Mika 5:7 - Luganuzi Luswanu Kuli Wanhu Wose 2002

⁷ Ne wanhu wa Isilayeli wono wasigaye, wolowa nhe buhe yono yikulawa kuli Muwaha Mulungu so makungugo menji, kotya mahalavu ga mvula, mu migunda ye vilimwa vyono vikuwiluka. No witumbilo wawo, wolowa kuli Mulungu hamba si kuli munhu yaye.

Mika 5:7 ပူးပေါင်းရင်းမြစ်များ

2 Samwili 17:12

Nase comulondola Dawudi sunga cimuwone hono yehundice, cimuhome lono mwene yakali namanya cono cikwituma. Nane nitumbiye vyono mwene hamba wanhu wakwe, hasina hamba monga mono kopona.

Zabuli 110:3

Nawo wanhu wako wokwilavya weneco, ko mutima muzelu, mwizuwa lyo kuwahoma no kuwasuma walugu wako. Nha vyono yinha buhe ya hakali mitondo, ale, nhavivyo ne wazelelo wako, nawo, vyo wolokuziza gwegwe, mu matunda gono gelile.

Zabuli 133:3

Gakwihwana buhe ya mwi'tunda lya Helimoni, yono yigwizaga mu matunda ga Sayuni. Baho ho hanhu hono Muwaha Mulungu, yehehuwiziziza u wulugute wakwe. Heya, wumi we cibitilila.

Zabuli 72:6

Mutemi yawe nhe mvula yo wunyunyute mu migunda, yawe nhe mvula yono yiyitonyelaga yisi.

Zimbazi 19:12

Likuwo lyo mutemi, lihwanile ngholoma ye lisimba. Ninga wendezwe wakwe, winha buhe mu mahanze.

Isaya 32:15

Ninga hanyuma kanyhi, u Mulungu kolocijidila muhe wakwe. Ne yisi yono yali yeza magungu, nhondo yologaluka yiwe yisi yono yina moso muwaha. Nayo migunda, nhondo yolofisa vilimwa viswanu muno.

Isaya 44:3

Nane noyipela malenga yisi yono yina nyhilu, kanyhi notula makolongo gahulume mu yisi nghavu. Nane nowajidila zo muhe wangu i wana wenyu. Kanyhi nowalugutiza we zindelo zenyu.

Isaya 55:10

“Hambi zinghani zangu nazo, nha zihwanile seluji ne mvula, yono yilawaga mu mavunde yiwa kutonya mu yisi yiwa kuviwilusa vilimwa no kulavya mbeyu yono hanyuma yohadikwa, na yinji yiwa kwitumamilwa so ndigwa.

Isaya 66:19

Baho ho womanyila vyono yo nene du mono nghuwalipiciza. Ninga hamba nhavivyo, nolowasigaza wanji muli wene, niwatume kuli makungugo na ku zi'si zo kutali, kono wakali nazihulika zo lukumyo lwangu, hamba kuziwona zo wuwaha wangu ne vilungo vyangu. Ku zi'si za Sipeyini, Libiya, na Lidiya, wabite hamonga ne wanghula wo kuguma no wupinde. Wabite sunga ko ku Tubali na ku Gilisi. Wabite wakanze zo wuwaha wangu ku zinghungugo zizo.

Yelemiya 14:22

Hambi mu makungugo gose, nha musina cihwani co cose cono cosuma kutonyeza mvula, sunga ne mavunde, nha sigosuma geneco du kunyunyutya mvula. Holeka ase, witumbilo wetu wose, wuli kuli 'gwe go Muwaha Mulungu go Mulungu wetu. Hambi nha yo gwegwe du mono kwitumaga zizi zose.

Ezekiyeli 14:22

No munhu wo wose mono kopona hamonga ne wanagwe, ale wuwalanjililaje lono wakuza kuli'gwe. Wuyiwone nghango yo wubi wawo vyono winha. Baho nagwe ho komanyila nha vyono kumbe u wulipicize wono nghuwuleta mu Yelusalemi, wo wulipicizwe we ling'ani.

