Mika 7:17 - Luganuzi Luswanu Kuli Wanhu Wose 2002

¹⁷ Nawo wolowa kutambala hasi nha nzoka. Wokuza ku wulawa mu makaya gawo ge magomawakali, akuno wakucicima wena no woga. Wowuya kuli Muwaha Mulungu u Mulungu wetu, akuno wena no woga kuli mwene.

Mika 7:17 ပူးပေါင်းရင်းမြစ်များ

2 Samwili 22:46

Nawo vilungo vyawo vyakondya kumalika, alu wakuza wakucicima, wakulawa mu magomawakali gawo.

2 Zinghomo 17:10

Muwaha Mulungu yakawanoza wanhu wose wo wutemi wono wupilime, wogope kubita kwihoma no mutemi Yehoshafati.

Zabuli 18:45

Wajenzi nawo, wusugu wawo womalika, wolawila wakucicima mu magomawakali gawo, no kunyiziza ko woga wuwaha.

Zabuli 72:11

Ne watemi wose wa mono'nze, womupela cogopo, sunga ne wanhu we makungugo gose, womwitumamila.

Zabuli 72:9

Na ku mwande yayo, i walugu wakwe womwinamila. Nawo wono wakwisumaniza nayo, wolokwigwisa weneco mu manghundi.

Zabuli 9:20

Gwe go Muwaha Mulungu wuwogofyaje makungugo, ho wamanye vyono wene, wanhu du.

Isaya 25:3

Ne wanhu we makungugo ge vilungo wokukumya gwegwe ne makaya ge makungugo gose magazi, gokogopa gwegwe.

Isaya 49:23

Ne watemi nawo wolowa nha wasogo, nawo i wagolece we likulu wose, wolowa nhe wanyina zako, hambi nha wolokwinamila ha mwande yako no kukupela lilumbo, kanyhi wolokwinenenyheza hali'gwe wakulajila cogopo cawo hali'gwe. Nagwe baho ho kolomanyila vyono ane yo nene Muwaha Mulungu. Kanyhi hasina munhu wo wose mono yanyitumbiye mono kolokozwa cevu.”

Isaya 59:19

Ne wanhu wose wono wekaye ku lubavu lwa kucilima wose wolomupela cogopo, hamonga ne vilungo vyakwe viwaha. Hambi nha kolokuza nhe likolongo lyono likuhuluma nhe libeho lye vilungo.

Isaya 60:14

Ne wana we cilume we wanhu wose wono wekalaga wakumwiwonelenyi, wolomuzizenyi nyenye, wamwinamilenyi ha mwande yenyu, wakulajila ze cogopo cawo kuli'nye. Sunga na wa walya wose wono wekalaga wakumubedegalenyi, wolokuza wafugame ha mwande yenyu. Nawo wolomucemenyi watye, ‘Likaya lyo Muwaha Mulungu,’ ‘Sayuni, likaya lyo Mulungu mono yelile wa Isilayeli.’ ”

Isaya 64:2

Gali gacicime nhe malenga gono matelece mu moto mukali. Holeka wuze wilajile vilungo vyako kuli walugu wako, wuganoze makungugo gacicime ha mwande yako!

Isaya 65:25

Na mu vilo vivyo, maminzi ne zingholo, zolowa kudimila hamonga, nago masimba, golowa kulya mahanze nhe zing'ombe, nago mazoka, golowa gasina citamisi cinji kanyhi. Na mu Sayuni, litunda lyangu lisiwanulwe, molowa musina kanyhi citamisi cinji co cose, hamba zimbi zo zose.”

Isaya 7:19

Wolomata mu malolo, na mu zimhango na mu mabwe, nawo wolomema hanhu hose mu vititika vye mamivya, sunga na mu wudimilo we zi mitugo.”

Yelemiya 16:16

U Muwaha Mulungu yakutya nhavi, “Ane nowatuma wanimula somba wenji muno, waze wawanimule wanhu wawa. Hanyuma yayo, niwaceme i wapelembi wenji, waze wawapelembe mu wulawa mu matunda gose, na mu vigongo, sunga na mu zimhango ze mabwe.

Yelemiya 33:9

Naho ha Yelusalemi, holowa wo mwamulizo wo wusangalale, ne cogopo, hamonga no lukumyo ku soko yangu. Ne makungugo gose ga mono'nze, golokwinjilwa no woga no kucicima, kolo gakuzihulika ziswanu zose zono nghuwatendela i wanhu wa Yelusalemi, hamonga no wumoteswe wono nghuliletela likaya.”

I Cililo 3:29

Yicinojeye ciyilavye mu nzila yo kumwinamila, hambi nha ko kowuli witumbilo kuli mwene.

Zakaliya 14:5

Nanye molotiza mukolele mwi'lolo lilyo lyono lilitemanuye litunda hejete. Mulamanghaga nha vyono i wasogo zenyu wanozaga, mu vipango vye litulo lyono lyejela, mu vilo vyo mutemi Uziya wa Yuda. U Muwaha Mulungu wangu, mwene kolokuza hamonga ne wamalayia wakwe.

Wukumbucize wo Wulajilize 32:24

Nawo wofwa ku soko ye nzala ne mhungo, wofwa ku soko ye matamwa mabi. Noleta malimu ga mu mbago gawahawanje, ne mazoka gono gena sumu, gawalumanje.

Yoshuwa 9:24

Nawo Wagibeyoni wakamupitula wakamutya Yoshuwa. “Gwe muwaha, na mbeka ase canoza zizo vyono cali cakondya kumanya, vyono, Muwaha Mulungu, u Mulungu wenyu, yali yakondya kumulajiliza u mwitumami wakwe Musa, kumupelenyi yisi yiyi yose. No kuwawulaga wanhu wose i wekazi wa mumo, nha vyono mowa kucila kujendelela kubita ku mwande. Holeka nase cetuma nhavivyo, hambi nha cali kumogopenyi muno so wumi wetu.

Wugubule 3:9

Alu wuhulicize! Nokuletela wanhu we lipuga lya Setani, wanhu wono weyitezaga Wayahudi, kumbe ho walambi. Alu wawo nowaleta kuli'gwe wakufugamile hamwande yako, ho wamanye vyono ane mbeka nghwendile agwe.

1 Samwili 14:11

Hodu, wakawa kuwaleka Wafilisiti wamule wawawone. Nawo Wafilisiti wali weza kuwawona, hodu wakawa kutya, “Ale, muwalangaje ta Wahebelaniya, wanji ho weza kulawila kunze mu makombo gono wali wehundice.”