Mika 5:5 - Luganuzi Luswanu Kuli Wanhu Wose 2002

⁵ Hono Waashuli waze wayisole yisi yetu no kugabena magomawakali getu, nase cowategula watemi wetu we vilungo wakawahome.

Mika 5:5 ပူးပေါင်းရင်းမြစ်များ

Jobu 5:19

Nayo vilo vyose kokuponya kali kenji mu magayo gako gose, na mumbali ye ndumilizo, u wubi si wokupamiza.

Zabuli 72:7

No wiling'ano wulawilicile, mu vilo vyose vyo wikale wakwe, no mulamu nawo wonjezece muno, sunga mwezi kolo wukuduma kumulika.

Zimbazi 30:18

Kanyhi, hovili vinhu vidatu hamba vine vye cinyele kuli'ne, vyono hamba si nivimanyile yaye, navyo vyovi:

Zimbazi 30:29

Kanyhi, ho vili vinhu vine, vyono vyendezaga, hono wukuvilanga vikujenda, navyo vyovi:

Zimbazi 6:16

Ko zili nghani mutandatu hamba mupunghati, zono Muwaha Mulungu yazisulile,

Muganuzi 11:2

Wagawile wanhu zisawo zako, hambi nha si wumanyile yimbi yono yokwagana mono'nze.

Isaya 14:25

Nowongomeza Waashuli mu yisi yangu, ya Isilayeli, kanyhi nowakanyanjila mu matunda gangu. Nane nawawusiza wanhu wangu lubano lwe wanhu wa Ashuli, hamonga no mutegulo muwaha wono wadinghuye.

Isaya 44:28

Nghumulonjela Kulo, nghutya, ‘Agwe yo gwegwe mono kowufisiliza wuhile wangu, nagwe konoza zono nghukulajiliza kololajiliza Yelusalemi yizengwe kanyhi hamonga no musinji we Nyumba yo Mulungu.’ ”

Isaya 59:19

Ne wanhu wose wono wekaye ku lubavu lwa kucilima wose wolomupela cogopo, hamonga ne vilungo vyakwe viwaha. Hambi nha kolokuza nhe likolongo lyono likuhuluma nhe libeho lye vilungo.

Isaya 65:8

Muwaha Mulungu yakutya nhavi, “Hambi nha hasina munhu mono kazihodangaga zi zabibu ziswanu, langa waziminyaga no kuzinoza divayi. Ale yo nhavivyo, nane hamba si nowongomezeza lukulu wanhu wangu wose ng'o, langa nowasigaza wose wono wakunyitumamila.

Isaya 7:14

Ale, du, ninga Muwaha Mulungu mweneco komupelenyi citanjilo. U muhinza kodinghula 'nda, nayo kolela mwana wa cilume, ne litagwa lyakwe kocemwa ‘Imanuweli.’ ”

Yelemiya 33:15

Na mu vilo vivyo, nolomuhagula mutemi we ling'ani, mu wulawa mu lulelo lwa Dawudi. No mutemi yuyo, kolo kwituma ze ling'ani na zo wiling'ano mu yisi yose.

Amosi 1:3

Muwaha Mulungu yakutya, “Wanhu wa Damesiki wetuma wubi kali kenji, na ku soko yiyo nane nowalipiciza. Hambi nha wawatendela vibi no kuwatamisa muno muno wanhu wa Gileyadi.

Amosi 1:6

Muwaha Mulungu yakutya, “Iwanhu wa Gaza, wetuma wubi muno muno. Na ku soko yiyo, nane nowalipiciza wene. Ku soko wene wayisola nghungugo yose, no kuwahamizizya kuli wanhu wa Edomu wawe wawanda.

Zakaliya 10:11

Nawo kolo weza kukola mwi'lenga lyo wugaye. Ane no Muwaha Mulungu, nologatowa i mawingo ge malenga. Ne visolo vye likolongo lya Nile vyolonyala. No wivuni we yisi ya Ashuli wolonyetywa. Ne yisi ya Misili yono yili vilungo, yolowula vilungo.

Zakaliya 10:3

U Muwaha Mulungu yakutya, “Nghuwawonela yikuwo, i wajenzi wose wono wawatemile wanhu wangu. Holeka nane nowalipiciza wose, hambi i wanhu wa Yuda, nha wangu. Nane no Muwaha Mulungu we mihanga, nowadima wanhu wangu. Kanyhi nowanoza wawe nha fwalasi zangu zo wulugu.

Zakaliya 12:6

Mu vilo vivyo, nozinoza zindelo zose za Yuda ziwe kotya moto wono wukwaka mu mbago, hamba moto wono wukwaka mu mugunda wo wuhemba wono wupiye. Nawo wozongomeza zinghungugo zose zono ziwapilime. Ne wanhu wa he 'kaya lya yelusalemi, wolokwikala wapolile du mwi'kaya.

Zakaliya 9:10

Muwaha Mulungu yakutya, “Nogawusa ne matuka go wulugu, gono gakulawa ku Isilayeli, niziwuse ne zifwalasi zono zolawa ku Yelusalemi, hamonga no wupinde wono wukwitumamilwa mu wulugu, vyose vyokongomezwa. No mutemi wenyu, koleta mulamu kuli zinghungugo zose. Kanyhi kotema ku wulawilila kwi'lenga sunga ko kwi'lenga na ku wulawilila kwi 'kolongo lya Efulata, sunga ko kundumo ye yisi.”

Zakaliya 9:13

Nomwitumamila Yuda yawe kotya wo wupinde wo musilikale, na Isilayeli yawe kotya zo songa. Nowetumamila wanhu wa ku Sayuni wawe kotya wo mumaje, wehome ne wanhu wo Wugiliki.”

Luka 2:14

“Lukumyo kuli Mulungu kucanyha, na kono'nze mulamu kuli wanhu wono wakumunojeza.”

Yohana 14:27

“Mulamu nghumulecelenyi, mulamu wangu nghumupelenyi, si nghumupelenyi anye kotya nha vyono yinze yilavyaga. Mulece kugazika mu nhumbula, hamba mulece kwihwelela.

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

Wugubule 17:14

Nawo wokwihoma no Mwana we ngholo, ningo Mwana we ngholo, hamonga na wawala wono yawacema, kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 19:14

Ne mapuga ga wa ku wulanga, gakamutyatya akuno wali mucanyha ye zifwalasi zinzelu, nawo wali wavwalile vivwalo vye bafuta nzelu, kanyhi yelile muno.