Ezekiyeli 47:1

Kanyhi hanyuma yayo, u munhu yuyo, yakangomola sunga ko ku mulango we Nyumba yo Mulungu. Nane nali neza kulanga nhavi, nghawona malenga gakuhuluma, gakoleye hasi yo mulango, galanjile ku cilima, ku lubavu lwa ku mwande ye Nyumba yo Mulungu. Malenga gago gahulumaga gakulawilila hasi ye Nyumba yo Mulungu ku lubavu lwa kutakama, gakoleye ku lubavu lwa kutakama ye cikumbicilo.

Ezekiyeli 5:5

Muwaha Mulungu yakatya, “Langa, ta, ali lyo likaya lya Yelusalemi, lyono naliwika haciligati ye yinze, hamonga ne ma'si ganji gose gono galipilime.

Danyeli 11:32

Na mu nzila yo kumukonga-konga mutemi, kolokwitujila watazi wenji wa muli wono wolowa wakondya kuyileka dini yawo. Ninga awalya wono wowa wakali wakumutyatya Mulungu, awo langa wolokwihoma nayo.

Hoseya 14:5

Nane nowa nha mvula mu'si nghavu kuli Waisilayeli. Nawo wosanula nhe 'luwa, kanyhi wohimbiza muno milela hasi, kotya mibici ya Lebanoni.

Hoseya 6:3

Alenyi cimumanye Muwaha Mulungu. Mwene kokuza kuli'se lono wela hakali mitondo muno, nayo kokuza kuli'se kotya mvula ye mhinga yono yidedewazaga yisi.”

Yoweli 2:32

Kanyhi munhu wo wose mono kololomba wutazi kuli Muwaha Mulungu, yuyo yo kolopona. Nha vyono Muwaha Mulungu yalonga yakatya, Wenji wa mu Yelusalemi wolopona, na wono nawahagula wolokwikala wapolile.”

Amosi 5:15

Musule zimbi, mwende ziswanu no kwituma ze ling'ani mu mahakama. Nha lunji Muwaha Mulungu we mihanga kowa no lusungu kuli wanhu we likungugo lili, wono wakali wasigaye womi.

Mika 2:12

“Ninga ane nomukongholenyi kanyhi hamonga, anye nyo wanhu wa Isilayeli, mono musigaye. Nomukongholelenyi hamonga, kotya ngholo zono zikuwuya kwi'bululu. Kotya wudimo wono wumemile ngholo, ne yisi yenyu vyo yowa yimemile wanhu wenji muno.”

Mika 4:13

Muwaha Mulungu yakutya, “Anye nyo wanhu wa Yelusalemi, ale, mubite mukawalipicize walugu wenyu, nane nomunozenyi muwe ne vilungo nhe nghambaku, yono yina mahembe ga cuma ne mabangho ga shaba. Nanye mogahoma makungugo menji no kugasumiza, ne sawo yawo yose yono wayituga kwe vilungo, ayo mondavizya nene, ane no Muwaha Mulungu we yinze yose.”

Mika 4:7

Wakawa wakusenzegula, kanyhi wali kutali no kwawo. Ninga hamba nhavivyo nowanozeza mwamulizo mupya wawo wono wasigala, nawo wowa likungugo yiwaha lye vilungo. Nane notema hali wene mwi'tunda lya Sayuni, ku wulawa mu vilo vivyo sunga cibitilila.”

Mika 5:3

Holeka Muwaha Mulungu, kowaleka wanhu wakwe kuli walugu wawo, sunga mu cipango cono mucekulu kolelela mwana we cilume. Ale baho i wanhu wono wowa wakali wasigaye ku wuhamywe, ho wolokwilunza kanyhi ne wanhu wawo weneco.

Mika 5:8

Nawo wo lulelo lwa Yakobo wono wolowa wakali wasigaye mumo mu makungugo, wolowa nha simba yono yili mu mbago mu wupelembi, hamba mu wudimilo, yikwagana zingholo no kuzizumhila no kuzihawanga, hawa hasina hamba no witumbilo wo kupona yaye,

Mika 7:18

Gwe Muwaha Mulungu, hasina mulungu yunji mono yehwanile gwegwe, hambi 'gwe nha kuwanenelaga u wubi wawo wanhu wako wono wasigala, hamba si kwikalaga ne likuwo cibitilila. Ninga kuwezaga ne nyemo, ho wulajile lusungu lwako kuli'se.

