Mika 6:4 - Luganuzi Luswanu Kuli Wanhu Wose 2002

⁴ Ane nghamusolenyi no kumuwusenyi ku wulawa ku yisi ya Misili, no kumuponyenyi ku wulawa mu wuwanda. Nghawatuma Musa, na Haluni, na Milyamu, ho wamutonjenyi ku wulawa kuko.

Mika 6:4 ပူးပေါင်းရင်းမြစ်များ

2 Samwili 7:23

Kanyhi, baha mono'nze, hasina hamba nghungugo yinji yo yose yono yihwanile nghungugo ye Waisilayeli, wono wawaponya mu wulawa mu wuwanda, wukawa kuwanoza wawe wanhu wako go mweneco. Ne zimbaha kanyhi zo wogofye, zono wetuma so wanhu wako wa Isilayeli, zizo du zo zawumanyiza u wuwaha wako mono yinze yose. Nagwe wukawawinga makungugo ganji hamonga ne milungu yawo yose, kumwande ye wanhu wako wa Isilayeli, wono wawakomboza ku wulawa ku Misili.

Zabuli 77:20

Wukawatonga wanhu wako nhe zingholo, ko wutonji wa Musa na Haluni.

Wutuluce 12:51

Na mwi'zuwa lilyo u Muwaha Mulungu yakawawusa we nghungugo yose ye Waisilayeli ku wulawa mu yisi ya Misili.

Wutuluce 20:2

“Ane yo nene Muwaha Mulungu, u Mulungu wako, mono nakuwusa mu yisi ya Misili, kono wali wuli mu wuwanda.

Wutuluce 3:10

Holeka aluno nghukutuma kuli Falawo mutemi we Misili, ho wukawawuse wanhu wangu Waisilayeli mu yisi yiyo.”

Wutuluce 4:10

Ninga Musa yakatya, “Ng'o Muwaha Mulungu, nghukunena wulece kunhuma nene, hambi waco'ne nha si nili mulonji, hamba nghali si nawa mulonji ku wulawa lono wamulila kulongana nane. Hambi ane nha nili muzito ku wulonje, nongaga nili mhola mhola, sunga no lulimi lwangu nalo luzito.”

Wutuluce 4:16

Nayo Haluni yo kowa mulonji wako, nayo yo kowa kulongana ne wanhu, kowa wo mulomo wako. Nagwe kowa nho Mulungu, mono kowa kumulonjela Haluni zono nayo kowa kuzilonga.

Wutuluce 6:27

Kanyhi wo wanhu wawo wono wamulonjela mutemi Falawo, yawakombole Waisilayeli.

Yelemiya 32:21

Na ku soko ye mapoto gako, hamonga ne metumo gako go wizine, gono gawogofya i walugu wetu, wetumamila vilungo vyako, wukawawusa i wanhu wako Isilayeli mu yisi ya Misili.

Amosi 2:10

Nane nghamuwusenyi mu yisi ye Misili, nghamutonjenyi mu nyika myaka makumi mane, kanyhi nghawa kumupelenyi ne yisi ya Waamoli yiwe yisi yenyu.

Wuwale 12:1

Musa yali yatolile mucekulu we Cikushi. Ninga Milyamu na Haluni wene si wendezwa ne nghani yiyo.

Wuwale 33:1

Ali lyo liwalo lye matagwa ge hanhu hono Waisilayeli wasitaga zinghambi zawo, lono wawucila ku Misili, mu nghango ye milango yawo, hasi yo wutonji wa Musa na Haluni.

Metumo ge Watumwa 7:36

Yo yuyo yo yawawusa ku yisi ya Misili, mu nzila yo kunoza mapoto, na mezino mu yisi ya Misili, na mwi'lenga lya Shamu na mu nyika, myaka makumi mane.

Wukumbucize wo Wulajilize 15:15

Mweze kukumbucila vyono, nanye mwali muli wawanda ku Misili, ninga Muwaha Mulungu yakamukombozenyi no kumuwicenyi welecele. Na yiyi yo soko yono yikuleka nane nghumulajilizenyi lilajilizo lili.

Wukumbucize wo Wulajilize 24:18

Mweze kukumbucila, vyono nanye mwali muli wawanda ku Misili, na vyono, Muwaha Mulungu, u Mulungu wenyu, yakamukombozenyi, holeka nane nghumukong'onhezenyi mwitume lilajilizo lilino.

Wukumbucize wo Wulajilize 4:20

Ninga anye muli wanhu mono mwawuswa ku Misili, mwi kongojelo lyono likwaka moto mukali. Yakamuletenyi, ho yamunozenyi muwe wanhu wakwe, nha vyono mwinha izuwali.

Wukumbucize wo Wulajilize 4:34

Hamba ho yuli mulungu yunji wo wose, mono yejelela yabite yakawawuse wanhu ku wulawa mwikungugo linji, kanyhi yawanoze wawe wanhu wakwe, nha vyono Muwaha Mulungu, u Mulungu wenyu yamunozezenyi nyenye ku yisi ya Misili? Hambi Muwaha Mulungu nha yazinozeza zose ha meso genyu, yetumamila vilungo vyakwe viwaha hamonga no wusume. Yaleta magazo, no wulugu, yakanoza vitanjilo, ne mezino, yakaleta nghani zo wogofye wuwaha muno muno.

Wukumbucize wo Wulajilize 5:6

‘Ane yo nene Muwaha Mulungu, u Mulungu wako, mono nakuwusa mu yisi ya Misili, kono wali wuli mu wuwanda.

Wukumbucize wo Wulajilize 7:8

Ninga Muwaha Mulungu yakamwendenyi du, kanyhi yakasaka yafisilize wihuwizo wakwe, wono yawehuwiza i walezi wenyu. Na yiyi yo yaleka yakamuwusenyi ku yisi ya Misili, kwe vilungo vyakwe viwaha, yakamunozenyi muwe welecele, mu wulawa mu wuwanda wa ku Misili, wa kuli mutemi Falawo.

Wukumbucize wo Wulajilize 9:26

Nane nghawa kulomba nghatya, ‘Gwe go Muwaha Mulungu, wulece kuwongomeza wanhu wako, i wanhu wono wawaponya no kuwawusa ku yisi ya Misili kwe vilungo viwaha, na ko wusume wuwaha.

1 Samwili 12:6

Samwili yakajendelela yakatya, “Muwaha Mulungu yo yawahagula Musa na Haluni, kanyhi yo yawawusa walezi wenyu ku yisi ya Misili.