Mika 6:13 - Luganuzi Luswanu Kuli Wanhu Wose 2002

¹³ Holeka nane nakondya kwiwikaniza so wongomezwe wenyu no wuhodangwe wenyu ku soko yo wubi wenyu.

Mika 6:13 ပူးပေါင်းရင်းမြစ်များ

Metumo ge Watumwa 12:23

Ho baho baho Malayika wo Muwaha yakamugwisa Helode hasi, vyono si yamupela Mulungu lilumbo lilyo. Yakaligwa ne mang'onyo, yakafwa.

Hoseya 13:16

Nayo Samaliya yinojeye yilipicizwe, ku soko yo kundeka 'ne. Ne wanhu wakwe wolofwa ku wulugu, ne wana wawo wagalika, wolowa kubamilizwa hasi, ne wacekulu wono wena mida, awo nawo wolotumbulwa.”

Walawi 26:16

Mbeka molipicizwa. Ane noleta wongomezwe muli'nye. Noleta matamwa gono gasina miti, gono si gosumika no kuwulagulwe, hamonga ne mapungo gono gomunozenyi mubofule, no kumuwulajenyi. Kanyhi mohadika zimbeyu, ninga hamba si mokwambulila cinji, hambi walugu wenyu nha womusumizenyi, no kulya vyose vyono mwali mwalima.

Hoseya 5:9

Lizuwa lyo wulipicizwe likuza, na Isilayeli yokongomezwa. Anye nyo Waisilayeli, zizi mbeka zokwijela!

I Cililo 3:11

Kanghundujiziza ha mhelo ye nzila, kanhemasha nha nili nyama, kawa kundeka baho.

I Cililo 1:13

“Kagumila moto ku wulawa kucanyha, moto wono wukunyanya muli'ne. Kanhega no mutego, kangwisa ho hasi. Nalu yakondya kundeka nili wene, nili mu wusungu wuwaha.

Yelemiya 14:18

Nane lono nghubita mu mawimbi, nghuyiwona i miwili ye wanhu wono wawulagwe mu wulugu, na kolo nghubita mu makaya, namo nghuwawona i wanhu wono wakugaya no kufwa so nzala. Ninga nawo i wawizi hamonga ne wakohani, wene wajendeleye du ne milimo yawo, hamba kumanya yaye na cono wakwituma.”

Isaya 6:11

Nane nghawuza nghatya, “Gwe Muwaha Mulungu, alu zizi zokwijela nili?” Nayo yakapitula yakanyitya, “Zizino zokuza kolo makaya gose gekala matongo gasina wanhu, sunga kolo zikaya zekala bwete, ne yisi yalekwa wuciwa wuwaha.

Mika 1:9

Hambi zinghomele za Samaliya, nha si zolonoga yaye, na Yuda nayo nhavivyo, yakondya kuficilwa no wugaye, heya, wugaye wakondya kufika sunga mo mu milango, hono wekaye wanhu wangu ku Yelusalemi.”

Mika 6:16

Na zizi zolomuzizenyi ku soko vyono mwagatyatya metumo mabi go mutemi Omuli, na go mwanagwe mutemi Ahabu. Vyono mukujendela mu zinghani zawo, holeka nane nomutegulenyi sunga ko ku wongomezwe, ne wanhu wose womubedegalenyi, no kumwitumilenyi vyono wakuhila.”

Mika 7:13

Ninga yisi yolowa nyika, ku soko yo wubi we wanhu wono wekaye mumo.

I Cililo 5:16

Hasina cinji cono cisigaye, muli vyose vyono celumbilaga. Heya cetuma wubi, nalu congomezwa.