Mika 6:14 - Luganuzi Luswanu Kuli Wanhu Wose 2002

¹⁴ Nanye molya, ninga simokwiguta yaye, langa mokwikala vyo mudabuce du. Na mu luhamo lwenyu, si mosuma kusola cinji citelevu, na cono mocisoleleza citelevu, ane nocihodanga mu wulugu.

Mika 6:14 ပူးပေါင်းရင်းမြစ်များ

Hoseya 4:10

Molya lifungu lyenyu lye vilavywa, ninga hamba simokwiguta ng'o. Nanye mohemba milungu yono yina lulelo, ninga hamba simotuga wana ng'o. Ku soko vyono mwakondya kundeka 'ne, no kuyihemba milungu yinji.”

Hagayi 1:6

Mulanje ta, anye mwahadika mbeyu nyinji, ninga mwadudula wucefu du, mukulya, ninga simukwiguta yaye, mukung'wa divayi, ninga hamba simukuca ng'o, mukuvwala myenda, ninga siyikukondya kumupenyi civuce. No munhu mono yakwituma milimo, u musahala wakwe, wukuwa nha wutajilwa mu mufuko wono wutoboce-toboce.

Isaya 65:13

Ninga nane nghumulonjelenyi nha vyono, wose wono wena cihuliko kuli'ne no kuhemba nene, wawo wolotuga ndigwa nyinji hamonga na co kung'wa. Ninga anye molowa muli nzala kanyhi mukaluce. Wene wolowa wasangalaye, ninga anye molokozwa cevu.

Walawi 26:26

Nane nocepula zindigwa zenyu, ne wacekulu yikumi, wose wosaka watelecele mukate mwi 'figwa limonga. Hanyuma wamugawilenyi cipimo co wanjize, nanye molya hamba kwiguta yaye.

Hagayi 2:16

mwabita ku migunda kududula wuhemba, akuno mukulanjilila vyono motuga kilo magana mejete, ninga wono wali wuli baho, wali kilo yigana limonga du. Kanyhi mwabita ho muneje divayi lita yigana mu zinjilo, ninga mwatuga lita makumi mane du.

Ezekiyeli 5:12

Lifungu lilongozi lye wanhu wako, wofwila mwi'kaya so matamwa na so nzala, lifungu lye kejete, awo wolowulajilwa kunze ye likaya no mumaje, nawo we lifungu lye kadatu lye ndumilizo, noloweyagaziza mwi'beho liwaha, hanyuma nowatyatilila no mumaje wangu.

Yelemiya 48:44

No munhu wo wose mono kolojela yeponye so woga, yuyo kologwila mu makweme, nayo mono kolojela yewuse mu makweme, nayo yuyo, kologwila mu mitego. Hambi u Muwaha Mulungu, nha yakondya kuliwaga lizuwa lyo wongomele wa Mowabu.

Isaya 30:6

Ayi nayo yo nghani yo Mulungu kuli vilimu vyose vyono vikaye mu nyika yo lubavu lwa kutakama, yakutya, “I wawaha wa Yuda, wajendaga muhinzo mutali, wakukola mu yisi yono yina mbali nyinji, i hanhu hono gekalaga masimba, mono mogali mazoka gono gena sumu nghali muno, hamonga ne mazoka gono gagulukaga. Wakukola mumo akuno ho wapaciye ne vinhu vyo wuguzi wukamu muno mu zindogowe na mu zingamiya zawo, ho walitegulile vipegwa likungugo lyono si lyosuma hamba kuwapela wutazi wo wose yaye.

Isaya 9:20

Ne wanhu wose wa mu yisi yose munhu wo wose, kosuma kukwepula no kulya cinhu co cose cono yakuwona, soko du hono ciwe cikuwa kuligwa. Ninga hamba nhavivyo, si wakwiguta yaye. Sunga nhondo wowa kulya sunga ne wana wawo.