Zefaniya 3:13

Ne wanhu wa Isilayeli wono wasigaye, si wolokwitendela vibi kanyhi munhu na muyagwe, hamba kwilonjela zo wulambi, hamba kuwa wakonji yaye. Wolowa walugutwe kanyhi wapolile, na holowa hasina yunji mono kolowogofya kanyhi.”

Zakaliya 14:8

Na mwi'zuwa lilyo, malenga maswanu golohuluma gakulawilila ku Yelusalemi. Nusu yago, golokwinjila mwi'lenga lyo mwino, ne nusu nzagwe ye kejete, golokwinjila mwi'lenga lya Meditelaneya. Lyolohuluma vilo vyose vya mu mwaka wose. Mu vipango vye cifuku ne cibahu.

Zakaliya 9:13

Nomwitumamila Yuda yawe kotya wo wupinde wo musilikale, na Isilayeli yawe kotya zo songa. Nowetumamila wanhu wa ku Sayuni wawe kotya wo mumaje, wehome ne wanhu wo Wugiliki.”

Matayo 28:19

Holeka, alu, mubite, mukawanoze i wanhu we makungugo gose, wawe watyatyi wangu, muwabaputizizaje mwitagwa lyo Sogo yo Munhu na lyo Mwana, na lyo Muhe Mono Yelile.

Metumo ge Watumwa 11:15

Nali neza kwanza du kulonga, u Muhe Mono Yelile yakawatimila, nha vyono yacitimila ase bahalya ha lulongozi.

Metumo ge Watumwa 13:46

Ninga hamba nha vivyo, Pawulo na Balanaba, wakalonga muno akuno wasina woga, wakatya, “Vyo yali yinojeye Inghani yo Mulungu yamule yimuficilenyi nyenye. Ninga vyono muyikumhiye kutali, no kwiwona vyono wumi we cibitilila si wukumunojelenyi nyenye, ale, ceza kumulecenyi, no kuwabitila i wanhu wono si Wayahudi.

Metumo ge Watumwa 16:9

Mu cilo cico, Pawulo yawona wugubulilwe, nha kotya yakamuwona munhu wa Makedoniya yemile, yakumunena, yakutya, “Wulowoce wuze Makedoniya wucitaze.”

Metumo ge Watumwa 9:15

Ninga u Muwaha yakamutya, “Wubite du, hambi ayo, nha nimuhagula yawe ciya cangu, ho yalitegule litagwa lyangu kuli wanhu wono si Wayahudi, ne watemi wawo, sunga na kuli wanhu wa Isilayeli.

Walumi 10:20

Kanyhi Isaya yakulonga yasina woga, yakutya, “Wono si wanondolaga, wakondya kumbona, Nane nghelajila kuli wono si wakuwa kumbuza.”

Walumi 11:12

Holeka hono u wugwe wawo, wuwaletela we yinze wugoli wo wumoteswe wuwaha, ale nhavivyo wuwe wawo wo kuwa wasina i mikalile miswanu ye cimuhe, wuwaletela wumoteswe wuwaha iwanhu wono si Wayahudi. Holeka yili calinze muno, vyono wukwilanicile wawo, woleta uwumoteswe winji muno.

Walumi 9:30

Hambi colongaci kanyhi? Yili nhavi: iwanhu wono si Wayahudi wono si wepiganza kuwulondola u wuvumilwe hali Mulungu, wanozwa wavumilwe hali Mulungu mu nzila yo wihuwilo.

1 Wakolinto 3:6

Ane no Pawulo, nahadika mbeyu, nayo Apolo, yakayimwajilila malenga, ninga u Mulungu yo yazicindya i zimbeyu.

Wukumbucize wo Wulajilize 32:2

Hambi mejizo gangu, nha golagala nha mabanhi ga mvula, gogwisa buhe mu yisi, zinghani zangu zomuzizenyi nha vibanhi vya mvula mu mahanze madece, nha mabanhi ga mvula mu vilimwa.

Walamuzi 6:36

Hanyuma Gideyoni yakamulonjela Muwaha Mulungu yakamutya, “Agwe watya vyono konyitumamila nene, niwaponye Waisilayeli.