Mika 5:8 - Luganuzi Luswanu Kuli Wanhu Wose 2002

⁸ Nawo wo lulelo lwa Yakobo wono wolowa wakali wasigaye mumo mu makungugo, wolowa nha simba yono yili mu mbago mu wupelembi, hamba mu wudimilo, yikwagana zingholo no kuzizumhila no kuzihawanga, hawa hasina hamba no witumbilo wo kupona yaye,

Mika 5:8 ပူးပေါင်းရင်းမြစ်များ

Mwamulizo 49:9

Yuda yenha nyana ya simba yono, kolo yebata mapelembo gayo, yiwuyaga mu mhango yayo, nayo yitambalalaga no kugona hasi. Nani 'mbi mono kosuma kumugaza?

Zabuli 104:20

Agwe kuletaga citi, ne cilo ciwa kuza, ne zinyana ze zisimba nazo zikolomaga, zituje mapelembo gazo.

Zabuli 44:5

Nase, mu vilungo vyako, mo cikuwasumila walugu wetu, heya, sunga cikusuma kuwakanyanjila ku soko ye vilungo vyako.

Zabuli 50:22

“Ale ta mwihwesaje viswanu ze nghani yiyi, anye wose mono mumbedegaye, ale mwilanjililaje, ane nomongomezenyi wose, hamba hasina mono kosuma kumuponyenyi yaye.

Zimbazi 30:30

Simba, lyono lina vilungo kuciza malimu gose, lyono silyogopaga cinji.

Isaya 5:29

Ne wasilikale wawo, wowa kukoloma nha simba zono ziwulaje mhelembo, alu ziyidinghuye, zikulajila nha vyono, hasina munhu wo wose, mono kosuma kuziboka yaye.

Ezekiyeli 39:10

Nawo wolowa wasina wanjile wa ngwagu, kanyhi wolowa wasina soko yo kutenya ngwagu mwi'hala, hamba kutema mabici mu mbago, hambi nha wowa wakondya kutuga vitwalo vyono vilecigwe, navyo vyo vyolowakwila so ngwagu. Nawo wolowa teka i wanhu wono wawateka wene, wawasolele ne vinhu vyawo.” Vyo yakutya, u Muwaha Mulungu.

Hoseya 5:14

Nane nowahungucila wanhu wa Isilayeli na Yuda kotya simba. Nowahawanga no kuwaleka baho. Na lono nowa nakondya kuwasola, hasina munhu yunji kanyhi mono kusuma kuwaponya.

Mika 2:12

“Ninga ane nomukongholenyi kanyhi hamonga, anye nyo wanhu wa Isilayeli, mono musigaye. Nomukongholelenyi hamonga, kotya ngholo zono zikuwuya kwi'bululu. Kotya wudimo wono wumemile ngholo, ne yisi yenyu vyo yowa yimemile wanhu wenji muno.”

Mika 4:13

Muwaha Mulungu yakutya, “Anye nyo wanhu wa Yelusalemi, ale, mubite mukawalipicize walugu wenyu, nane nomunozenyi muwe ne vilungo nhe nghambaku, yono yina mahembe ga cuma ne mabangho ga shaba. Nanye mogahoma makungugo menji no kugasumiza, ne sawo yawo yose yono wayituga kwe vilungo, ayo mondavizya nene, ane no Muwaha Mulungu we yinze yose.”

Mika 4:7

Wakawa wakusenzegula, kanyhi wali kutali no kwawo. Ninga hamba nhavivyo nowanozeza mwamulizo mupya wawo wono wasigala, nawo wowa likungugo yiwaha lye vilungo. Nane notema hali wene mwi'tunda lya Sayuni, ku wulawa mu vilo vivyo sunga cibitilila.”

Mika 5:3

Holeka Muwaha Mulungu, kowaleka wanhu wakwe kuli walugu wawo, sunga mu cipango cono mucekulu kolelela mwana we cilume. Ale baho i wanhu wono wowa wakali wasigaye ku wuhamywe, ho wolokwilunza kanyhi ne wanhu wawo weneco.

