Mika 6:8 - Luganuzi Luswanu Kuli Wanhu Wose 2002

⁸ Aa ng'o, hambi Muwaha Mulungu nha yacilonjela ziswanu zono zinojeye hali mwene, zono yakuhila kuli'se, nha zozi, Citume zono zili ling'ani, cilajile wendo kuli mwene, no kujenda ko winenenyhezi hamonga no Muwaha Mulungu wetu.

Mika 6:8 ပူးပေါင်းရင်းမြစ်များ

Mwamulizo 18:19

Nimuhagula ho yawejize wanagwe hamonga no lulelo lwakwe, wayibate i nzila yangu nene no Muwaha Mulungu, mu wituma ziswanu na zo wiling'ano, nane no Muwaha Mulungu ho nimufisilizize zono namwihuwiza.”

Mwamulizo 5:22

Nayo yali yeza kumulela Metusela, mwene Enoci, yakekala kanyhi myaka magana madatu, akuno vili hamonga no Mulungu. Nayo yakawa yena wana wanji we cilume na we cicekulu.

2 Zinghomo 30:11

Ninga hamba nhavivyo, hali ho wali wanji wa mu mulango wa Asheli na wa Manase, hamonga na wo mulango wa Zabuloni, wono wakenda kuza ku Yelusalemi.

2 Zinghomo 32:26

Ninga ku ndumilizo yayo, Hezekiya hamonga ne wanhu wa Yelusalemi, wakenenenyheza hali Mulungu, holeka nayo Muwaha Mulungu, hodu, si yawalipiciza wanhu yaye, sunga Hezekiya yakafwa.

2 Zinghomo 33:19

Na vyono mutemi yalomba, na vyono Mulungu yakamupitula, hamonga du no wubi wono Manase yetuma, lono yali yakali si nanena, hamonga ne zimbi zose zono yetuma, ze hanhu ho wuhembelo we wanhu wono si wamumanyile Mulungu, ne vihwani vyo mulungu we cicekulu Ashela, vyono yasesa, hamonga ne vihwani viseswe, vyono yavihemba, lanje, zose zizo zandicigwe mu citabu ce zinghomo ze wawizi.

2 Zinghomo 33:23

Kanyhi si yali yehwanile sogwe mono yenenenyheza, yakamuwuyila Muwaha Mulungu. Mwene Amoni, yetuma wubi muno kuciza no wubi wono sogwe yetuma.

2 Zinghomo 34:27

na kanyhi vyono kunena, kanyhi kuwa kwinenenyheza hali 'ne, kuwa kuwulajila wunene wako, mu nzila yo kudemulanga vivwalo vyako. Kuwa kulila, weza kuhulika nha vyono noyilipiciza Yelusalemi, hamonga ne wanhu wayo. Holeka nane lu, no Muwaha Mulungu, u Mulungu wa Isilayeli, niwuhulika wulombe wako.’

Nehemiya 9:13

Yo gwegwe mono watima mwi'tunda lya Sinayi ku wulawa ku wulanga, wukalongana ne wanhu wako, wukawapela no wuling'anizi we mbeka, ne malajilizo maswanu.

Zabuli 101:1

Lwimbo lwangu ku soko yo wihuwilwa ne ning'aniza, nane nolwimba so lilumbo lyako 'gwe go Muwaha Mulungu.

Zabuli 112:4

Wuzelu wuwamulicilaga mu wutitu, i wanhu waswanu, heya, wanhu wono wali lusungu, hambi Muwaha Mulungu, nha yali lusungu kanyhi mupolo, kanyhi yali ling'ani.

Zabuli 112:9

Kalavyaga ko wuswanu, kawapelaga bwete waciwa, no wuswanu wakwe, wikalaga cibitilila. No munhu we liwala lilyo, kolumbwa cibitilila.

Zabuli 37:26

Langa mwene kalavyaga du bwete madaha gose, na wanji yakuwakopesha, ne wanagwe wakuwa wulugutwe.

Zabuli 73:28

Ninga viswanu kuli'ne, niwe behi nagwe go Mulungu, hambi agwe go Muwaha Mulungu nha yo mhonelo yangu. Nane nozanza ze milimo yakwe yose yono witumile!

Zimbazi 21:3

Nhondo zose, weze kwituma ze ling'ani na zo mugoloka, zono zikumwendeza Muwaha Mulungu, si nho kumulavizya makumbiko.

Muganuzi 12:13

Hamonga na zizo zose, ho yili nghani monga kanyhi ye ndumilizo, nayo yoyi, “Mogopaje Mulungu, kanyhi wibate ne malajilizo gakwe.” Yiyi yo nghani mbaha muno, yo yaleka munhu yakawumbwa ho yayitume.

