Mika 5:4 - Luganuzi Luswanu Kuli Wanhu Wose 2002

⁴ Nayo yalaza kuza, kolowatema wanhu wakwe, kwe vilungo vyono vikulawa kuli Muwaha Mulungu, hamonga ne nhojo yo Muwaha Mulungu mweneco. Ne wanhu wakwe, wolokwikala wapolile, hambi wanhu wose wa kono'nze, nha wolowuvumila u wuwaha wakwe, nayo yo kololeta mulamu.

Mika 5:4 ပူးပေါင်းရင်းမြစ်များ

Zabuli 145:12

Ho wasume kuwamanyiza wanhu, ze metumo gako mawaha, hamonga no lukumyo lo wutemi wako.

Zabuli 22:27

Ne yinze yose yokumbucila, no kumuwuyila Muwaha Mulungu, ne zimhuga zose ze makungugo, zomuhemba.

Zabuli 72:19

Ilitagwa lyakwe lye nhojo, likumywe cibitilila. No lukumyo lwakwe lumeme mu yinze yose. Heya, heya!

Zabuli 72:8

Yateme ku wulawilila lilenga sunga lilenga, kanyhi ku wulawa kwi kolongo lya Efulata, sunga ko ku mhelo ye yinze.

Zabuli 93:1

U Muwaha Mulungu yatemile yena ne nhojo yakwe! Muwaha Mulungu yevwicile nhojo ne vilungo! Nayo yayisimya yinze hanhu hayo, hamba si yosinjisicila lukulu yaye.

Zabuli 98:3

Kawukumbucila wuswanu wakwe, no wihuwilwa wakwe kuli wanhu wa Isilayeli. Nazo zimbavu zose ze yinze zakondya, kuwuwona wusume ne vilungo vyo Mulungu wetu.

Wutuluce 23:21

Holeka mumuhulikaje, kanyhi mweze ne cihuliko kuli zose zono komulonjelenyi. Mulece kumubedegala, hambi nha yo nene mono nimutumile. Nayo hamba si kosuma kumunenelenyi hono mumubedegale.

Isaya 45:22

“Muze kuli'ne, ho mupone anye nyo wanhu we yinze yose! Ane no Mulungu nili wene, nili baha.

Isaya 49:5

Muwaha Mulungu yahagula 'ne na lono nali nghali hamba nalelwa, yakanoza niwe mwitumami wakwe, ho niwagomole kwakwe wanhu wakwe, niwakonghole i wanhu wa Isilayeli wono weyagaye. Hambi Muwaha Mulungu nha yo yakumhela lilumbo, kanyhi mwene vyo vilungo vyangu.

Isaya 52:10

Muwaha Mulungu kolokwitumamila vilungo vyakwe vyono vyelile, yawaponye wanhu wakwe, ne yinze yose yoloziwona zizo.

Isaya 52:13

Muwaha Mulungu yakutya nhavi, “U mwitumami wangu kolomoteswa mu mulimo wakwe, nayo kolotuga lilumbo yiwaha muno muno.

Isaya 8:7

Holeka nane no Muwaha Mulungu, aluno nomuleka mutemi wa Ashuli yaze hamonga ne wasilikale wakwe wo wulugu, wayihome Yuda. Nawo wohuluma nhe lihwazi lye malenga ge likolongo lya Efulata, nha vyono galapukaga.

Mika 7:14

Gwe Muwaha Mulungu, weze mudimi kuli wanhu wako, iwanhu wono wawahagula. Hamba wawe wekaye kutali mwi'bago. Ninga yisi yose yono yiwapilime yina moso muno. Walekaje wabite wakaliswe ku Bashani na ku Gileyadi nha vyono wanoza mu vilo vye katali.

Zakaliya 13:7

U Muwaha Mulungu we mihanga yakutya, “Winuce 'gwe go mumaje, wumuhungucile mudimi wangu, mono yakunyitumamila. Wumuwulagaje, ne zingholo zokwiyagala, Nane nowatowanga wanhu wangu.

Zakaliya 9:10

Muwaha Mulungu yakutya, “Nogawusa ne matuka go wulugu, gono gakulawa ku Isilayeli, niziwuse ne zifwalasi zono zolawa ku Yelusalemi, hamonga no wupinde wono wukwitumamilwa mu wulugu, vyose vyokongomezwa. No mutemi wenyu, koleta mulamu kuli zinghungugo zose. Kanyhi kotema ku wulawilila kwi'lenga sunga ko kwi'lenga na ku wulawilila kwi 'kolongo lya Efulata, sunga ko kundumo ye yisi.”

Malaki 1:5

Ne wanhu wa Isilayeli woloziwona zizi kwe meso gawo weneco, nawo wololonga vyono “Muwaha Mulungu yo we vilungo sunga kunze ye mipaka ye yisi ya Isilayeli.”

Matayo 16:18

Holeka nane nghukulonjela Petelo nghutya, yo gwegwe wuli italawe, na mucanyha ye 'talawe lilino, nolizenga likanisa lyangu, hamba ne lifwa lyeneco du, si lyolisuma yaye.

Matayo 2:6

‘Nagwe go Betelehemu go yisi ya Yuda, agwe si wuli mudodo hali walongola wose wa Yuda, Hambi muli gwegwe, nha mokolawila u mulongola mono kowatonga iwanhu wangu waisilayeli.’ ”

Matayo 25:31

“Mu cipango cono kolokuziza u Mwana wo Munhu mu lukumyo lwakwe, yena hamonga ne wamalayika wakwe, baho ho yalekala mwi'goda lyakwe lye nhojo, lyo lukumyo.

Luka 1:32

Mwene kowa Muwaha, nayo kocemwa mwana wo Mulungu Mono Yalawiliciye, no Muwaha Mulungu, komupela ligoda lyo sogwe Dawudi;

Yohana 10:38

ninga hono niwe nghwituma na hono si munyihuwiye nene, ale mwali muyihuwile i milimo, ho mumanye no kwizuka vyono Baba yali muli nene, nane nili muli Baba.”

Yohana 20:17

Yesu yakamutya, “Wulece kung'ang'anila, hambi nha nghali nabita kucanyha kwa Baba. Langa wubite wukawalonjele wandugu zangu, vyono ane nghubita kuli Baba, mono nanye yo Sogo yenyu, na kuli Mulungu wangu, mono nanye yo Mulungu wenyu.”

Waefeso 1:3

Alenyi cimulumbe u Mulungu u Sogo yo Mutwa wetu Yesu Kilisito! Hambi mu wilunza na Kilisito, mumo mo yacimotezye ko kucipela ivipegwa vyose vye cimuhe kulawa ku wulanga.

1 Petelo 1:5

Zizo zolowa zenyu nyenye mono ko wihuwilo, mukudimwa viswanu telele, kwe vilungo vyo Mulungu, so mhonelo yono yikondizye kugubulwa ku ndumo ye vilo.

Yuda 1:1

Ane Yuda u mwitumami wa Yesu Kilisito, kanyhi mono nili muwahawe wa Yakobo, nghumwandicilenyi anye mono mwacemwa no Mulungu, mono muli mu wendo wo Mulungu Baba, na mu wukamiswe wa muli Yesu Kilisito.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”