Mika 5:14 - Luganuzi Luswanu Kuli Wanhu Wose 2002

¹⁴ Nolovigwisa hasi vihwani vyo mulungu we cicekulu Ashela mu'si yenyu, no kugahodanga makaya genyu.

Mika 5:14 ပူးပေါင်းရင်းမြစ်များ

2 Watemi 17:10

Wakazenga masumbili ge mabwe, hamonga ne vihwani vyo mulungu we cicekulu Ashela mu matunda gose, sunga na hasi ye mibeho ye mibici miwaha.

Zabuli 149:7

ho wasume kuwalipiciza we makungugo, no wulipicizwe we wanhu,

Zabuli 149:9

wawalipicize we makungugo, nha vyono Mulungu yalajiliza. Na wuwo wo wusume we wanhu wo Mulungu. Mumulumbe Muwaha Mulungu!

Wutuluce 34:13

Langa kolo mwafika kuko, muvimwagulaje vikumbicilo vyawo, hamonga ne masumbili gawo, ne vihwani vyawo vyo mulungu we cicekulu Ashela.

Isaya 17:8

Hamba si wolowika kanyhi witumbilo wawo mu vikumbicilo vyono wavizenga weneco ne miwoko yawo, hamba kwitumbila mu vihwani vyawo vyono wavisesa weneco, nha cinji vihwani vyo mulungu we cicekulu Ashela, hamonga ne vikumbicilo vyawo vyo kufusiza wuvumba.

Isaya 27:9

Ninga wubi we Waisilayeli, wolonenelwa du, kolo wene wakondya kugatulanjiziza lukulu i mabwe ge vikumbicilo vye wanhu wono si wamumanyile Muwaha Mulungu, hawe hasina kanyhi vikumbicilo vyo kufusiza wuvumba, hamba vihwani vyo mulungu we cicekulu Ashela, vyono vikali visigaliye.

Yelemiya 12:17

Ninga likungugo lyo lyose lyono lyowa lisina cihuliko, nane noliwusiza lukulu likungugo lilyo, nilyongomeze. Vyo nghutya ane no Muwaha Mulungu.”

I Cililo 2:2

Muwaha Mulungu yavyongomeza vitumbi vyose vya Yuda, hamba kuviwonela lusungu yaye. Yakumulanga ne magomawakali gose gono gayicitilaga yisi. Yawaletela cevu ciwaha i watemi, hamonga no wutemi wawo.

Nahumu 1:14

Azi zo Muwaha Mulungu yalamuye kuli Waashuli, “Si wolowa na lulelo kanyhi lono lolocemwa mwi'tagwa lyawo. Novihodanga vihwani vyono vili mu wuhembelo we milungu yawo. Kanyhi nghuwikaniza citenjelo ku soko ye Waashuli, hambi nha si yiwanojeye wekale womi.”