Mika 7:10 - Luganuzi Luswanu Kuli Wanhu Wose 2002

¹⁰ Nawo walugu wetu, woloziwona zizi wakolwe cevu. Ne walugu wanji wolocilonga wawe kutya, “Alu yali hayi u Muwaha Mulungu, u Mulungu wenyu?” Nase colowawona wakondya kusumwa, wakukanyanjilwa hasi nhe madabaga, mu zinzila za mwi'kaya.

Mika 7:10 ပူးပေါင်းရင်းမြစ်များ

2 Samwili 22:43

Nane nghawapondanga, wakawa nhe manghundi, nghawakanyanjila nha nhope ya mu nzila.

Zabuli 109:29

Walugu wangu wavwikwe cevu, wefunice cevu cawo weneco nhe bulanjeti.

Zabuli 115:2

Ku sokoci makungugo gakuciwuza gakutya, “Alu Mulungu wenyu yali hayi?”

Zabuli 18:42

Nane nghawatindya wakawa nhe nghundi, lyono likupemheluswa ne mbeho, nghawa kuwagumila kunze nhe madabaga mu nzila.

Zabuli 35:26

Walekaje 'gwe wawo wono wakusecelela, so wutamiswe wangu, wasumwe wose, wakolwe cevu. Na wawo wose wono wakwiwona nha waswanu wanyhizize, wakolwe cevu, kanyhi wapuwe.

Zabuli 42:10

Nakondya kutijinhwa ne matovulo gawo, lono nhondo zose wakumbuzanga wakutya, “Alu Mulungu wako yali hayi lo?”

Zabuli 42:3

Mahozi gaweza yo ndigwa yangu ku misi, na ku cilo, vilo vyose lono wakumbuza wakutya, “Yali hayi Mulungu wako?”

Zabuli 58:10

Nawo we ling'ani mbeka wosangalala, lono wakuwona i wabi vyono wakulipicizwa. Nawo wojenda wakugazika, mucanyha ye sakami ye wanhu wabi.

Zabuli 79:10

Alo socici we makungugo wacilonje, wawe kutya, “Alu Mulungu wenyu yali hayi lu?” Wucitaze sunga ciwone ne meso getu co weneco, vyono wukuwalipiciza wanhu we makungugo, ku soko yo wita sakami ye wetumami wako.

Zabuli 92:12

We ling'ani langa, awo wakuwa kumoteswa nho mutende, kanyhi wawilukaga wawa, nho muhagata wa ku Lebanoni.

Isaya 26:11

Ne walugu wako nawo, hamba si wakumanya yaye nha vyono kowalipiciza. Gwe go Muwaha Mulungu, wuwakozaje cevu, wuwalece wenjile mu magayo go wulipicizwe wono wuwawikanizize. Ninga 'gwe, wuwalajile zo wendo wako kuli wanhu wako.

Isaya 41:25

“Ninga ane nakondya kumuhagula munhu yunji, mono yekaye ku lubavu lwa kusumuka. Nane nomutuma yayanzize milewo yakwe ku lubavu lwa kucilima. Nayo kowazumhila i watemi, yawasambanjile nha malongo, nho muwumba nyungu vyono kaluwaga lilongo lyakwe.

Yelemiya 49:15

Nayo Muwaha Mulungu kokuwusiza lukumyo lwako, na howa hasina yunji kanyhi mono kokupela cogopo yaye.

Yelemiya 51:24

U Muwaha Mulungu yakutya nhavi, “Ninga nane luno, nomulipa Babiloni hamonga ne wanhu wayo, muli zimbi zose zono wetuma mu Yelusalemi.

Yelemiya 51:51

Ninga 'nye mukutya ti, ‘Oo! Ase nha cikozwa cevu, kanyhi cikuwona soni, kanyhi cikwiwona nha cisina wutazi wo wose, hambi i wajenzi nha wenjila hono helile mu Nyumba yo Mulungu.’

Ezekiyeli 7:18

Nawo wolovwala magunila, akuno wakucicima so woga wuwaha muno. Woloyiceta mitwe yawo, wolokozwa cevu ciwaha muno.

