Mika 5:2 - Luganuzi Luswanu Kuli Wanhu Wose 2002

² Muwaha Mulungu yakutya, “Agwe Betelehemu Efulata, agwe yo gwegwe wuli cikaya cidodo mu Yuda, ninga nomuhagula yunji ku wulawa muli'gwe mono kowa mutemi wa Isilayeli, mono wulawo wakwe wo we katali na katali.”

Mika 5:2 ပူးပေါင်းရင်းမြစ်များ

Mwamulizo 35:16

Nayo Yakobo hamonga ne mhuga yakwe yose, wakajendelela no muhinzo wawo ku wulawa ku Beteli, na lono wali wasigala cihinzo cidodo vivi du wafice ku Efulata, hodu Laheli yakawa kwibatwa no wusungu wuwaha muno muno wo kusawa.

Mwamulizo 35:19

Hodu Laheli hobaho yakawa kufwa, wakawa kumuzika ha mhelo ye nzila yono yibitile ku Efulata, wo wutya Betelehemu.

Mwamulizo 48:7

Nalamula kunoza zizi, ku soko yo nyina yako Laheli. Ku soko lono nawuyaga nghulawa ku Padani, mwene yakafwila mu yisi ya Kanani, lono cali ceza cili behi no kufika ku Efulata, yakandecela wusungu wuwaha muno muno. Hodu nane nghawa kumuzika baho du, ha mhelo ye nzila yono yibitile Efulata, nha cinji yo Betelehemu.”

Mwamulizo 49:10

Ne nghome ye citemi, si yowucila lukulu kuli'gwe Yuda. Ne zindelo zako zotema cibitilila, sunga kono kolokuziza mweneco. Yu yulya mono makungugo gose gomuhulika.

1 Zinghomo 2:54

Nayo Salema mono yalizenga likaya lya Betelehemu, yali yo sogwe we wanhu wono wekalaga ku Netofati, na ku Atiloti-beti-yowabu, na wono wekalaga ku Zoli, wono wali wo wayagwe ne zimhuga zinyejete za ku Manahati.

1 Zinghomo 4:4

Na yuyu Penuweli, yo yalizenga likaya lya Gedoli. Nayo Ezeli, yakayizenga Husha.

1 Zinghomo 5:2

(Ninga hamba nhavivyo, mumo mu mulango wa Yuda mo mwalawa mutemi).

Zabuli 132:6

Nase cazihulika kuko ku Efulata, ze Lisanduku lye Cilagane, cikalyagana mu mawimbi ga ku Yeyalimu.

Zabuli 90:2

Agwe yo gwegwe go Mulungu, we cibitilila ne cibitilila, mono wali wuli baho du, sunga na lono matunda gali gakali si nawa, hamba yinze kuwumbwa.

Wutuluce 18:21

Ninga hamonga na zizo, ko muno, wuhagule wanhu wono wakwilaniciye mu Waisilayeli, wanhu wono wali cogopo hali Mulungu, kanyhi wehuwilwa, wono si wendezwaga ne mafupo. Nagwe wuwapele wawo wulajilize, wawe wawaha mu wanhu, wawaha we maelufu, na we magana, na we makumi mahano, na we wanhu yikumi yikumi.

Wutuluce 18:25

Yakawa kuwahagula wanhu we vilungo mu Waisilayeli, yakawanoza wawe watonji mu zimhuga ze wanhu, mu maelufu, mu magana, mu makumi mahano na we wanhu yikumi yikumi.

Isaya 11:1

U wityatye we ndelo ye citemi mu mhuga ya Dawudi, wihwanile no mubici wono wadumulwa, ninga lisina lyayo, likutula kanyhi manhambi ganji. Holeka mutemi mupya kololelwa muli wawo i wana wa Dawudi.

Isaya 53:2

Hambi nha wali wo wuhile wo Muwaha Mulungu, u mwitumami wakwe yawiluce nhe cilimwa cono cihimbize milela mu yisi nghavu. Yasina futa hamba wuswanu ho cimulanje, hakawa hasina cinji ciswanu muli mwene, hamba cono cocikwega nase ho cimulanje.

Isaya 55:4

Hambi nha namunoza Dawudi yawe mutemi, no mulongola kuli makungugo gose. Kanyhi muli mwene, mo nghalajilila vilungo vyangu kuli makungugo.

