zo wubi ku wulawa mwamulizo. Ninga u Mwana wo Mulungu yakaza mononze ho yayihodanje i milimo ya Setani.