Mika 5:3 - Luganuzi Luswanu Kuli Wanhu Wose 2002

³ Holeka Muwaha Mulungu, kowaleka wanhu wakwe kuli walugu wawo, sunga mu cipango cono mucekulu kolelela mwana we cilume. Ale baho i wanhu wono wowa wakali wasigaye ku wuhamywe, ho wolokwilunza kanyhi ne wanhu wawo weneco.

Mika 5:3 ပူးပေါင်းရင်းမြစ်များ

1 Watemi 14:16

Nayo Muwaha Mulungu kolowaleka Waisilayeli vyono Yelobowamu yetuma wubi no kuwanoza Waisilayeli wetume wubi nhavivyo.”

2 Zinghomo 30:7

Mulece kwiga mikalile ye walezi wenyu, hamba ye wandugu zenyu Waisilayeli, wono wali si wehuwilwa kuli Muwaha Mulungu u Mulungu wawo. Ninga nanye mukuwona nha vyono yawalipiciza ko wukali muno.

Zabuli 67:3

Wanhu wose wakulumbe, 'gwe go Mulungu, makungugo gose wakukumye.

Isaya 11:11

Na yolowa mwizuwa lilyo, U Muwaha Mulungu kolokwitumamila kanyhi vilungo vyakwe, yawagomole wanhu wakwe wono wowa wakali wasigaye ku Ashuli, na ku Misili, na ku Patilosi, na ku Kushi, na ku Elamu, na ku Sinali, na ku Hamati, ne zi'si zose za ku zimhwani.

Isaya 49:6

Muwaha Mulungu yakanonjela yakutya, “Nina mulimo muwaha wono nghuwiciye agwe go mwitumami wangu. Ninga si mulimo wo kuwagomola du mu lukumyo i wanhu wa Isilayeli, wono wasigaye, langa nokunoza kanyhi wuwe wuzelu kuli makungugo, i yinze yose ho yisume kuponywa.”

Yelemiya 23:5

Alu u Muwaha Mulungu yakutya nhavi, “I vilo vikuza, vyono nene no mweneco, nolokwihagulila u mutemi we ling'ani mu wulawa mu lulelo lwa Dawudi. No mutemi yuyo kolotema kwe mahala, kanyhi kolowa kwituma ze ling'ani na zo mugoloka mu yisi yose.

Yelemiya 31:1

U Muwaha Mulungu yakutya nhavi, “I vilo vyolokuza, vyono ane nolowa Mulungu we zimhuga zose za Isilayeli, nawo wolowa wanhu wangu.

Ezekiyeli 34:16

“Nolozilondola zono zajiliye, nizigomole, na zono ziyagaye caka, noloziwopa bandeji, zono zina nghomele, noloziponya na zono zitamigwe. Langa zingholo zono zijinile zina ne vilungo, azo zose nolozongomezeza lukulu. Hambi ane nha yo nene u mudimi mono ketumaga ze ling'ani.

Hoseya 11:8

“Nosuma nhawule kukuleka 'gwe Isilayeli? Nosuma wule kukutaga? Hamba si nosumila lukulu kukongomeza, nha vyono nayongomeza Adima. Hamba kukunozeza nha vyono nayinoza Zeboyimu? Nhumbula yangu siyonghombola ho nitume zizo! Hambi wendo wangu kuli'gwe, nha wuwaha muno.

Hoseya 2:14

Holeka nomugomola sunga ku nyika kanyhi, na ku wulawa kuko, nolomugomola mu nzila yo kulonga nayo nghani zo wendo.

Hoseya 2:9

Holeka ku soko ya zizo, mu cipango ce nhwanga, nolowusa vipegwa vyangu vyo wuhemba ne divayi. Na kanyhi, nolosola myenda yangu yono namupela ho yavwale.

Amosi 5:15

Musule zimbi, mwende ziswanu no kwituma ze ling'ani mu mahakama. Nha lunji Muwaha Mulungu we mihanga kowa no lusungu kuli wanhu we likungugo lili, wono wakali wasigaye womi.

Mika 4:4

No munhu wo wose kolokwikala yapolile, yena ne nyemo mu migunda yakwe ye mizabibu ne mikuyu, hasina munhu yunji mono kolomogofya. Muwaha Mulungu we Mihanga yo yehuwize zizi.

Mika 4:7

Wakawa wakusenzegula, kanyhi wali kutali no kwawo. Ninga hamba nhavivyo nowanozeza mwamulizo mupya wawo wono wasigala, nawo wowa likungugo yiwaha lye vilungo. Nane notema hali wene mwi'tunda lya Sayuni, ku wulawa mu vilo vivyo sunga cibitilila.”

Mika 5:7

Ne wanhu wa Isilayeli wono wasigaye, wolowa nhe buhe yono yikulawa kuli Muwaha Mulungu so makungugo menji, kotya mahalavu ga mvula, mu migunda ye vilimwa vyono vikuwiluka. No witumbilo wawo, wolowa kuli Mulungu hamba si kuli munhu yaye.

Mika 5:8

Nawo wo lulelo lwa Yakobo wono wolowa wakali wasigaye mumo mu makungugo, wolowa nha simba yono yili mu mbago mu wupelembi, hamba mu wudimilo, yikwagana zingholo no kuzizumhila no kuzihawanga, hawa hasina hamba no witumbilo wo kupona yaye,

Mika 6:14

Nanye molya, ninga simokwiguta yaye, langa mokwikala vyo mudabuce du. Na mu luhamo lwenyu, si mosuma kusola cinji citelevu, na cono mocisoleleza citelevu, ane nocihodanga mu wulugu.

Mika 7:13

Ninga yisi yolowa nyika, ku soko yo wubi we wanhu wono wekaye mumo.

Zakaliya 10:6

“Nowanoza wanhu wa Yuda wawe ne vilungo kanyhi nowaponya wanhu wa Isilayeli. Kanyhi nowawonela lusungu no kuwagomola wose kono kaya yawo. Wowa kotya nha wono si nawalema ha mwamulizo yaye. Ane yo nene Muwaha Mulungu, Mulungu wawo, nowapitula no wulombe wawo.

Matayo 1:21

Nayo kolela mwana we cilume, nagwe komucemela ilitagwa lya Yesu, hambi u mwene nha yo kolowaponya iwanhu wakwe mu wubi wawo.”

Matayo 12:50

Vyono u munhu wo wose mono yakwituma nha vyono yakuhila Baba mono yali ku wulanga, ale, yuyo yo muwaha wangu, yo lumbu lyangu, kanyhi yo nyina yangu.”

Matayo 25:40

Nayo u Mutemi kowapitula yawe kutya, ‘Mbeka nghumutyenyi, vyono co cose cono mwamutendela yumonga wa muli wawa i wandugu zangu wadodo, ale, mwanhendela nene.’

Walumi 8:29

Hambi wawo wono yawahagula ku wulawa mwamulizo, wawa kanyhi yawasiwanula, ho wehwane no Mwanagwe, u mwana nayo, ho yawe mulongozi muli wanduguze wenji.