Isaya 56:1

Nayo Muwaha Mulungu yakuwalonjela i wanhu wakwe yakutya, “Ale, mwitumaje zo wiling'ano na ze ling'ani, holeka nane nomuponyenyi mbela.

Isaya 57:15

“Hambi ane, nha yonene u Mulungu mono yelile, mono nikalaga cibitilila. Nikalaga i hanhu hono henuce na hono helile. Ninga hamba nhavivyo, nikalaga hamonga ne wanhu wenenenyhezi, kanyhi wono wakondizye kunena. Ho niwasikamye vilungo vyawo vya mu nhumbula, hamonga no witumbilo.

Isaya 66:2

Nha yo nene mono nayiwumba yinze yose! Kanyhi mono nendezwaga ne wanhu wono wanenile, kanyhi wenenenyhezi, wono wanyogopile, wena ne cihuliko kuli'ne.

Yelemiya 22:16

Yawaling'anizaga waciwa kwe ling'ani, holeka na zose zikamuwela swanu muno. Na yiyi yo yikulajila nhunizo yo kumumanya Muwaha Mulungu.

Yelemiya 22:3

“Ane no Muwaha Mulungu, nghumulajilizenyi nha vyono munojeye mweze kwituma ze ling'ani na zo mugoloka. Mweze kumutaziza u munhu wo wose mono yakukongwa-kongwa no kwiwonelwa no munhu yunji. Kanyhi mulecele lukulu kuwewonela, hamba kuwatendela vibi i wajenzi, hamba i wana wono wasina walezi, hamba i wacekulu wafwile. Hamba mulece kuwawulajila i hanhu hono helile, i wanhu wono wasina masutya.

Yelemiya 9:23

U Muwaha Mulungu yakutya nhavi, “I wanhu we mahala, walece kwikumya so mahala gawo, hamba wono wena vilungo, ku soko ye vilungo vyawo. Nawo i wagoli nhavivyo, walece kwikumya ku soko yo wugoli wawo.

I Cililo 3:26

Holeka yowa nghani swanu kuli'se cimulindile ko wukangalizi, yaciponye.

Ezekiyeli 16:63

Nane baho, ho nolomunenelenyi i masutya genyu gose gono mwetuma. Ninga anye molowa mugakumbuciye no kukolwa cevu, hamba no kulonga cinji kanyhi.” Vyo yakutya u Muwaha Mulungu.

Ezekiyeli 33:14

Heya, nosuma kumulonjela munhu mubi, nha vyono, agwe kofwa. Ninga hono yanene wubi wakwe no kwituma zo mugoloka na ze ling'ani,

Danyeli 4:37

Nene Nebukadineza, nghumulumbiza no kumupela cogopo, hamonga no lukumyo, u mutemi wa ku wulanga. Hambi zose zono ketumaga, nha za mbeka, kanyhi ze ling'ani. Kanyhi yo kamunyetyaga munhu wo wose mono yakwikumya.”

Hoseya 12:6

Holeka anye nyo lulelo lwa Yakobo, mwitumbilenyi Mulungu wenyu, kanyhi mumuwuyile mwene. Mweze ne cihuliko, kanyhi mweze muli ling'ani, akuno mumulindiye Mulungu ko wukangalizi, nhondo zose.

Hoseya 6:6

Ane nghusaka wendo wenyu we mbeka kuli'ne, hamba si nghusaka makumbiko genyu ge zimitugo. Kanyhi ane nghuwona yili ciba hono wanhu wangu wamanye 'ne si nho kundavizya vilavywa vinyanywe.

Walawi 26:41

wakeyambuza weneco, nane nghawaleka wabite ku wuwinjilizwe mu yisi ye walugu wawo. Ninga hanyuma, kolo i wana wenyu wakwinenenyheza no kuvumila wulipicizwe, so wubi wawo, hamonga no wubedegazi wawo,

Amosi 5:24

Langa muwulece wiling'ano wuhulume kotya muvwilo, ne ling'ani kotya likolongo lyono silinyalaga.

Mika 6:9

Hambi nha go mahala, mu wumogopa Muwaha Mulungu. Mwene yakucema mwi'kaya yakutya, “Muhulicize anye nyo wanhu wa Yuda, mono mwikongholeye mwi'kaya!

Zefaniya 2:3

Mumupitucilaje Muwaha Mulungu anye wose nyo wanhu wenenenyhezi wa mu yisi, anye mono muwukamise wulajilize wakwe. Mwitumaje ze ling'ani, kanyhi mwinenenyheze nyo weneco hali Muwaha Mulungu, nha lunji mopona mwi'zuwa lyono Muwaha Mulungu, yalalajila likuwo lyakwe.

