Mika 6:16 - Luganuzi Luswanu Kuli Wanhu Wose 2002

¹⁶ Na zizi zolomuzizenyi ku soko vyono mwagatyatya metumo mabi go mutemi Omuli, na go mwanagwe mutemi Ahabu. Vyono mukujendela mu zinghani zawo, holeka nane nomutegulenyi sunga ko ku wongomezwe, ne wanhu wose womubedegalenyi, no kumwitumilenyi vyono wakuhila.”

Mika 6:16 ပူးပေါင်းရင်းမြစ်များ

1 Watemi 18:4

na lono Yezebeli yawawulagaga i wawizi wo Muwaha Mulungu, mwene Obadiya yakawahundika wawizi wanji mu zimhango, waficile wawizi yigana limonga. Yakawatemanula wakawa mu mapuga mejete ga wanhu makumi mahano mahano, yakawa yakuwalisa ne zindigwa mumo mu zimhango zizo, hamonga ne malenga go kung'wa.

1 Watemi 9:8

Sunga ne Nyumba yiyi yo Mulungu, yopituka yiwe yilundo lya matongo, ne wanhu wose wono wowa kupuluta baho, wowa kwiwuza wakutya, ‘Nhawule Muwaha Mulungu kayinoza nhavivi yisi yiyi ne Nyumba yiyi?’

2 Watemi 16:3

yakatyatya musambo we watemi wa Isilayeli. Sunga yakasuma kumulavya u mwanagwe likumbiko lye cilavywa cinyanywe kuli vihwani vye milungu. Yakatyatya mawifyo ge makungugo, wono Muwaha Mulungu yawawinga mu yisi yono Waisilayeli wenjilaga.

2 Watemi 21:3

Mwene yakazenga hanhu henji mu vigongo ha wukumbicilo we milungu, i hanhu hono u sogwe Hezekiya yali yakondya kuhamwagulanga hose. Kanyhi yakazenga sunga ne cikumbicilo ca Baali, yakasesa ne cihwani co mulungu we cicekulu Ashela, yakazinoza nha vyono Ahabu u mutemi wa Isilayeli yanoza. Manase, yakawa yakuzihemba sunga ne zinyelezi zose.

2 Zinghomo 22:4

Yaketuma zimbi hali Muwaha Mulungu, vyono lono sogwe yakondya kufwa, mwene yakasola wanji wa mu mhuga yo mutemi Ahabu, yakawanoza wawe wo watazi wakwe mu zinghani, nawo wakamulongoza sunga ko ku wongomele.

2 Zinghomo 34:25

Hambi nha wakondya kunema'ne, no kuyilavizya makumbiko milungu yinji. Holeka nane, wakondya kunghoza likuwo so zose zono wetumile. Nakondya kuyikolelwa likuwo Yelusalemi, ne likuwo lyangu, hamba si lyowuka yaye.

Zabuli 1:1

Yali ciba munhu mono si yakuzityatya, zinghani ze wanhu wabi, hamba kutyatya mikalile, ye wanhu wahodanji, hamba kwilumbaniza ne wanhu wono, wakumubedegala Mulungu.

Zabuli 44:13

Sunga ne wekalani wayetu, wakuziwona zono wucitendeye, nawo lu, weza kuciseka no kucizwajiza.

Zabuli 44:14

Alu wacileka cibedegalwe, ne wanhu we makungugo ganji, wakusinjisa mitwe yawo ko kucibedula.

Isaya 25:8

Muwaha Mulungu kololiwusiza lukulu lifwa cibitilila! Kanyhi kolopatila lukulu mahozi mu meso ge wanhu wose, no kuwawusiza cevu wanhu wakwe, cono wali wakondya kukozwa mu yinze yose. Muwaha Mulungu mweneco yo yazilonga zizi!

Isaya 9:16

Nawo wono wakuwatonga i wanhu wawa, wakuwajiliza nzila, nawo wono wakulongozwa nawo nhavivyo wakwajiliza.

Yelemiya 19:8

Nane nololeta wogofywe, hamonga no wuhodanjice mumu mwi'kaya lilino, sunga ne wanhu wose wono wowa kukola behi nalyo, wowa kuyisinjisa ne mitwe yawo ko wizine wuwaha.

