Mika 7:12 - Luganuzi Luswanu Kuli Wanhu Wose 2002

¹² Ne wanhu wenyu wolomuwuyilenyi ku wulawa mhelo zose, wolokuza ku wulawa kucilima ku Ashuli, na ku wulawa kutakama ku Misili, ku wulawa mu mipaka ye likolongo lya Efulata, ku wulawa kwi'lenga sunga mu matunda go kutali.

Mika 7:12 ပူးပေါင်းရင်းမြစ်များ

Isaya 11:11

Na yolowa mwizuwa lilyo, U Muwaha Mulungu kolokwitumamila kanyhi vilungo vyakwe, yawagomole wanhu wakwe wono wowa wakali wasigaye ku Ashuli, na ku Misili, na ku Patilosi, na ku Kushi, na ku Elamu, na ku Sinali, na ku Hamati, ne zi'si zose za ku zimhwani.

Isaya 11:16

Kanyhi holowa na nzila mbaha yono yilawiliye ku Ashuli, yono wolowa kukola i wanhu wakwe Waisilayeli wono wolowa wakali wasigaye kuko ku Misili. Nha vyono yali yinha, lono i walezi wawo wawucila ku Misili.

Isaya 43:6

Noyilonjela mhelo ye sumuka yiwalece wawuce kuko, nayo mhelo ye takama yilece kuwemila yaye. Muwalekaje wanhu wangu wawuye hamonga ku wulawa mu ma'si go kutali, na mu yinze yose.

Isaya 49:12

Nawo wanhu wangu, wolokuza ku wulawilila kutali, ku wulawilila ku lubavu lwa kusumuka na kumwezi, na ku wulawilila ku Aswani ku lubavu lwa kutakama.”

Yelemiya 23:3

Nane nolowakongholeza i wanhu wangu wono wolowa wasigaye, ku wulawa mu ma'si gose kono nali niweyagazize, nolowagomola kanyhi ku yisi yawo weneco. Nawo wolotuga wana wenji, no konjelezeka muno liwalo lyawo.

Yelemiya 3:18

Mu vilo vivyo, i wanhu wa Isilayeli ne wanhu wa Yuda, wolokwilunza hamonga. Nawo wolowukana hamonga ku wulawa ku wuhamywe, mu yisi yo lubavu lwa kusumuka, wawe kuwuya kanyhi ku yisi yono ane nawapela i walezi wenyu yiwe wuhazi wawo.”

Yelemiya 31:8

Nane nowakongholeza ku wulawa ku lubavu lwa kusumuka, nowakonghola hamonga ku wulawa mu zimhelo zose ze yinze. Nawo wolokuzana ne wabofu na we vilema, ne wacekulu wono wena mida, hamonga sunga na wose wono wali mu nghunga yo lusawo. Nawo wolowuya kono kwawo nghungugo mbaha muno.

Yelemiya 46:27

“Nye nyo wanhu wangu, mulece kogopa ye, anye nyo wanhu wa Isilayeli, mulece kogofywa. Hambi 'ne, nha nomuponyenyi ku wulawa kuko ku yisi yo kutali, ku wulawa ku yisi yiyo yono mwikaye nha muli wafungwa. Molowuya du ku yisi yenyu mukekale mupolile, nanye molowa mucehile du, holowa hasina yunji wo wose mono kolomogofyenyi kanyhi yaye.

Ezekiyeli 29:21

“Na kolo zikwijela zizi, ane nowanoza i wanhu wa Isilayeli wawe ne vilungo. No kukuleka nagwe Ezekiyeli, wusume kuwalonjela Waisilayeli, nawo wokuhulika zono wukuwalonjela. Nawo ho wamanye vyono ane yo nene Muwaha Mulungu.”

Ezekiyeli 37:21

Hanyuma wuwalonjele nha vyono, ane no Muwaha Mulungu, nowakonghola wanhu wangu mu wulawa mu makungugo gose kono weyagaliye. Nowakonghola niwawice hamonga, niwagomole sunga ko ku yisi yawo.

Hoseya 11:11

Wolokuza ku wulawa Misili, wolokuza musunho nha ndeje, na ku wulawa ku Ashuli, wolokuza nha nziwa. Nane nolowagomola ku zikaya zawo kanyhi. Vyo nghutya ane no Muwaha Mulungu.”