Mika 5:13 - Luganuzi Luswanu Kuli Wanhu Wose 2002

¹³ Nolovihodanga ne vihwani vyenyu, hamonga ne masumbili genyu ge mabwe gono mugasiwanuye, nanye si molovihembela lukulu kanyhi, i vinhu vyono mwinozeze nyenye nyo mweneco.

Mika 5:13 ပူးပေါင်းရင်းမြစ်များ

Isaya 2:18

Avi navyo i vihwani, nhondo ho vyolokwajililila lukulu. No Muwaha Mulungu du, u Mudaha vyose, yo kolopegwa lukumyo yali wene.

Isaya 2:8

Ninga kanyhi yisi yawo yimemile vihwani vye milungu, nawo wakuvihemba vinhu vyono wenozeza weneco kwe miwoko yawo.

Isaya 27:9

Ninga wubi we Waisilayeli, wolonenelwa du, kolo wene wakondya kugatulanjiziza lukulu i mabwe ge vikumbicilo vye wanhu wono si wamumanyile Muwaha Mulungu, hawe hasina kanyhi vikumbicilo vyo kufusiza wuvumba, hamba vihwani vyo mulungu we cicekulu Ashela, vyono vikali visigaliye.

Ezekiyeli 16:41

Wolozipembela zikaya zako, no kugaleka mapuga ge wacekulu, wawuwone wulipicizwe wako. Nane nolokupeza no wusenyha wako, hamonga no wuhonga i walume i wendece wako.

Ezekiyeli 36:25

Nomumizizenyi malenga maswanu, nimwezenyi mu wavufywe wenyu, ku soko yo wuhemba vihwani wenyu, hamonga ne makani menji du mabi gono gamwavufyajenyi.

Ezekiyeli 37:23

Hamba si wolokwiyavufya weneco so wuhemba vihwani vye cevu, hamba kwiyinjiza mu wituma wubi yaye. Nane nolowawusiza lukulu mu zinzila zo wubi, na mu zinzila zono zosuma kuwambuza wangaluce'ne. Noloweza, nawo wolowa wanhu wangu, nane nolowa Mulungu wawo.

Ezekiyeli 6:9

wolokwiyagalila mu zinghungugo zinji, wakekale kuko nha wafungwa. Nawo lono wowa wali kuko, wolonghumbucila lono wali mugati ye makungugo, no kumanya nha vyono yo nene mono niwalipicize no kuwakoza cevu, ku soko yo wuwula wihuwilwa wawo. Hambi nha wakondya kundeka 'ne, no kwenda vihwani si nha nene. Holeka ku soko yiyo, wolowa wakondya kwiyavufya weneco ku soko yo wubi, hamonga ne makani ge cevu gono wetumaga.

Hoseya 10:2

Ne wanhu wono nhumbula zawo nghoci, alu wogaya so wubi wawo. Mulungu kovibenanga vikumbicilo vyawo, no kugahodanga ne masumbili gawo.

Hoseya 14:3

Hambi Ashuli nha sikociponya yaye, hamba fwalasi zo wulugu sizosuma kucitaza. Hamba sicolotya kanyhi kuli vihwani vyetu vye milungu, vyono vyene yo Mulungu wetu. Gwe Muwaha Mulungu, wulajile lusungu kuli wawo wono wasina ku wubito.”

Hoseya 14:8

Waisilayeli, wowa wasina kanyhi cinji co kwituma kuli vihwani, nolowupitula no wulombe wawo no kuwadima nolowacitiza no mubeho kotya mubici wono wudedewaye. Hambi nha yo nene mono nili mwamulizo wo wulugutwe wawo wose.”

Nahumu 1:14

Azi zo Muwaha Mulungu yalamuye kuli Waashuli, “Si wolowa na lulelo kanyhi lono lolocemwa mwi'tagwa lyawo. Novihodanga vihwani vyono vili mu wuhembelo we milungu yawo. Kanyhi nghuwikaniza citenjelo ku soko ye Waashuli, hambi nha si yiwanojeye wekale womi.”

Zefaniya 1:4

Nowalipiciza wanhu wa Yelusalemi, sunga na wose wono wali mu yisi ya Yuda. Nowuhodanga wityatye wono wupulute wo kuhemba Baali, hamba hasina yunji kanyhi, mono kolowakumbucila wakohani wa Baali wono wamwitumamilaga.

Zakaliya 13:2

Kanyhi mu vilo vivyo, nolowusa ne matagwa ge milungu ye vihwani yono yili mu yisi, na holowa hasina yunji wo wose mono kolosuma kujikumbucila kanyhi. Nolowawinga wose wono wakwinoza wawizi wo wulambi, no kuwawusiza wuhile wuwo i wahemba vihwani.

Wugubule 9:20

I wanhu wanji wono wasigala, wono si wawulagwa no wongomezwe wuwo, nawo hamba si wanena, no kuvileka vinhu vyono wali wavinozize kwe miwoko yawo weneco, langa wakajendelela du kuhemba masetani, ne vihwani vye zahabu, na vye fweza, na vye shaba, na vye mabwe, na vye mabici, vinhu vyono sivikusuma hamba kuwona yaye, hamba kuhulika, hamba kujenda.

Walamuzi 18:17

watandizi wahano wakenjila mu nyumba lwa kamonga, wakasola cihwani cicilya ce libici, cono cali cihiliwe fweza, hamonga ne vihwani viyagwe, hamonga ne Efodi. Lulo mukohani yali yemile he 'lango yali hamonga ne wasilikale magana mutandatu, wono wali wewikanize ne vitwalo vye milewo. Milewo.