Mika 7:18 - Luganuzi Luswanu Kuli Wanhu Wose 2002

¹⁸ Gwe Muwaha Mulungu, hasina mulungu yunji mono yehwanile gwegwe, hambi 'gwe nha kuwanenelaga u wubi wawo wanhu wako wono wasigala, hamba si kwikalaga ne likuwo cibitilila. Ninga kuwezaga ne nyemo, ho wulajile lusungu lwako kuli'se.

Mika 7:18 ပူးပေါင်းရင်းမြစ်များ

Mwamulizo 4:7

Alu, wule, si yili mbeka vyono nagwe wali wuvumilwe nhavivyo, hono wali witume viswanu? Ninga alu vyono witumile vibi, holeka u wubi wehwana lilimu, wikaye ha mulango wako wukukusulumila wukuhawanje, ninga yikunojeye agwe wuwusumize.”

1 Watemi 8:23

yakalomba yakutya, “Gwe go Muwaha Mulungu, go Mulungu wa Isilayeli, hasina Mulungu yunji mono yehwanile gwegwe kuko ku wulanga, hamba mono 'si hasi! Hambi agwe nha kukamisaga wihuwizo wako kuli wanhu wako, no kuwulajila u lusungu lwako kuli wene, lono wakukuhulika kwe zinhumbula zawo zose.

2 Zinghomo 30:9

Nanye hono mumuwuyile Muwaha Mulungu, na wa walya nawo wono wawasola wandugu zenyu no kuwategula kutali nha wafungwa, nawo wowawonela lusungu, wawalecele wawuye ku zikwawo. Hambi u Muwaha Mulungu wenyu, nha yena lihewa no lusungu. Holeka hono mumuwuyile, nayo komubocelenyi.”

2 Zinghomo 6:21

Wuhulice wulombe wangu, hamonga no wulombe we wanhu wako Waisilayeli, lono nawo wakukulomba akuno walanzizye wusu wawo hanhu baha. Holeka cikukunena, wucihulice, kuko ku wulanga, wucinenele.

Nehemiya 9:17

Wakalema kuwa na cihuliko, wakasemwa zose zono wetuma. Wakasemwa sunga ne mapoto gono wetuma. Na mu cibede cawo, wakahagula mulongola, ho yawagomole ku yisi ya Misili, yisi yo wuwanda. Ninga 'gwe, wuli Mulungu wo wunenezi. Mono wumemile wendo ne lihewa, kanyhi si wuli mupelu kukolwa ne likuwo. No lusungu lwako luwaha, hamba si wawaleka yaye.

Zabuli 103:13

Nha vyono sogo yo munhu, kawawonelaga lusungu wanagwe, ale, nha vivyo no Muwaha Mulungu nayo, vyo kawawonelaga lusungu wose wono wamogopile.

Zabuli 130:4

Ninga 'gwe, kucinenelaga wubi wetu, ho cikwitumamile kwe cogopo.

Zabuli 35:10

Nane, ko mutima wangu wose nomutya Muwaha Mulungu, “Agwe go Muwaha Mulungu, mbeka hasina mono yehwanile gwegwe! Agwe kuwaponyaga i wasocele mu miwoko ya wono wali vilungo, i waciwa nawo kuwaponyaga mu miwoko ye wahizi.”

Zabuli 65:3

U wubi wetu kolo wacilemela, agwe kucinenelaga.

Zabuli 65:4

Wamoti wono agwe wuwahaguye wekale, hono helile hako! Ase cokwiguta ziswanu za mu nyumba yako, u wumoteswe wa mu Nyumba yako yono Yelile.

Zabuli 71:19

Gwe go Mulungu i vilungo vyako, hamonga no wiling'ano wako, vificile ko ku mavunde. Agwe yo gwegwe mono wanoza zimbaha muno. Alu go Mulungu yo nani 'mbi, kanyhi mono yehwanile gwegwe?

Zabuli 86:15

Ninga agwe go Muwaha Mulungu, wuli Mulungu wo lusungu, kanyhi wina lihewa, agwe wuli mukangalizi muno, kanyhi wumemile lusungu ne mbeka.

Zabuli 86:5

Hambi agwe go Muwaha Mulungu, nha wuli muswanu, kanyhi wuli munenezi nhondo zose, kanyhi wuli lusungu kuli wose wono wakukulomba.

Zabuli 89:6

Alo nani 'mbi ku wulanga, mono kokwihwananizwa no Muwaha Mulungu? Hasina hamba monga mu viwumbwa vyose, vya ku wulanga, mono kokwihwananizwa nagwe!

Zabuli 89:8

Gwe go Muwaha Mulungu go Mulungu we mihanga, Alo nani mbi mono yena vilungo, nha gwegwe go Muwaha Mulungu? Agwe mono wuli mwihuwilwa muli zose.

