Mika 7:13 - Luganuzi Luswanu Kuli Wanhu Wose 2002

¹³ Ninga yisi yolowa nyika, ku soko yo wubi we wanhu wono wekaye mumo.

Mika 7:13 ပူးပေါင်းရင်းမြစ်များ

Jobu 4:8

Nha vyono mbwene nene, wanhu wono wakulima zimbi, no kuhadika zimbi nha mbeyu, nawo wodudula zizo zimbi du.

Zimbazi 1:31

Holeka luno, zomwaganenyi zono ziwanojeye, ne metumo genyu gomupelenyi mhungo.

Zimbazi 31:31

Wumulumbaje mugolece wako, muli zose zono yakwituma. Nayo, holeka kotuga lukumyo hali wanhu wose.

Zimbazi 5:22

Kanyhi wumanye vyono u wubi wo munhu mubi, mutego kuli mwene. Hambi nha kokwigwiza mu mutego wo wubi wakwe mweneco.

Isaya 17:9

Ne lizuwa lilyo kolo likuza, i makaya gose gono gena magomawakali, gololekwa matongo, nhe makaya ge Wahivi na ge Waamoli, gono wagaleka lono wawatizaga i wanhu wa Isilayeli.

Yelemiya 17:10

Ninga ane no Muwaha Mulungu, yo nene du mono nigajelaga mahala, no kuzisunjilila zinhumbula ze wanhu, ho nimutendele munhu mu nghango ye zinzila zakwe, mu nghango ye mikalo ye metumo gakwe.”

Yelemiya 21:14

Ninga 'ne nokuhoma nghulipicize, ku soko ye metumo gako. Nolipembela moto, likaya lyako lyo wutemi, nivikongojeze ne vinhu vyose vyono vilipilime. Vyo nghutya ane no Muwaha Mulungu.”

Yelemiya 25:11

Ne yisi yiyo yose, yololekwa nyhiwa hamonga no wucelewale. Nago i makungugo gono gapilime, golomwitumamila Nebukadineza u mutemi wa Babiloni, myaka makumi mupunghati.

Yelemiya 32:19

Hambi nha yo gwegwe du mono wina mahweso ge mahala, kanyhi kwitumaga metumo go wizine. Mono kuziwonaga calinze i zinghani zose, zono i wanhu wetumaga. Kanyhi kuwapelaga i wanhu, munhu mu nghango ye metumo gakwe.

Ezekiyeli 12:19

Wuwalonjele we nghungugo yose, nha vyono, ayi yo nghani yo Muwaha Mulungu, kuli wanhu wose wa Yelusalemi, wono wakali wekaye mu yisi yawo. Wuwalonjele wutye vyono wowa kucicima, lono wakulya zindigwa zawo, kanyhi wowa wamemile woga, lono wakung'wa malenga. Ne yisi yawo yolekwa nyhiwa. Hambi wanhu wose wono wekaye mumo nha si wakugebata malajilizo gangu.

Ezekiyeli 33:28

Nane noloyileka yisi yose yina wambuce wuwaha muno, novidumya ne vilungo vyono wedunhumulilaga. Ne matunda ga mu yisi ya Isilayeli, golowa gena wambuce wuwaha, hamba munhu wo wose si kolowa kusuma kukola mumo.

Mika 3:12

Holeka ku soko yenyu, Sayuni yololimwa nha mugunda, nayo Yelusalemi, yolowa yilundo lya matongo, ne litunda lye Nyumba yo Mulungu, lyolowa mbago.

Mika 3:4

Hambi icipango nha cikuza, cono anye nanye molomulilila Muwaha Mulungu, ninga mwene si kolomupitulenyi yaye, hamba si kolowuhuliciza no wulombe wenyu, ku soko 'nye mwetuma zimbi.

Mika 5:3

Holeka Muwaha Mulungu, kowaleka wanhu wakwe kuli walugu wawo, sunga mu cipango cono mucekulu kolelela mwana we cilume. Ale baho i wanhu wono wowa wakali wasigaye ku wuhamywe, ho wolokwilunza kanyhi ne wanhu wawo weneco.

Mika 6:13

Holeka nane nakondya kwiwikaniza so wongomezwe wenyu no wuhodangwe wenyu ku soko yo wubi wenyu.