Isaya 7:14

Ale, du, ninga Muwaha Mulungu mweneco komupelenyi citanjilo. U muhinza kodinghula 'nda, nayo kolela mwana wa cilume, ne litagwa lyakwe kocemwa ‘Imanuweli.’ ”

Yelemiya 30:21

No mutemi wawo, kololawilila mumo du mu nghungugo yawo. Na mono kolowatema, kolowa wa mu mhuga yawo weneco. Nane kolo nghumucema, nayo kolonyiziza. Hambi nha sikolokwijelela nyanyizize, lono nene nghali sinamucema yaye.

Hoseya 6:3

Alenyi cimumanye Muwaha Mulungu. Mwene kokuza kuli'se lono wela hakali mitondo muno, nayo kokuza kuli'se kotya mvula ye mhinga yono yidedewazaga yisi.”

Amosi 9:11

Muwaha Mulungu yakutya, “Lizuwa likuza lyono ane nolowusimya wutemi wa Dawudi, wono winha kaya yono yigwiye so wongomezwe. Nolonozeleza majinji gose gono gamwaguka, no kugasimya kanyhi. Noloyizenga no kuyinoza yiwe nha vyono yali katali.

Mika 4:10

Muwone wusungu mwinyongole anye wanhu wa Yelusalemi, nho mucekulu mono yali mu lusawo, hambi aluno nha mowuka mwi'kaya, mubite mukekale mwi'hala. Kanyhi mowa munojeye mubite ku Babiloni, ninga kuko ko Muwaha Mulungu kolomuponyezyenyi ku wulawa kuli walugu wenyu.

Zakaliya 13:7

U Muwaha Mulungu we mihanga yakutya, “Winuce 'gwe go mumaje, wumuhungucile mudimi wangu, mono yakunyitumamila. Wumuwulagaje, ne zingholo zokwiyagala, Nane nowatowanga wanhu wangu.

Zakaliya 9:9

Musecelele, musecelele nye nyo wanhu wa ku Sayuni! Muzoze muno muno so nyemo, anye nyo wanhu a Yelusalemi! Mulanje ta! Mutemi wenyu yakumuzizenyi 'nye! Yakuza yena nyemo mbaha ne mhonelo, kanyhi mupolo, yakuza yali mucanyha ye ndogowe, nyana ye ndogowe.

Matayo 2:1

Yesu yalelelwa mwi'kaya lya Betelehemu ya ku Yudiya, mu vilo vya Helode, lono yali yakali yatemile. Na lono Yesu yali yakondya kulelwa, we mahala go wizuce we zinyelezi, wakaza ku Yelusalemi lwa kamonga, wakulawa kucilima,

Matayo 2:6

‘Nagwe go Betelehemu go yisi ya Yuda, agwe si wuli mudodo hali walongola wose wa Yuda, Hambi muli gwegwe, nha mokolawila u mulongola mono kowatonga iwanhu wangu waisilayeli.’ ”

Matayo 28:18

Nayo Yesu yakaza sunga behi nawo, yakawatya, “Ane mhegwa u wulajilize wose, wa ku wulanga, sunga na wa kono'nze.

Luka 23:2

Wakanza kumusonjeza, wakutya, “Cimuwona yuyu yakuwafunda vibi i wanhu wetu, yakulemeza walece kulipa kodi kwa Kayisali, yakwiyitya ati mwene yo Kilisito Mutemi.”

Luka 23:38

Hacanyha yakwe wakawika Mandiko gono gakutya “Ayu yo Mutemi we Wayahudi.”

Yohana 7:42

I Mandiko Gono Gelile gakutya wule? Gakutya, “Kilisito kolawa mu lulelo lwa Dawudi, na kolelelwa ku Betelehemu, mu kaya ya Dawudi.”

Wukumbucize wo Wulajilize 1:15

Holeka nane nghasola i wanhu we mahala, kanyhi wono wena wuzowele wo kulongoza wanhu, nanye nyo weneco, yo nyenye mono mwawahagula mu wulawa mu milango yenyu. Nane nghawa kuwawika wawe walanjilizi wenyu. Wanji wakawa walanjilizi we wanhu elufu monga monga, na wanji wakawa we ligana limonga limonga, na wanji wakawa we makumi mahano mahano, na wanji wakawa we wanhu yikumi yikumi. Hamba nhavivyo, kanyhi nghawawika ne walongola wanji wa mu wulawa mu milango yenyu yose.

Wakolosayi 1:17

Kilisito yali yali baho na lono viwumbwa vyose vikali si nawa, na vyose vikamisizwe muli mwene, navyo vyose vikalaga nha vyono vyawikwa.

