Mika 6:5 - Luganuzi Luswanu Kuli Wanhu Wose 2002

⁵ Anye nyo wanhu wangu, mukumbucile zizo zono Balaki u mutemi wa Mowabu, yali yewikanize ho yamutendelenyi 'nye, na vyono Balamu mwana wa Beyoli yamupitula. Kanyhi mukumbucile zono zejela, lono mwali muli mu nzila, ku wulawa ku nghambi ya Shitimu sunga ku Giligali. Holeka momanya zono nghamutendelenyi ho nimuponyenyi 'nye.

Mika 6:5 ပူးပေါင်းရင်းမြစ်များ

Zabuli 111:4

Muwaha Mulungu nha kacikumbucizaga, ze metumo gakwe go wizine, Muwaha Mulungu muswanu, kanyhi yali lusungu.

Zabuli 143:11

Gwe go Muwaha Mulungu, wunghamise ho niwe mholile nha vyono wehuwiza, ale wumhonye mu wugaye ku soko yo wuswanu wako.

Zabuli 36:10

Wujendelele kuwawonela lusungu wose wono wakumanyile, kanyhi wujendelele kuwa muswanu, kuli we ling'ani.

Zabuli 71:19

Gwe go Mulungu i vilungo vyako, hamonga no wiling'ano wako, vificile ko ku mavunde. Agwe yo gwegwe mono wanoza zimbaha muno. Alu go Mulungu yo nani 'mbi, kanyhi mono yehwanile gwegwe?

Isaya 1:27

Alu, vyono Muwaha Mulungu mwihuwilwa, holeka koliponya likaya lya Yelusalemi, hamonga na wose wono wali mumo wono wonena wubi wawo.

Wuwale 22:41

Na mwi'zuwa lye kejete, Balaki yakawa kumusola Balamu, yakamutegula ko ku vigongo vya Bamoti-baali. Na kuko ko Balamu yasuma kuyiwonela nghango ndodo ye wanhu wa Isilayeli.

Wuwale 23:27

Nayo Balaki yakatya, “Alu nhondo wunhyatyaje kanyhi, nane nokutegula kanyhi hanhu hanji. I hanhu hono lunji Mulungu kokwenda kukukombola ho wundijitile wanhu wawo ku wulawilila hanhu baho.”

Wuwale 25:1

Nawo Waisilayeli lono wali wali mu nghambi mwi'lolo lya Shitimu, i wanhu we cilume, wakawa wakusenyha ne wahinza we Cimowabu wono wali wali mumo.

Wuwale 25:2

Hambi nha wawacemelaga mu zindigwa ze makumbiko ge milungu yawo ye Wamowabi yono wayihembaga. Nawo Waisilayeli, wakalya zindigwa zizo, kanyhi wakamuhemba no mulungu wawo Baali-peyoli.

Wuwale 31:16

Ninga mukumbucile vyono wo wawa wacekulu wono wagatyatya mafundo ga Balamu, sunga wakawa kuwakwega wanhu wamubedegale Muwaha Mulungu. Na yiyi yikawa yo soko yono yikaleka lihuhuji likawaziza i wanhu wo Mulungu.

Wuwale 31:8

hamonga ne watemi wahano we Wamidiyani, Evi, Lekemu, Zuli, Huli, hamonga na Leba. Wakamuwulaga nhavivilya na Balamu u mwana wa Beyoli.

Wuwale 33:49

Wakasita nghambi yawo ha Yoludani wulawa Beteyeshimoti, sunga ko ku Abeli-shitimu, mu yisi yo wuhihi ya Mowabu.

Waefeso 2:11

Nanye mono ku cihuma cenyu, muli wanhu mono si muli Wayahudi, mono mukucemwa, “Wono si mwalame” ne Wayahudi wono wakiyitya “Walame” u walame wono wanozwa ne miwoko mu miwili yawo, ninga mukumbucile nanye vyono mwali katali.

Wukumbucize wo Wulajilize 16:3

Na lono mukulya ndigwa yiyo, mulece kulya no mukate wono wina cisase. Nanye mojendelela kulya mukate wono wusina cisase vilo mupunghati, nha vyono mwanoza mwizuwa lilya, lono mwawucila musunho ku Misili. Ale muwulya wuwo mukate, nawo wocemwa mukate wo wugaye. Ho mutuje wukumbucile mu vilo vyose vyo wikale wenyu, we lizuwa lilyo lyono mwawucila ku Misili, i hanhu ho wugaye.

