Mika 7:1 - Luganuzi Luswanu Kuli Wanhu Wose 2002

¹ Woyi hee! Hambi ane nha neza nha munhu mono yadabuce, mono yagana musina mikalo yono yisigazwe mu mibici, hamba zabibu mu manhambi ge mizabibu. Hambi zabibu zose hamonga ne mikalo yo mukuyu, nha vyakondya kuhepwa.

Mika 7:1 ပူးပေါင်းရင်းမြစ်များ

Zabuli 120:5

Sunga no wikala muli'nye, wambuce du, hambi nha winha wikala mu Mesheki, hamba kotya nha wikala mu wanhu wa Kedali.

Zimbazi 20:6

Ne wanhu wose, wendile kwiwona wali cihuliko, kanyhi wehuwilwa. Ninga u mwihuwilwa, yo nani mono komuwona!

Isaya 17:6

Nawo Waisilayeli wolosigala wacefu muno muno, wolowa nho mubici wo muzeyituni wono wakondya kuhepwa mana gose, alu gasigala mejete hamba madatu du ku cinang'anang'a co mubici, hamba mana macefu du gono gasigaye mu manhambi ga mu sika-sika du yo mubici. Ane yo nene Muwaha Mulungu, u Mulungu we Waisilayeli, vyo nghutya.”

Isaya 24:13

Na zizi zo zoyijelela yinze yose mu zinghungugo zose. Yokwihwana no mudumo we nhwanga, lono mizeyituni yakondya kukong'onhwa mu mibici yayo, no kuhalaliza zabibu zose mu mizabibu yayo.

Isaya 24:16

Nawo we ma'si go kutali mono'nze, wolozihulika zinyimbo zo kumukumya Isilayeli, nghungugo ye ling'ani. Ninga hamba nhavivyo, ane nha sina witumbilo! Nghuganda! Nawo i wagaluci vyo wakucila kungaluka du, no wukonji wawo wukucila kuwa wubi muno muno.

Isaya 28:4

No lukumyo lono luwombile lwe walongola wedunhumuzi, lokwajililila lukulu, hambi nha lolagala nhe malimbuko ge mana go mukuyu, gono wagalizaga na lono gakali napililicila.

Isaya 6:5

Nane hobaho nghawa kutya, “Woyi hee! Nha najilila! Hambi nghani zose zono nongaga mu mulomo wangu, nha ziwezaga 'mbi du, nane cikalane hamonga ne wanhu wono wekalaga wakulonga makani mabi du. Ninga nane luno ho nakondya kumuwona Mutemi, u Muwaha Mulungu we mihanga!”

Yelemiya 15:10

Alu nhondo, neza nili munhuci waco, mono sina hamba nyemo yose! Hamba socici lo yaya yandela? Hambi nha neza nili munhu wa wugombane no wisumaniza na wanhu wanji wa mono'si. Ane ninga ho nghali si namukopesha yunji pesa zangu, hamba kukopa kwa yunji yaye. Ninga hamba nhavivyo, i wanhu vyo wakali wakundijita du.

Yelemiya 24:2

Ne nhoto monga ya muli zinhoto zizo, yali yimemile nghuyu swanu muno, zono zali zipiye lulo baho. Nhoto nyagwe, nayo yali yimemile nghuyu zono 'mbi muno, zono sizisumice hamba ku wulye kose.

Yelemiya 4:31

Nane hulika cililo, kotya nha cililo ca munhu wa cicekulu, mono yali mu nghunga yo lusawo. Cililo cinha co mucekulu mono yakulela mwanagwe mulongozi. Kumbe cililo cico ca Yelusalemi, mono yakukapilicila ha wehele, akuno yalaze ne miwoko yakwe yakutya, “Woyi nye, aga magayo gangu! Hambi nhumbula yangu nha yikuzilika, hambi nha weza kuza wambulaje.”

Yelemiya 45:3

agwe wukutya ti, Woyi he! Hambi u Muwaha Mulungu nha yandeka! Nalu kanyonjelezeza wukalale ne magayo. Sunga nane luno neza kusakala so wugule wangu, hamba si nghuwona wuswanu yaye.”

Yelemiya 5:1

Nye nyo wanhu wa Yelusalemi, ale ta mumanyhe ako na ako mu zinzila zenyu! Mulanje-lanje ako na ako! Mwiwonelele nyo weneco! Mulondole mu sokoni zose! Wule, mosuma kumuwona mbeka u munhu mono yakwituma ze ling'ani mono yakuhidimbala kuwa mwihuwilwa hali Mulungu? Na hono mbeka mumuwone u munhu mono yenha nhavivyo, nayo Muwaha Mulungu koyinenela Yelusalemi.

Hoseya 9:10

Muwaha Mulungu yakutya, “Ha mwamulizo lono namwaganila Isilayeli, yikawa nha mbwene zabibu zono zikuwilucila mu nyika. Na lono nawawonela walezi wawo ha mwamulizo, nali nha mbwene mikalo yo mukuyu, yono yipiliye mu cipango cayo. Ninga wali weza kuza kwi'tunda lya Peyoli, wakawa kwanza kumuhemba Baali. Ninga kanyhi hadodo bwete, wakawa kuyisemuna yiyo milungu yono wali wayendile.

Wuwale 18:13

Vivyo vyose, vyowa vyako gwegwe. No munhu wo wose wa mu nyumba yako mono si yeyavufye, yuyo kosuma kulya.