Zakaliya 7:9

“Ane nawapela i wanhu wangu malajilizo gaga, ku wulawa katali, nghawatya, ‘Ale, mulanjilile mwitume ze ling'ani, kanyhi mweze mwina wendo no lusungu, kuli munhu no muyagwe.

Matayo 5:3

“Wamoti wono wakwiwona nha waciwa hali Mulungu, hambi u wutemi wo Mulungu nha wawo.

Matayo 5:7

Wamoti wono wena lusungu kuli wanji hambi nawo nha wowonelwa lusungu no Mulungu.

Luka 10:42

ninga cono cikusakwa cinhu cimonga du; hambi Malyamu nha kehaga ligawo liswanu lyono si kosolelwa na munhu.”

Luka 11:42

“Ninga woyi he nyo Wafalisayo! Hambi nha mulifyaga wanhu zaka, sunga na mu hati yose yo kutajila mu zindigwa, sunga na mu fwene, ne zimboga zinji, kuno mukuleka ling'ani no wendo wo Mulungu. Ninga zizi cinojele mwali muzitume hamba kuleka zinji.

Luka 12:14

Yesu yakamutya, “Gwe mwendece wangu, mwene mono yanheye niwe mulamuzi lunji mugawi muli nyenye, nani?”

Luka 6:36

Mweze no lusungu nha vyono u Sogo yenyu yali lusungu.”

Walumi 7:16

Alu, hono niwe nghwituma zono si nghuzisaka, wo wutya, nghulumba vyono u Wulajilize kumbe wuswanu.

Walumi 9:20

Alu agwe go munhu, wuli nani gwegwe ho wijelele kumupitula u Mulungu? Wule, nyungu nayo ma, yosuma kumuwuza cinji mono yayiwumba yikutya, “Nhawule wukamumba nhavivi?”

1 Wakolinto 7:16

Alu nagwe go we ciyaya we Cikilisito, kosuma nhawule kumanya nha vyono si kosuma kumuponya u mulume wako? Hamba agwe nagwe go mulume Mukilisito, kosuma nhawule kumanya nha vyono si kosuma kumuponya u mugolece wako?

Waefeso 4:32

Mweze na nhumbula swanu, mukwiwonela lusungu nyenye wose, mweze kwiyinenela nyenye wose nha vyono nayo u Mulungu yamunenelenyi nyenye mu nzila ya Kilisito.

Wukumbucize wo Wulajilize 27:10

Holeka munojeye mumuhulice kanyhi mwibate ne malajilizo gakwe gono nghumulonjelenyi izuwali.”

Wukumbucize wo Wulajilize 30:15

“Alu izuwali nane nghumupelenyi welecele wo kwihagulila nyenye nyo weneco, muli zizi zi nyejete, muli ziswanu ne zimbi, na muli wumi ne lifwa.

Wakolosayi 3:12

Anye muli wanhu wo Mulungu, u mwene yamwendenyi anye kanyhi yakamuhagulenyi. Holeka nanye muvwale i nhumbula yo lusungu, wuswanu, winenenyhezi, wupolo, no wukangalizi.

2 Watesalonike 2:16

Nase cikumulomba u Muwaha wetu Yesu Kilisito mweneco, hamonga no Mulungu Baba mono yacenda, na so lihewa lyakwe yakacipela u wutuzwe we cibitilila hamonga no witumbilo wuswanu,

Yakobo 2:20

Go mulele 'gwe, ma, wukusaka kulajilwa vyono u wihuwilo wono wusina metumo wufwiye?

Yoshuwa 24:14

Ale, Yoshuwa yakajendelela kuwalonjela yakutya, ‘Mumogopaje Muwaha Mulungu, kanyhi mumwitumamilaje kwe cogopo na ko wihuwilwa. Muwusize lukulu milungu yose, yono wayihembaga i walezi wenyu ku Mesopotamiya na ku Misili. Langa mumwitumamilaje Muwaha Mulungu du yali wene.

1 Petelo 3:8

Ale, ze ndumilizo nghutya nhavi: yiwanojeye muwe na nhumbula monga, ne 'hweso limonga, yiwanojeye kwiyenda nha ndugu, mweze wapolo kanyhi muli wenenenyhezi nyenye wose.

1 Samwili 12:23

Ninga ane ku lubavu lwangu, nghulomba ndece kumusutizya Muwaha Mulungu so wuleka kumulombelenyi. Ninga nomwijizenyi ziswanu zose na ze ling'ani, zono ziwanojeye mwitume.

1 Samwili 15:22

Nayo Samwili yakamupitula yakatya, “Alu Sawuli, wukwihwesa Muwaha Mulungu yakwendezwa na nghani ya hayi, cihuliko, hamba vilavywa vye makumbiko? Ninga ane nghukutya, yili ciba kuwa ne cihuliko kuli mwene, si nha kumulavizya zingholo zono zijinile.