Mika 7:14 - Luganuzi Luswanu Kuli Wanhu Wose 2002

¹⁴ Gwe Muwaha Mulungu, weze mudimi kuli wanhu wako, iwanhu wono wawahagula. Hamba wawe wekaye kutali mwi'bago. Ninga yisi yose yono yiwapilime yina moso muno. Walekaje wabite wakaliswe ku Bashani na ku Gileyadi nha vyono wanoza mu vilo vye katali.

Mika 7:14 ပူးပေါင်းရင်းမြစ်များ

Zabuli 100:3

Mumanye vyono Muwaha Mulungu, yo Mulungu du. Yo mweneco mono yaciwumba, nase cili sawo yakwe, cili wanhu wakwe, kanyhi cili ngholo ze madimo gakwe.

Zabuli 143:5

Nalu nghukumbucila ze vilo vyono vyapuluta, nghwihwesa muli zose zono wazinoza, nghwihwesa ze metumo gako gose.

Zabuli 28:9

Gwe go Muwaha Mulungu, wuwaponye wanhu wako, wuwalugute i wanhu wono yo sawo yako, wuwadime no kuwacitila sunga cibitilila.

Zabuli 95:7

Hambi mwene nha yo Mulungu wetu, nase cili wanhu mono mwene yakucidima, ase cili ngholo zakwe zono yakuzilisa. Holeka izuwali mulihulice lizi lyakwe,

Wutuluce 33:16

Hambi ho yomanyika wule vyono nina wendezwe hali'gwe, ane hamonga ne wanhu wako? Ninga hono wuwe wuli hamonga nane, hamonga ne wanhu wako, ale, baho langa, ho yomanyicila vyono, ase cili wanhu mono cisimajiye muli wanhu wose wa mono'nze.”

Lwimbo Luswanu muno 4:1

Gwe mwendece wangu, ku wulangwe, nye wuli muswanu si! Lanje ne meso gako vyono gakulembula nha ga nziwa, kusi ye citambala cako, cono wigubice mu wusu. Ne zimvwili zako zinha litewa lya mhene, zono zigonaga mu mwalambalo we litunda lya Gileyadi.

Isaya 27:13

Na mwi'zuwa lilyo, ndulele yololila, yiwacemeleze Waisilayeli wose wono wali ku wuhamywe, ku yisi ya Ashuli, na ku yisi ya Misili, wose wawuye. Nawo wolowuya, wamuhembe Muwaha Mulungu mwi'tunda lyakwe lyono lyelile lya mu Yelusalemi.

Isaya 35:2

Nayo nyika yolokwimba no kusangalala so nyemo, hambi nha yolowa yanoga yawa swanu nhe matunda ga Lebanoni, na kanyhi yowa yina moso nhe migunda ya Kalimeli na Shaloni. Ne wanhu wose woloyiwona nhojo yo Muwaha Mulungu. Kanyhi wolowuwona wuwaha ne vilungo vyakwe.

Isaya 37:24

Agwe wukatuma wetumami wako, waze kono kwangu wanyidunhumulile ku soko ye matuka gako gose go wulugu, wukutya, vyono agwe wagasuma matunda matali ga Lebanoni. Kanyhi wukwikumya nha vyono wagatemanga mabici matali go muhagata, hamonga ne misonobali yayo miswanu. Kanyhi na vyono wenjila sunga mo muciligati muno muno ye mbago.

Isaya 40:11

Kololidima litewa lyakwe nho mudimi. Kolozikongholela hamonga zinyana ze zingholo, yazidinghule mu mawoko gakwe. Kolozitonga mhola mhola zono zikosa.

Isaya 49:10

nawo si wolodabuka yaye, hamba kutuga nyhilu ya malenga. Nalyo lizuwa hamonga ne livuce lya mu nyika, si vyolowatamisa yaye, hambi nha wolowa wali mu wutonji wa mono yawendile. Mwene kowatonga ku mivwilo ye malenga.

Isaya 65:10

Nawo wolowa kuhemba nene, ne zingholo zawo hamonga ne zing'ombe zawo, wolozilongoza wazitegule ku wudimo ku yisi ya Shaloni yo wuhihi ku lubavu lwa kumwezi, na mu nyika ya mwi'lolo lye magayo, ku lubavu lwa kucilima.

Yelemiya 49:31

“Ale, muze! Cowahoma wanhu wose wono wakwiwona nha wali mutulano kanyhi wapolile! Ninga ne likaya lyawo ho lisina milango hamba kufuli, kanyhi lisina hamba wulanjilizi wo wose.

I Cililo 1:7

Na mu wutamiswe wuwo, alu Yelusalemi yikukumbucila zo lukumyo lwayo lwe katali. Na lono yagwizaga mu miwoko ye walugu, hali hasina hamba munya kumutaziza. Ne walugu wakwe wakasecelela muno so wugwe wakwe.