Yelemiya 25:18

Nayo Yelusalemi ne makaya gose ge yisi ya Yuda, hamonga ne watemi wayo, ne walongola wayo, wose wakacing'wa cikombe cico, ho wanozwe wawe nyika no wizine, hamonga no wuhowelezwe. Ne wanhu walitumamila litagwa lyawo nha wulijitwe, nha vyono wanozaga.

Yelemiya 25:9

‘Mulanje, ta! Nane nowatuma i wanhu wo lubavu lwa kusumuka, hamonga no mwitumami wangu Nebukadineza, u mutemi wa Babiloni. Waze wayihome yisi ya Yuda, ne wekazi wayo wose, hamonga ne makungugo gose gono gayipilime. Nane nolyongomezeza lukulu likungugo lili, hamonga ne wekalani wayawo wose, niwalece mu wongomele we cibitilila, wawe cinhu co kogofya no kuhowelezwa, hamonga no wucelewazwe wuwaha. Vyo nghutya ane no Muwaha Mulungu.

Yelemiya 29:18

Nane nomutyatililenyi no wulugu, ne nzala, hamonga ne matamwa. Ne makungugo gose ga mono'nze, golokwinjilwa no wizine wuwaha muno. Ne hanhu hose hono nowa niweyagazize, i wanhu wa mumo wolotinuswa no kogofywa muno muno ku soko ya zizo zono zolomwijelelenyi Ne wanhu wose wolomusekanjenyi, no kulitumamila litagwa lyenyu nha cinhu cilijitwe.

Yelemiya 51:51

Ninga 'nye mukutya ti, ‘Oo! Ase nha cikozwa cevu, kanyhi cikuwona soni, kanyhi cikwiwona nha cisina wutazi wo wose, hambi i wajenzi nha wenjila hono helile mu Nyumba yo Mulungu.’

Yelemiya 7:24

Ninga wene si wahulika 'ne, hamba kuzicelelela bwete, zono nawalonjela. Wene waketuma zimbi vyono wasakaga weneco mu zinhumbula zawo. Wakacila kuwa wabi muno, wakawuka ku wuswanu.

I Cililo 5:1

Gwe go Muwaha Mulungu, wukumbucile zono zacagana, wucilanje, wuciwone ne cevu cetu.

Ezekiyeli 39:26

Nawo kolo wekala wapolile mu yisi yawo, na hawe hasina kanyhi mono kowogofya, baho nhondo ho wolosemwela lukulu ze cevu cawo, na vyono wali wangaluka.

Danyeli 9:16

Agwe wacidima mu vilo vyono vipulute, holeka cikukunena, wulece kuyikolelwa likuwo Yelusalemi. Hambi nha lye 'kaya lyako, litunda lyako lyono lyelile. Hambi i wanhu wose we ma'si gono gacipilime, nha wakuyihosa Yelusalemi, hamonga ne wanhu wako, ku soko yo wubi wetu, hamonga no wubi we walezi wetu wono wetuma.

Hoseya 12:14

Waisilayeli wamukoza Muwaha Mulungu yikuwo yiwaha, na yali yiwanojeye wufwe so masutya gawo. No Muwaha Mulungu kolowalipiciza so cevu cono wamuletela.

Hoseya 5:11

Isilayeli yakugaya so wiwonelwe, hambi nha yakondya kwajiliza yisi yono yali ling'ani yakwe, vyono mwene yabita kulondola wutazi, kuli wono si wosuma kumupela wutazi wo wose.

Mika 2:6

Nawo wanhu wakunganulila wakutya, “Wulece kuganula hali'se. Wulece kuganula muli zizi zose. Hambi Mulungu nha si kocikoza cevu.

Mika 6:13

Holeka nane nakondya kwiwikaniza so wongomezwe wenyu no wuhodangwe wenyu ku soko yo wubi wenyu.

Wugubule 2:20

Ninga nina nghani monga du kuli'gwe, nayo yoyi, Agwe wukumukangalila ayulyo mucekulu mono yakucemwa Yezebeli, mono yakwiyitya mwene yo muwizi wo Mulungu. Mwene yuyo Yezebeli yakuwa kuwafunda, kanyhi yakuwasutizya i wetumami wangu wasenyhe no kulya zindigwa zono zikumbiciywe vihwani.