Wutuluce 15:11

“Gwe go Muwaha Mulungu, Alo nani 'mbi mono yehwanile gwegwe mu milungu yose? Hamba nani mono yehwanile gwegwe go Muwaha Mulungu mono Welile, mono wukogofya so mapoto gako, ne milimo yako ye vilungo no wizine?

Wutuluce 34:9

Hanyuma Musa yakawa kutya, “Gwe go Muwaha Mulungu, alu vyono wakondya kumhela lihewa lyako, nane lu nghukunena, wujendane hamonga nase. Hambi wanhu wawa nha wasina cihuliko. Ninga hamba nhavivyo, wucinenele wavu wetu hamonga no wubi wetu. Nagwe wucibocele du nha wanhu wako go mweneco.”

Isaya 1:18

Alu Muwaha Mulungu yakutya nhavi, “Ale, muze cilongane cizimale. Vyono hamba masutya genyu gawe madunghu ninga ane nomukwemenyi muwe wazelu swee nha seluji. Hamba gawe madunghu kasu, gowa mazelu swee, nho wukunzeje we ngholo nzelu.

Isaya 33:24

Ne wanhu wose wono cowa cikalane nawo mu yisi yetu, hasina hamba monga mono kolo kwing'ulanza yawe kutya yatamwa, ne wanhu wose wono wokwikala mumo, wolonenelwa wubi wawo.

Isaya 38:17

No wusungu wangu wopituka wuwe mulamu. Hambi nha wamhonya mu zimbali zose. Wakondya kunenela no wubi wangu wose.

Isaya 40:18

Alu mwene, kosuma kumwihwananiza Mulungu nha nani? Hamba si kosuma yaye kumulolosa nha vyono yenha hamba kumwihwananiza yaye.

Isaya 40:25

Alu mwene, kosuma ku mwihwananiza Mulungu mono yelile nha nani? Hamba ho yuli yunji mono yehwanile mwene?

Isaya 43:25

Ninga hamba nhavivyo, ane yo nene Mulungu mono nghuwunenela wubi wenyu. Nane nghuzinoza zizi vyono nili Mulungu. Hamba si nowukumbucila kanyhi no wubi wenyu.”

Isaya 44:22

Nakondya kuwupatila lukulu wubi wenyu nhe livunde. Holeka mumbuyilaje. Hambi nha yo nene du mono nghumuponyenyi.”

Isaya 55:7

Nawo i wanhu wabi, wayilekaje mikalile yawo mibi wagapitule mahweso gawo mabi, wamuwuyile Muwaha Mulungu, u Mulungu wetu. Hambi mwene nha yali lusungu, kanyhi mwene kawanenelaga wanhu mbela.

Isaya 57:10

Mukwikataza bwete nyo weneco so wulondola milungu yinji, hamba si mukupela yaye. Hambi nha mukali kwihwesa nha vyono milungu yiyo ye cikomaza yomupelenyi vilungo ho mulece kutimba.

Isaya 57:16

Yo nene mono nawapela wanhu wangu wumi, holeka si nosuma kujendelela kuwahosa hamba kuwakolelwa likuwo cibitilila.

Isaya 62:5

Kokwihwana nho muzelelo mono yakumusola muhinza mono si yamanyile walume, yawe bibi halusi wakwe. Holeka nagwe, yuyo mono yakuwumba, yuyo yo mono kokutola agwe. Kanyhi nha vyono bwana halusi kendezwaga na bibi halusi wakwe, Ale nhavivyo no Mulungu wako nayo vyo kokwendezwa nagwe.

Isaya 64:9

holeka dedede wulece kucikolelwa likuwo lyako, hamba kuwukumbucila wubi wetu cibitilila. Hambi'se nha cili wanhu wako, holeka cikukunena wuciwonele lusungu.

Isaya 65:19

Sunga na nene no mweneco nolowa memile nyemo ku soko ya Yelusalemi, hamonga ne wanhu wayo. Hambi nha molowa musina cililo mumo, hamba wulondola wutazi.

Yelemiya 3:12

Holeka yakawa kunyitya nha vyono mbite nghamulonjele Isilayeli nimutye nhavi, “Agwe Isilayeli, mono si wuli mwihuwilwa, ale wumbuyile 'ne. Hambi ane nha nili lusungu, hamba si nokolwa ne likuwo, hamba kukukolelwa likuwo cibitilila.

Yelemiya 3:5

Holeka si kosuma kwikala ne likuwo lyako nhondo zose, hamba kungholelwa likuwo cibitilila.’ Heya 'gwe Isilayeli, nhavivi vyo kulongaga, ninga akuno vyo wukwituma ne makani mabi du, nha vyono wukusaka gwegwe.”