Mika 7:18

Gwe Muwaha Mulungu, hasina mulungu yunji mono yehwanile gwegwe, hambi 'gwe nha kuwanenelaga u wubi wawo wanhu wako wono wasigala, hamba si kwikalaga ne likuwo cibitilila. Ninga kuwezaga ne nyemo, ho wulajile lusungu lwako kuli'se.

Zakaliya 10:5

Ne wanhu wa Yuda wowa no wusume, kotya nha wasilikale wono wakuwakanyanjila i walugu wawo, mu matope ga mu zi nzila za muwulugu. Kanyhi wowahoma, hambi Muwaha Mulungu nha yali hamonga nawo, kanyhi wowasumiza sunga walugu wawo i wajendela zifwalasi.

Zakaliya 11:6

U Muwaha Mulungu yakatya, “Sinomuwonela lusungu kanyhi munhu wo wose mu yisi yiyi. Nene no Muwaha Mulungu, nowawika wanhu wose mu miwoko ye walongola wawo, ne walongola wawo wayihome yisi yiyi, nane hamba sinowaponya mu miwoko yawo yaye.”

Zakaliya 12:3

Ninga vipango vivyo kolo vyafika, ane noyinoza Yelusalemi yiwe kotya yibwe yizito. Ne nghungugo yo yose yono yojela kuyinula Yelusalemi, yolotamiswa muno. Ne zinghungugo zose za mono yinze, zolokwilunza ho ziyihome Yelusalemi.

Zakaliya 14:18

Nawo wa Mumisili, hono waleme kubita kusangalalila sikukuu ye vibanda, ale, nawo wokwibatwa ne litamwa lilyo libi, lyono Muwaha Mulungu kowaletela zinghungugo zose zono zolema kubita kumuhemba.

Zakaliya 9:15

Kanyhi u Muwaha Mulungu we mihanga yo kowakamisa ne wanhu wakwe, nawo wowongomeza ne walugu wawo. Kanyhi wolowa kuzoza kuko ku wulugu kotya nhe wagalo 'jimbi kanyhi wolopegwa vilungo vyo kuyimwaga sakami ye walugu wawo; sakami yiyo yolohuluma kotya sakami ya ha wukumbicilo, yono yimwajigwe ku wulawa mu bakuli ha cikumbicilo.

Malaki 4:3

Na mwi'zuwa lyono nolokuziza kuwufisiliza wihuwizo wangu, anye molowasuma i wabi, nawo wolokwihwana manghundi hasi ye magulu genyu.

Wuwale 24:9

Ne likungugo lilino, lili vilungo muno muno lihwanile simba. Nalyo hono lyagona, hasina kanyhi mono kokwijelela yalisinhuse. No munhu wo wose mono komulugutiza Isilayeli, u munhu yuyo nayo kolugutizwa. No munhu wo wose mono kumulijitiza Isilayeli, u munhu yuyo nayo kolijitwa.”

Matayo 10:14

Na lono u munhu wo wose yaleme kumubocelenyi, hamba kumuhulicizenyi, ale nanye lono mweza kuwuka mu nyumba yiyo, hamba mwi'kaya lilyo, mukung'unhe ne manghundi gono gali mu migulu yenyu.

Metumo ge Watumwa 18:6

Nawo lono wawanganaga nayo no kumutovula, yakasola likoti lyakwe yakalikung'unha ha mwande yawo, yakawatya, “Hono mwajilile, yo nghani yenyu nyenye nyo weneco, ane sina wuhoswe wo wose mu nghani yiyo. No wulawa lulu, nowabitila wono si Wayahudi.”

Wahebelaniya 12:25

Holeka mulanjilile, mulece kulema kumuhuliciza mono yakulongana nanye. Nha vyono awalya wono walema kumuhuliciza ayulya mono yawasugula hono yinze, si wapona yaye. Alu ase cosuma kupona wule hono cileme kumuhuliciza ayulya mono yakucisugula, mono yalawa ku wulanga?

Wahebelaniya 2:3

Alu ase ma! Ho coponela hayi hono ciyileceleze mhonelo mbaha nha yiyi? Yono yamula kulongwa no Muwaha mweneco, na wono wahulika, wakacihomelela vyono yili mbeka.