Wukumbucize wo Wulajilize 23:6

Holeka nanye mulecele lukulu kuwapela wutazi wowose, hamba kuwanozeza ziswanu mu vilo vyenyu vyose vyo wikale wenyu.

Wukumbucize wo Wulajilize 8:18

Langa mweze kukumbucila vyono, Muwaha Mulungu, u Mulungu wenyu, yo yakumupelenyi wusume wo kugolipa. Nayo yakwituma zizi vyono mwene kekalaga mwihuwilwa sunga izuwali, ku cilagane cono yacinoza ne walezi wenyu.

Wukumbucize wo Wulajilize 8:2

Kanyhi mukumbucile vyono Muwaha Mulungu, u Mulungu wenyu, yamutonjenyi mu muhinzo mutali, wa mu nyika mu myaka yiyi makumi mane yono yipulute, yakamukozenyi mu makamu menji, ho yamujelenyi, ho yamanye zono zili mu zinhumbula zenyu, na hono mbeka mwendile kugebata malajilizo gakwe, hamba ng'o.

Wukumbucize wo Wulajilize 9:7

“Kanyhi mulecele lukulu kusemwa vyono mwamukoza likuwo Muwaha Mulungu kuko ku nyika. Ku wulawilila mwizuwa lyono mwawucila ku Misili, sunga mwizuwa lyono mwaficila bahano, mwamubeza Muwaha Mulungu.

Yoshuwa 2:1

Baho Yoshuwa mwana wa Nuni, yakawatuma watandizi wejete ku wulawilila baho ha nghambi ya Shitimu, ho wabite cinyele wakayitandile yisi ya Kanani, na ko muno likaya lya Yeliko. Nawo wali weza kufika mwi 'kaya, wakenjila mu nyumba yo mucekulu musenyha, mono yacemwaga Lahabu, wakagona baho.

Yoshuwa 3:1

Ale, Yoshuwa ne Waisilayeli wose, i mitondo yaco hakali mitondo muno, wakelawa kuyikula nghambi ha Akasiya, wakawa kubita sunga he 'kolongo lya Yoludani, wakayisimya nghambi baho, walindiye ku wulowoka likolongo.

Yoshuwa 4:19

Wanhu wakalilowoka likolongo lya Yoludani mwi'zuwa lye likumi, lya mu mwezi mulongozi. Wakasimya nghambi yawo ha Giligali, ha mhelo yo lubavu lwe cilima ya Yeliko.

2 Petelo 2:15

Hambi nha wayileka inzila yono yigolocile, wajilila no kuyityatya nzila yono yayityatya Balamu, mwana wa Beyoli, mono yenda yatuje cambuzi mu wituma zo wulambi-lambi,

1 Yohana 1:9

Langa hono ciwuvumile u wubi wetu, u mwene u Mulungu yo mwihuwilwa, kanyhi yali ling'ani, nayo kocinenela u wubi wetu wose, no kucikwema ne masutya getu gose.

Yuda 1:11

Woyi he! Iwanhu wawo wakugatyatya i metumo ga Kayini. Nawo weyinjiza mu masutya ga Balamu ku soko ya wenda pesa. Wakondya kuwa wabezi kotya Kola vyono yali mubezi, wakondya kongomezwa nha vyono Kola yongomezwa.

Wugubule 2:14

Ninga hamba nha vivyo, nina nghani zinji nyhefu kuli'gwe, vyono wanji wa muli nyenye, muli watyatyi wa Balamu mono yamufunda Balaki, ho yawawicile cikobazo i wana wa Isilayeli ho walye zindigwa zono zali zikumbiciywe vihwani, kanyhi wasenyhe.

Walamuzi 11:25

Hamba wukwihwesa 'gwe wumucizize Balaka u mwana wa Zipola u mutemi wa Mowabu? Mwene hamba siyesumaniza ne Waisilayeli, hamba kwihoma nawo.

Walamuzi 5:11

Hulicizenyi! Mazi ge mapuga ge wanhu wono wapilime masima, wakulonga zo wusume wo Muwaha Mulungu wusume we Waisilayeli. Lulo wanhu wo Mulungu Wakatima mu milango ye makaya gawo.

1 Samwili 12:7

Ale, 'lu mwime, nimulonjelenyi hali Muwaha Mulungu, nimukumbucizenyi ze metumo mawaha gono Muwaha Mulungu yetuma, ho yamuponyenyi nyenye, hamonga ne walezi wenyu.