Mika 5:10 - Luganuzi Luswanu Kuli Wanhu Wose 2002

¹⁰ Muwaha Mulungu yakutya, “Mu vilo vivyo, noloziwusiza lukulu zifwalasi zenyu, no kuyihodanga mituka yenyu yo wulugu.”

Mika 5:10 ပူးပေါင်းရင်းမြစ်များ

Isaya 2:7

Ne yisi yawo kumbe ho yimemile fweza na zahabu, ne viwutwa vyawo si vimalikaga yaye. Ne yisi yawo yimemile fwalasi, ne matuka gawo go wulugu menji muno hamba si gakuwala yaye.

Yelemiya 3:23

Hambi nha si casuma kutuga wutazi wo wose kuli wuhembi we wanhu wono si wamumanyile Mulungu wono cahembaga mucanyha ye vizuli vye matunda. Hambi u wutazi kuli Isilayeli, nha wulawaga kuli Muwaha Mulungu, u Mulungu wetu du.

Hoseya 1:7

Langa kuli wanhu wa Yuda, nolajila wendo. Ane no Muwaha Mulungu wawo, nowaponya wene, ninga sinozinoza zizo mu nzila yo wulugu wo mumaje, hamba wo wupinde ne zisonga, hamba we zifwalasi ne wapanda fwalasi.”

Hoseya 14:3

Hambi Ashuli nha sikociponya yaye, hamba fwalasi zo wulugu sizosuma kucitaza. Hamba sicolotya kanyhi kuli vihwani vyetu vye milungu, vyono vyene yo Mulungu wetu. Gwe Muwaha Mulungu, wulajile lusungu kuli wawo wono wasina ku wubito.”

Hagayi 2:22

kanyhi nowuwusa no wutemi wose, no kuvidumya vilungo vyayo. Noyibidusa mituka yawo yo wulugu, hamonga na wono wakuyijendya. Zifwalasi nazo zofwa, hamonga na wono wakuzijendela, wokwiwulaga weneco wose.

Zakaliya 9:10

Muwaha Mulungu yakutya, “Nogawusa ne matuka go wulugu, gono gakulawa ku Isilayeli, niziwuse ne zifwalasi zono zolawa ku Yelusalemi, hamonga no wupinde wono wukwitumamilwa mu wulugu, vyose vyokongomezwa. No mutemi wenyu, koleta mulamu kuli zinghungugo zose. Kanyhi kotema ku wulawilila kwi'lenga sunga ko kwi'lenga na ku wulawilila kwi 'kolongo lya Efulata, sunga ko kundumo ye yisi.”

Wukumbucize wo Wulajilize 17:16

Kanyhi mumanye vyono, munhu kuwa mutemi, si vyono ho yawe na fwalasi nyinji so wasilikale wakwe wo wulugu, hamba si vyono ho yawategule wanhu ku Misili wakagule zifwalasi. Hambi Muwaha Mulungu nha yalonga vyono, i wanhu wakwe si wolowuyila lukulu kanyhi ku Misili.