Mika 6:2 - Luganuzi Luswanu Kuli Wanhu Wose 2002

² Anye nyo matunda, nanye nyo misinji ye cibitilila ye yinze, muhulicize calo co Muwaha Mulungu kuli'nye, Muwaha Mulungu yena calo kuli wanhu wakwe, mwene yakubita kuyileta nghani yo kwilolosa kuli Isilayeli.

Mika 6:2 ပူးပေါင်းရင်းမြစ်များ

2 Samwili 22:16

Lilenga likanyazwa, hakawa hakavu, no musinji we yinze wukawa wuli mwazi, lono yawakalipila walugu wakwe, no kuwakolomela kwe likuwo lyakwe.

2 Samwili 22:8

“Yisi nayo yikasinjisika, yikacicima, ne misinji ya ku wulanga yikatinuka, yikasinjisika vyono Mulungu yali yena likuwo!

Zabuli 104:5

Wuyisimizye yinze mu musinji wayo, ho yilece kusinjisika cibitilila.

Zimbazi 8:29

Na lono yalilajilizaga lilenga hanhu hayo, ho lilece kupuluta vyono yalilajilize. Na lono yawusimizya musinji we yinze, ane nali kuko.

Isaya 1:18

Alu Muwaha Mulungu yakutya nhavi, “Ale, muze cilongane cizimale. Vyono hamba masutya genyu gawe madunghu ninga ane nomukwemenyi muwe wazelu swee nha seluji. Hamba gawe madunghu kasu, gowa mazelu swee, nho wukunzeje we ngholo nzelu.

Isaya 3:13

Muwaha Mulungu, yewikanize ho yalonje calo, yewikanize ho yawaling'anize wanhu wakwe.

Isaya 43:26

“Alu, cibitane ku mahakama, muwutegule kuko wusonjezi wenyu! Mulolose nghani zenyu, mulajile nha vyono muli ling'ani!

Isaya 5:3

Alu mwendece wangu yakutya, “Nye nyo wanhu wono mwikaye mu Yelusalemi, na Yuda, ta, mucilamulaje nene no mugunda wangu we mizabibu.

Yelemiya 2:9

“Ale, ku soko ya zizo, holeka nane no Muwaha Mulungu cokwimana ne wanhu wangu, cilongane calo nawo. Kanyhi niwahose hamonga ne wana wawo.

Yelemiya 25:31

Ne lizi lyakwe lyolobocelela sunga ko ku zimhelo ze yinze. Hambi u Muwaha Mulungu, nha yakwisumaniza ne makungugo. Nayo kolowaleta wanhu wose ha wuling'anizwe, yawasole i wanhu wabi yawawulaje. Vyo yakutya u Muwaha Mulungu.”

Yelemiya 31:37

Na hono yijele mwizuwa linji, wulanga wusumice ku wijele, ne misinji ye yinze hono yisumice ku wulondolwa hasi no kuwonwa, nayo Mulungu kowalema i wanhu wa Isilayeli ku soko ya zizo zose zono wetuma. Vyo yakutya, u Muwaha Mulungu.

Hoseya 12:2

Nayo Muwaha Mulungu, yena nghani yono yakuhila kuleta kuli wanhu wa Yuda, na kanyhi kowalipiciza Waisilayeli, ku soko ye metumo ge wanhu wayo. Mwene kolowalipa so wubi wawo wono wetuma.

Hoseya 12:3

U sogo yawo Yakobo yesumaniza no muwahawe Esawu, lono wose wejete wali wakali mu'nda ye nyinawo. Na lono Yakobo yali yeza wiluka, yakesumaniza no Mulungu.

Hoseya 4:1

Muwaha Mulungu, yena nghani yo kuwahosa wanhu wono wekaye mu'si ayi. Muhulicize, Isilayeli, muli zizo zono yakulonga, “Kweza kusina wihuwilwa hamba lusungu mu'si, ne wanhu hamba si wakumanya 'ne vyono nili Mulungu.

Mika 6:1

Ale muhulicize calo co Muwaha Mulungu kuli Isilayeli. Ale winuce 'gwe Muwaha Mulungu wulete calo cako. Matunda ne vitunda vihulice zizo zono wukulonga.

Wukumbucize wo Wulajilize 32:22

Likuwo lyangu nane lyokwaka nha moto nalyo lyovitakamiza vinhu vyose mono'nze. Lyovificila na vyose vyono vili hasi ku yinze ye wafu, no kuyitakamiza ne misinji ye matunda.

Wukumbucize wo Wulajilize 4:26

Nane nghuwutambula wulanga ne yisi, viwe wuhomelezi kuli 'nye izuwali, nha vyono, hono mwikale si muhulice 'ne, hodu, mokwajililila lukulu ku wulawa mu yisi yiyi, hamba si molokwijela kanyhi yaye. Kanyhi hamba si mosuma kwikala vilo vinji, mu yisi yiyo yono yili ku nhumbi ya Yoludani yono moyisola.