Wahebelaniya 13:8

Yesu Kilisito yo yuyo du igolo ne zuwali, na ku cibitilila.

Wahebelaniya 7:14

Langa yimanyice calinze vyono u mwene yalelelwa mu mulango wa Yuda yono Musa si yawutambula lono yalongaga muli ze wakohani.

1 Yohana 1:1

Cikukwandicila zizi so i nghani yo wumi yono yali yili baho ku wulawa mwamulizo. Ase cayihulika no kuyiwona ne meso getu sese co weneco, cayiwona no kuyibata kwe miwoko yetu sese co weneco.

Wugubule 19:16

Na mu vivwalo vyakwe hamonga na mu mugulu wakwe, yali mwandikwe litagwa lya, “U Mutemi we watemi, no Muwaha we wawaha.”

Wugubule 2:8

“Kuli malayika we likanisa lya Simulina, wandice nhavi, ‘Ayi yo nghani yono yikulawa kuli mwene mono wo Mwamulizo na wo Mudumo, mono yafwa no kuwumipa kanyhi.

Wugubule 21:6

Hanyuma yakawa kunonjela yakutya, “Zose 'lu, zakondya! Ane yo nene wo Mwamulizo na wo Mudumo. Nayo mono yakaluce, ane nomupela co kung'wa bwete, ku wulawa mu mivwilo ye malenga go wumi.

Walamuzi 17:7

Na mu vilo vivyo kwali na muzelelo yunji Mulawi mono yekalaga ha Betelehemu ya Yuda.

Lutu 1:1

Baho katali, mu vilo vyono Waisilayeli wali wakali siwanawa na mutemi, kwali koyili nzala mu'si. No munhu mono yacemagwa Elimeleki, mono yali we mhuga ya Efulata, mono yekalaga Betelehemu mu Yuda,

Lutu 4:11

Nawo wawaha, hamonga ne wanhu wose wakatya, “Heya, ase cili wahomelezi. Nayo Muwaha Mulungu yamunoze mucekulu wako yawe nha Laheli na Leya, wono walela wana wenji kuli Yakobo, nagwe wuwe mugoli mu lulelo lwa Efulata, no kuwa munhu muwaha mu Betelehemu.

1 Samwili 10:19

Ane yo nene Mulungu wenyu, mono namuponyenyi mu wulawa mu magayo, hamonga no wugazwe wenyu wose. Ninga zuwali, anye mweza kunema 'ne. Sunga nalu, mukolomba nimupelenyi mutemi. Ale du viswanu. Ninga luno, mwikongholelaje wose hali Muwaha Mulungu mwime wanhu na mulango wawo na mu zimhuga zawo.’ ”

1 Samwili 17:12

Ale, Dawudi yali mwana wo munhu mono yali wo mulango wa Efulayimu, mono yacemwaga litagwa lyakwe Yese, munya Betelehemu, mu yisi ya Yuda. Nayo yuyu Yese, yali yena wana munana we cilume. Na mwi'pango lyono, Sawuli yali yo yatemile, mwene Yese yali yawa mukombi muno.

1 Samwili 17:18

Kanyhi wusole hamonga na aga mabumundwa yikumi ga tilazi, nago wumutegulile muwaha wawo, u mulongola we wasilikale elufu monga. Wubite wukawawone wawahazo, wukamanye vyono wakujendelela. Na lono weza kuwuya kono kaya, wuleteleze ne cinhu cinji cono colajila vyono mbeka kuwawona, na vyono kuwagana waswanu du.

1 Samwili 23:23

Musunjilile sunga muwuwone wihuwindiko wakwe wose mono kehundikaga, hanyuma ho muze kanyhi munonjele lwa kamonga. Nane ho nobitana hamonga nanye. Na hono yawe yakali yali mumo mu yisi yenyu, ale, nomusepasepa sunga nimwibate, hamba yiwe yinojeye nimulondole mu yisi yose ya Yuda.”

1 Samwili 8:12

Na wanji kowawika wawe walongola, walanjilizi wa wasilikale elufu, monga monga, na wanji wawe walanjilizi wa wasilikale makumi mahano mahano. Kanyhi wanago we cilume wokwitumywa milimo yo kulima migunda yo mutemi, no kududula, hamonga no kunozeleza vitwalo vyakwe, hamonga ne vitumamilwa vye matuka gakwe go wulugu.