Mika 5:12 - Luganuzi Luswanu Kuli Wanhu Wose 2002

¹² Noloziwusiza lukulu zimhiji zono muzitumbiye, nimulecenyi musina kanyhi no mutowa cisangu.

Mika 5:12 ပူးပေါင်းရင်းမြစ်များ

Isaya 2:18

Avi navyo i vihwani, nhondo ho vyolokwajililila lukulu. No Muwaha Mulungu du, u Mudaha vyose, yo kolopegwa lukumyo yali wene.

Isaya 2:20

Ne lizuwa lilyo lilawa kuza, i wanhu wologagumilila mafuto ne mabudibudi, vihwani vyawo vye zahabu na vye zifweza, vyono wali wenozeze, ho wavihembe.

Isaya 27:9

Ninga wubi we Waisilayeli, wolonenelwa du, kolo wene wakondya kugatulanjiziza lukulu i mabwe ge vikumbicilo vye wanhu wono si wamumanyile Muwaha Mulungu, hawe hasina kanyhi vikumbicilo vyo kufusiza wuvumba, hamba vihwani vyo mulungu we cicekulu Ashela, vyono vikali visigaliye.

Isaya 44:17

Ne mabici ganji gono gasigaye go mubici wuwo du, kawa kusesa cihwani, na hanyuma yayo ati, kawa kucinamila no kucihemba. Kawa kucilomba yakutya, “Agwe yo gwegwe mulungu wangu, nghukulomba wumhonye!”

Ezekiyeli 16:41

Wolozipembela zikaya zako, no kugaleka mapuga ge wacekulu, wawuwone wulipicizwe wako. Nane nolokupeza no wusenyha wako, hamonga no wuhonga i walume i wendece wako.

Ezekiyeli 36:25

Nomumizizenyi malenga maswanu, nimwezenyi mu wavufywe wenyu, ku soko yo wuhemba vihwani wenyu, hamonga ne makani menji du mabi gono gamwavufyajenyi.

Zakaliya 13:1

“Muwaha Mulungu we Mihanga yakutya, vilo vivyo kolo vyafika, mumvilo wolodigulwa, wuweze wanhu we ndelo ya Dawudi, ne wanhu wa ha Yelusalemi, u wubi wawo hamonga no wuhemba milungu yinji.

Wukumbucize wo Wulajilize 18:14

Hanyuma Musa yakawalonjela yakatya, “Mu yisi yono mweza kubita kwinjila no kuyisola, i wanyawusi wa mumo, wendile kuwahulika wono wakutowa mawizi, na wono wakutowa cisangu. Ninga anye mwilanjilile, hambi Muwaha Mulungu, u Mulungu wenyu, nha si yakumukombolenyi nanye mwitume zono zinha zizo.

Wugubule 19:20

Ninga lilimu lilyo likasolwa mateka, hamonga no muwizi wo wulambi, mono yanozaga mapoto ha mwande yalyo. (Na ku so mapoto gago, yasuma kuwajiliza wenji wono wali wena i citanjilo ce lilimu lilyo, kanyhi na wono wacihemba ne cihwani calyo.) Ne lilimu lilyo hamonga no muwizi yuyo, wose vyono wejete, wakagumilwa vyo womi du, mwilamba lyono lyakaga moto we cibiliti.

Wugubule 22:15

Ninga mabwa, ne wahawi, ne wasenyha, ne wawulaji, ne wahemba vihwani, sunga na wose wono wendile kulonga zo wulambi, wawo wose, si wokwinjilila lukulu mwi'kaya lilyo, langa wokwikala kunze du.