Yelemiya 31:20

“Gwe Isilayeli, nha yo gwegwe go mwanangu, mono nghwendile muno muno. Na mu mapango go gose, lono nghulitambula litagwa lyako, nghuwa kukwihwesa ko wendo wuwaha muno. Ne nhumbula yangu yikugazika so gwegwe. Holeka nane nokuwonela lusungu.

Yelemiya 31:34

Na mu vilo vivyo, holowa hasina kanyhi yunji mono kolowa kumwijiza muyagwe yunji yakumutya yamumanye Muwaha Mulungu, hambi i wanhu wose nha wolowa wakondya kumanya 'ne, ku wulawilila i wadodo sunga ne wanhu mututu wose. Nane nolowanenela u wubi wawo wose. Kanyhi hamba si nilagakumbucilila lukulu i mabi gawo gose gono wetuma. Vyo nghutya, ane no Muwaha Mulungu.”

Yelemiya 32:41

Nane nolotuga nyemo ku soko yawo, nolowasikamya mono yisi yiyi, kanyhi nolowatendela ziswanu.

Yelemiya 33:8

Nolowakwema no wubi wawo wose wono wasutizya. Kanyhi nolowanenela u wubi wawo wose, hamonga no wubezi wawo.

Yelemiya 38:8

Nayo Ebedimeleki yakamubitila mutemi bahalya, yakamulonjela yakatya, “Gwe mutemi, zinghani zono wetumile i wanhu wawa, si nghani swanu yaye. Hambi nha wamutajila Yelemiya mwi'kombo, na ho hanhu mbeka hono kofwila ne nzala.

Yelemiya 50:20

Na kolo vilo vivyo vikuza, holowa hasina wubi wo wose kanyhi, wono wolowa kwitumwa na Isilayeli, hamba mabi go gose mu Yuda. Hambi nha nolowanenela wanhu wose wono nolowasigaza. Vyo nghutya, ane no Muwaha Mulungu.”

Yelemiya 9:24

Langa mono yakwikumya, yekumyaje ku soko vyono yakondya kumanya'ne, hamonga no kunyizuka. Hambi u wendo wangu nha si wupitukaga yaye, nane nitumaga ze ling'ani na zo mugoloka. Na zizi zo nghani du zono zinyendezaga. Vyo nghutya ane no Muwaha Mulungu.”

Ezekiyeli 18:23

Muwaha Mulungu yakutya nhavi, “Wulenyi! Mukwihwesa vyono'ne niwusangalalilaga 'mbi u wufwe wo munhu mubi? Aa, ng'o! Ane nyendile munhu yuyo yanene wubi wakwe, yekale mumi.

Ezekiyeli 33:11

Ninga alu agwe, wuwalonjele vyono ane no Muwaha Mulungu, mono nili Mulungu mumi, mbeka si nghuwa kwendezwa kuwona u munhu mubi yakufwila mu wubi wakwe. Langa nyendile yapituce yawulece wubi wakwe yekale mumi. Holeka anye nyo wanhu wa Isilayeli, alu mupituce, mulece kwituma u wubi wenyu wono mwitumaga. Alo nhawulenyi mukusaka kufwa anye nyo wanhu wa Isilayeli?

Ezekiyeli 33:16

Nane nomunenela u wubi wakwe wose wono yetumaga, nayo kokwikala mumi, vyono lu yakwituma zo mugoloka na ze ling'ani.

Danyeli 9:9

Ninga agwe, wuli lusungu, kanyhi wuli munenezi, hamba ciwe ase cakondya kukugaluka no kukuleka.

Hoseya 14:2

Muwuyilenyi Muwaha Mulungu, no wulombe awu wuwe co cilavywa cenyu kuli mwene. “Gwe Muwaha Mulungu, wucinenelaje wubi wetu wose, kanyhi wubocele wulombe wetu nase cokukumya agwe nha vyono cehuwiza.

Hoseya 14:5

Nane nowa nha mvula mu'si nghavu kuli Waisilayeli. Nawo wosanula nhe 'luwa, kanyhi wohimbiza muno milela hasi, kotya mibici ya Lebanoni.

Yoweli 2:32

Kanyhi munhu wo wose mono kololomba wutazi kuli Muwaha Mulungu, yuyo yo kolopona. Nha vyono Muwaha Mulungu yalonga yakatya, Wenji wa mu Yelusalemi wolopona, na wono nawahagula wolokwikala wapolile.”

Amosi 1:11

Muwaha Mulungu yakutya, “Wanhu wa Edomu, wetuma wubi kali kenji. Na ku soko yiyo, nane nowalipiciza. Hambi nha wawatendela vibi wandugu zawo, Waisilayeli, hamba kulajila lusungu yaye. Ne likuwo lyawo, likawa vyo lijendeleye du lisina wumalice yaye.