Danyeli 3:15

Ale, 'lu, hono muhulice mililo ye zindulele, ne zifilimbi, ne masumbi, ne mazeze, ne zindonondo, ne vidananda, hamonga ne mihilimo yose ye masumbi, hobaho mufugame no kucihemba cihwani. Hono mulece kunoza nhavivyo, mowopwa no kugumilwa mwi'lambi lyo moto. Mukwihwesa 'lo ko yuli mulungu yunji mono komuponyenyi?”

Yoweli 2:17

Nawo wakohani, hamonga ne wetumami wono wakumwitumamila Muwaha Mulungu, haciligati ye cikumbicilo no mulango we Nyumba yo Mulungu, yiwanojeye walile no kulomba muno muno, watye, “Gwe go Muwaha Mulungu, weze no lusungu kuli wanhu wako, wulece kugaleceleza makungugo ganji gacibedegale, hamba kucisekanga kose, wawe kutya, ‘Alu yali hayi Mulungu wenyu?’ ”

Obadiya 1:10

“Kolipicizwa agwe Edomu, ku soko vyono wali wuli muhizi, kanyhi wukawawulaga sunga ne wanduguzo, i wana wa Yakobo, holeka nagwe luno kohodangwa no kuwembulilwa lukulu cibitilila.

Obadiya 1:12

Holeka si wali wunojeye wuwasece i wanduguzo wono wali mu Yuda ku soko yo wugaye wawo. Hamba kuwa no wusangalale mwi'zuwa lyawo lyo wugaye. Hamba kuwasekanga ku soko yo wugaye wawo.

Mika 4:11

Hambi makungugo menji nha gekonghoye ho gamuhomenyi. Gakutya, “Yelusalemi yinojeye wuhodangwe! Nase coliwona likaya lili lyawa yitongo!”

Mika 7:8

Ne walugu wetu wowa wasina soko yo kucisimanga. Heya, hamba ciwe cagwa, ninga cokwinuka kanyhi. Alu cili mu wutitu, ninga Muwaha Mulungu kociletela kanyhi wuzelu.

Zefaniya 3:15

Muwaha Mulungu kakondya kuwudumya u wuling'anizwe wako, kanyhi kakondya kuwawusa ne walugu wako wose. U Muwaha Mulungu, u Mutemi wa Isilayeli, yali hamonga nanye. Holeka kusina soko kanyhi yono yoleka muwe no woga.

Zakaliya 10:5

Ne wanhu wa Yuda wowa no wusume, kotya nha wasilikale wono wakuwakanyanjila i walugu wawo, mu matope ga mu zi nzila za muwulugu. Kanyhi wowahoma, hambi Muwaha Mulungu nha yali hamonga nawo, kanyhi wowasumiza sunga walugu wawo i wajendela zifwalasi.

Malaki 1:5

Ne wanhu wa Isilayeli woloziwona zizi kwe meso gawo weneco, nawo wololonga vyono “Muwaha Mulungu yo we vilungo sunga kunze ye mipaka ye yisi ya Isilayeli.”

Malaki 4:3

Na mwi'zuwa lyono nolokuziza kuwufisiliza wihuwizo wangu, anye molowasuma i wabi, nawo wolokwihwana manghundi hasi ye magulu genyu.

Matayo 27:43

Yali yamwitumbiye u Mulungu, akuno yakutya, ati u mwene yo Mwana wo Mulungu, ale ta, u Mulungu yamuponyaje, hono yawe yendezwe nayo.”

Yoshuwa 7:9

Alu Wakanani hamonga ne wanji wose, mono yisi yose, nha wozihulika zizi. Baho wocipilima no kuciwulaga sese wose yumonga yumonga! Alu ho kotenda wule Gwe go Muwaha Mulungu, ho wulutetele lukumyo lwe litagwa lyako?”

Wugubule 18:20

Ale, wusecelele go wulanga ku soko yo wuhodanjice wakwe. Nanye nyo wanhu wo Mulungu, musecelele, nanye nyo watumwa ne wawizi, musecelele nhavivyo! Hambi u Mulungu nha kalilipiciza ku soko ye metumo galyo, gono lyamutendelenyi nyenye!