Mika 5:6 - Luganuzi Luswanu Kuli Wanhu Wose 2002

⁶ Nawo wolowasuma Waashuli mu yisi ya Nimulodi ko wukali wo mumaje, nawo wolociponya mu miwoko ye Waashuli, kolo wakwinjila no kuyihoma yisi yetu.

Mika 5:6 ပူးပေါင်းရင်းမြစ်များ

2 Watemi 15:29

Na mwi'pango lyono Peka yali yatemile, lyo lipango lilyo, nayo Tigilati Pilesa mutemi wa Ashuli, lo yagasolela makaya ga lyoni, na Abeli-beti na Maaka, na Yanowa, na Kedeshi na Hazoli, hamonga ne zisi za Gileyadi, na Galilaya, na Nafutali. Yakawasola mateka ne wanhu wose yakawategula ku yisi ya Ashuli.

1 Zinghomo 1:10

(Nayo Kushi yakamulela mwana litagwa lyakwe Nimulodi. Yuyu Nimulodi yakawa yo munhu mulongozi we vilungo mono yinze.)

2 Zinghomo 33:11

Holeka nayo Muwaha Mulungu, yakawa kuwaleka wasilikale wa Ashuli wayihome Yuda. Wakamuteka Manase, wakamuwicila vidobogo vya cuma mu zimhula zakwe, wakamuwopa ne manyolo, wakamutegula ku Babiloni.

Jobu 29:22

Nawo wawezaga wasina hamba nghani yinji, kanyhi yo konjeleza zinghani zangu, zawenjilaga muno mu zinhumbula zawo, kotya mabanhi ga mvula.

Zabuli 110:3

Nawo wanhu wako wokwilavya weneco, ko mutima muzelu, mwizuwa lyo kuwahoma no kuwasuma walugu wako. Nha vyono yinha buhe ya hakali mitondo, ale, nhavivyo ne wazelelo wako, nawo, vyo wolokuziza gwegwe, mu matunda gono gelile.

Zabuli 72:6

Mutemi yawe nhe mvula yo wunyunyute mu migunda, yawe nhe mvula yono yiyitonyelaga yisi.

Isaya 14:2

Sunga ne makungugo menji, golowataziliza i wanhu wa Isilayeli, ho wawuye ku yisi yono Muwaha Mulungu yawapela, na hanyuma kanyhi i makungugo gago, golowa nha wawanda, golowetumamila i Waisilayeli. Na wawo wono wawateka Waisilayeli, alu nawo woletekwa ne Waisilayeli no kuwatema wene wono wali wawewoneye.

Isaya 14:25

Nowongomeza Waashuli mu yisi yangu, ya Isilayeli, kanyhi nowakanyanjila mu matunda gangu. Nane nawawusiza wanhu wangu lubano lwe wanhu wa Ashuli, hamonga no mutegulo muwaha wono wadinghuye.

Isaya 33:1

Woyi he kuli'nye nyo walugu wetu! Hambi nye nha mwagaluka kanyhi mukahiza. Ninga anye hasina mono yamugalukajenyi hamba kumuhizizenyi yaye. Ninga zinghani zenyu zizo zo wugaluci, hamonga no wuhizi, vyose vyoloduma lwa kamonga du. Hambi nanye nha molowa kwihiziza no kwikonga nyenye wose.

Isaya 37:36

Lolulolulo malayika wo Muwaha Mulungu yakawa kubita ku nghambi ye Waashuli, yakawa kuwawulaga wasilikale we Waashuli waficile elufu yigana limonga na makumi munana na yihano. Na mwizuwa lye kejete, hakali mitondo muno muno, wasilikale wose we Waashuli wakawa wakondya kufwa!

Isaya 37:37

Nayo Senakelibu u mutemi we Waashuli, yali yeza kuziwona zizo, hodu yakawa kutuluka yakawa kuwuya ku Ninawi.

Isaya 6:13

Hamba yiwe mu wanhu yikumi, yikumi, yasigale munhu monga monga, mu yisi, yuyo nayo kokongomezwa du. Kokwihwana lisici lyo mubici wo munghola lyono lyakondya kutemangwa.” (Lisici likuwa nha wo mwamulizo mupya we wanhu wo Mulungu.)

Yelemiya 14:22

Hambi mu makungugo gose, nha musina cihwani co cose cono cosuma kutonyeza mvula, sunga ne mavunde, nha sigosuma geneco du kunyunyutya mvula. Holeka ase, witumbilo wetu wose, wuli kuli 'gwe go Muwaha Mulungu go Mulungu wetu. Hambi nha yo gwegwe du mono kwitumaga zizi zose.

Nahumu 2:11

Alu lili hayi likaya, lyono lyali linha wikalo wa simba, ne hanhu hono wana we simba wakuliswa, i hanhu hono simba nume ne simba nyhekulu zobita, hamba zinyana zayo hono zowa zikaye zipolile?

Zefaniya 2:13

Kanyhi Muwaha Mulungu, kolokwitumamila vilungo vyakwe yayihodanje Ashuli. Mwene kololinoza likaya lya Ninawi liwe nyika ye 'tongo, kanyhi yiwe nyika yono yisina malenga.

Zefaniya 3:12

Nane nolowaleka baho i wanhu wenenenyhezi ne waciwa, wono wokuza kulondola wutazi kuli'ne.

Luka 1:71

nha vyono kocikomboza wulawa mu walugu wetu, na mu miwoko ya wose wono wacisulile.

Luka 1:74

ho cikombozwe ku wulawa mu miwoko ye walugu wetu, ho cimwitumamile cisina woga.

Luka 24:27

Yesu yakawaloloseza zose za mu Mandiko Gono Gelile, zono zali zimunojeye mwene, ku wulawilila kuli Musa, sunga na mu wawizi wose.

Wukumbucize wo Wulajilize 32:2

Hambi mejizo gangu, nha golagala nha mabanhi ga mvula, gogwisa buhe mu yisi, zinghani zangu zomuzizenyi nha vibanhi vya mvula mu mahanze madece, nha mabanhi ga mvula mu vilimwa.