Amosi 7:8

Hodu Muwaha Mulungu yakambuza yakatya, “Amosi, wukuwona cici?” Nane nghamupitula nghatya, “Nghuwona cipimilo.” Nayo yakanyitya, “Ane nghwitumamila cipimilo cici, kulajila vyono wanhu wangu wenha lijinji lyono si ligoloce libinuce, yono lili kunze yo mucilili. Holeka nane sinokawaniza yaye wuhile wangu kanyhi, wo kusaka kuwongomeza wene.

Amosi 8:2

Muwaha Mulungu yakambuza yakatya, “Amosi, wukuwona cici?” Nane nghamupitula nghatya, “Nghuwona nhoto ye mikalo.” Muwaha Mulungu yakanyitya, “U mudumo we wanhu wangu Isilayeli, wakondya kuza. Nane sinokawaniza yaye wuhile wangu wo kuwongomeza wene.

Yona 4:2

Yakawa kulomba yakutya, “Muwaha Mulungu, nghani ayi, si yo nghani yono nalonga lono nali nghali nawuka mu yisi yangu, nha vyono azi zo kokwituma? Kanyhi co caleka nghawa kutiziza ku Talishishi!” Hambi nha nali manyile vyono agwe wumemile lihewa, kanyhi wuli Mulungu wo lusungu, kanyhi si kusimbaga mbela, na nhondo zose agwe wiwikanize kuwukawaniza wuhile wako no kuleka kulipiciza.

Mika 2:12

“Ninga ane nomukongholenyi kanyhi hamonga, anye nyo wanhu wa Isilayeli, mono musigaye. Nomukongholelenyi hamonga, kotya ngholo zono zikuwuya kwi'bululu. Kotya wudimo wono wumemile ngholo, ne yisi yenyu vyo yowa yimemile wanhu wenji muno.”

Mika 4:7

Wakawa wakusenzegula, kanyhi wali kutali no kwawo. Ninga hamba nhavivyo nowanozeza mwamulizo mupya wawo wono wasigala, nawo wowa likungugo yiwaha lye vilungo. Nane notema hali wene mwi'tunda lya Sayuni, ku wulawa mu vilo vivyo sunga cibitilila.”

Mika 5:3

Holeka Muwaha Mulungu, kowaleka wanhu wakwe kuli walugu wawo, sunga mu cipango cono mucekulu kolelela mwana we cilume. Ale baho i wanhu wono wowa wakali wasigaye ku wuhamywe, ho wolokwilunza kanyhi ne wanhu wawo weneco.

Mika 7:14

Gwe Muwaha Mulungu, weze mudimi kuli wanhu wako, iwanhu wono wawahagula. Hamba wawe wekaye kutali mwi'bago. Ninga yisi yose yono yiwapilime yina moso muno. Walekaje wabite wakaliswe ku Bashani na ku Gileyadi nha vyono wanoza mu vilo vye katali.

Zefaniya 3:17

Muwaha Mulungu wako, yali hamonga nagwe, ne vilungo vyakwe, vyokupela wusume. Muwaha Mulungu, kotuga wendezwe kuli'gwe, na mu wendo wakwe, kokupela wumi. Kokwimbila no kukusangalalila

Wuwale 23:21

Nizimanyile zinghani ze Waisilayeli za ku mwande. Vyono si wokwinjila mu wukalale hamba mu magayo, Hambi u Muwaha Mulungu nha yali hamonga nawo. Nawo wakumwanza vyono mwene yo Mutemi wawo.

Luka 15:32

Ninga yali yicinojeye cinoze sikukuu no kusangalala; hambi ayu mwanakwenyu, nha yali kotya yafwiye, kumbe mumi; yali yajiliye ninga alu yejela.’ ”

Luka 24:47

Na kanyhi yinojeye mwi'tagwa lyakwe, kuganula wunene, no wuwopolelwe wo wubi, kuli makungugo gose, kwamuliziza ku Yelusalemi.

Walumi 11:4

U Mulungu yamupitula Eliya yakamutya nhawule? Yamutya nhavi, “Nisigazize wanhu elufu mupunghati, wono wakali si namuhemba Baali.”

Wukumbucize wo Wulajilize 33:26

Nye nyo Waisilayeli, manyenyi vyono, hasina mulungu yunji mono yacizize u Muwaha Mulungu wenyu. Mono yakuziza mu mavunde ho yamutazenyi. Yakuziza mu mavunde, mu lukumyo lwakwe.

Yakobo 2:13

Hambi, u Mulungu nha kolowa yasina lusungu kolo yakumuling'aniza munhu mono yasina lusungu. Ninga lusungu lucizize wuling'anizi.

Walamuzi 10:16

Hobaho wakayileka milungu yawo mijenzi, wakamuhemba Muwaha Mulungu. Nayo Muwaha Mulungu, yakawawonela lusungu, yakagazika muno mu mutima wakwe so wugazwe we Waisilayeli.