I Cililo 5:21

Cikukulomba wucigomole kuli'gwe, 'gwe go Muwaha Mulungu, cikunena wucigomole! Wucigomolele kanyhi lukumyo lwetu lwe katali.

Ezekiyeli 36:11

Nane nolokonjeleza liwalo lye wanhu, hamonga ne mitugo. Nanye molokwinjipa muwe wenji muno kuciza nha vyono mwali. Kanyhi molotuga wana wenji muno. Nane nolomulecenyi mwikale du mu yisi yiyo, nha vyono mwekalaga katali. Nolomumotyeni kuciza halulongozi. Vyo yakutya u Muwaha Mulungu.

Walawi 27:32

Kanyhi, mutugo monga wa muli mitugo yikumi, ayo yo sawo yo Muwaha Mulungu. Na lono mukuwala zi mitugo zenyu, mweze kumanya vyono, muli mitugo yikumi, mutugo monga yo sawo yo Muwaha Mulungu.

Amosi 9:11

Muwaha Mulungu yakutya, “Lizuwa likuza lyono ane nolowusimya wutemi wa Dawudi, wono winha kaya yono yigwiye so wongomezwe. Nolonozeleza majinji gose gono gamwaguka, no kugasimya kanyhi. Noloyizenga no kuyinoza yiwe nha vyono yali katali.

Obadiya 1:19

“Wanhu wa ku Yuda ya kutakama, woloyisola Edomu, nawo wono wololawa ku lubavu lwa kumwezi mu vitunda, woloyisola yisi ye Wafilisiti. Nawo Waisilayeli woloyitema yisi ya Efulayimu ne yisi ya Samaliya, i wanhu wa Benyamini nawo, woloyisola Gileyadi.

Mika 5:4

Nayo yalaza kuza, kolowatema wanhu wakwe, kwe vilungo vyono vikulawa kuli Muwaha Mulungu, hamonga ne nhojo yo Muwaha Mulungu mweneco. Ne wanhu wakwe, wolokwikala wapolile, hambi wanhu wose wa kono'nze, nha wolowuvumila u wuwaha wakwe, nayo yo kololeta mulamu.

Zefaniya 3:13

Ne wanhu wa Isilayeli wono wasigaye, si wolokwitendela vibi kanyhi munhu na muyagwe, hamba kwilonjela zo wulambi, hamba kuwa wakonji yaye. Wolowa walugutwe kanyhi wapolile, na holowa hasina yunji mono kolowogofya kanyhi.”

Zakaliya 10:10

Nolowagomola kono kaya, ku wulawilila ku Misili na Ashuli, no kuwawika wacehe mu yisi yawo, kanyhi nolowawika mu Gileyadi na mu Lebanoni. Ne yisi yose yolowa yimemile wanhu.

Zakaliya 11:7

Hobaho awalya wono wagulaga no kuguza zi ngholo wakunondola no kusola, ho niwe mudima zingholo zilya zono zategulwaga ho zikawulagwe. Baho nghetujila nghome monga, nghayicemela yitagwa “Ihewa” na ye kejete nghayicemela “Malunza.” Hobaho nghajendelela kulidima litewa lili.

Malaki 3:4

Holeka vilavywa vyono wanhu wa Yuda na Yelusalemi, wolovileta kuli Muwaha Mulungu, vyolomwendeza, nha vyono vyamwendezaga ha mwamulizo.

Wuwale 23:9

Nane nghusuma kuwawona ku wulawilila mu vizuli vye mabwe. Nghuwalanga ku wulawa mu matunda mucanyha Lyo likungugo lyono likalaga ciwene. Ninga wamanyile vyono wene walugutwe kuciza we makungugo ganji gose.

Wuwale 32:1

Nawo wo mulango wa Lubeni, na wo mulango wa Gadi, wakawa wena matewa mawaha ge zimitugo. Holeka wali weza kuyiwona yisi ya Yezeli, ne yisi ya Gileyadi, vyono yo yowakwila ku so mitugo zawo,

Wuwale 32:4

yo yisi swanu muno so mitugo, nase luno ho cina matewa mawaha muno muno ge mitugo.

Matayo 2:6

‘Nagwe go Betelehemu go yisi ya Yuda, agwe si wuli mudodo hali walongola wose wa Yuda, Hambi muli gwegwe, nha mokolawila u mulongola mono kowatonga iwanhu wangu waisilayeli.’ ”

Yohana 17:16

Wene si wa mononze, nha vyono nane si nili we yinze.

Wukumbucize wo Wulajilize 33:28

We ndelo ya Yakobo ho wekale no mulamu kanyhi wapolile, mumo mu yisi yono yimemile wuhemba winji, hamonga ne divayi, i hanhu hono buhe yilawaga ku wulanga, yiwa kuwudejefya muhangha.