Mika 5:1 - Luganuzi Luswanu Kuli Wanhu Wose 2002

¹ Anye nyo wanhu wa Yelusalemi, mwikongholaje so wihomi! Hambi nha cakondya kupilimwa! Nawo wamuhoma u mulongola wa Isilayeli!

Mika 5:1 ပူးပေါင်းရင်းမြစ်များ

Mwamulizo 35:19

Hodu Laheli hobaho yakawa kufwa, wakawa kumuzika ha mhelo ye nzila yono yibitile ku Efulata, wo wutya Betelehemu.

Mwamulizo 49:10

Ne nghome ye citemi, si yowucila lukulu kuli'gwe Yuda. Ne zindelo zako zotema cibitilila, sunga kono kolokuziza mweneco. Yu yulya mono makungugo gose gomuhulika.

1 Watemi 22:24

Hobaho muwizi Zedekiya yakamuzumhila Mikaya yakamutowa kofi mu wusu wakwe, akuno yakumutya, “Alu, 'gwe Mikaya, ku wulawa na nili muhe wo Muwaha Mulungu lono wukandeka, ho wulongane nagwe?”

2 Watemi 24:2

Muwaha Mulungu yakatuma cipuga ce Wababiloni ne Wasiliya, ne Wamowabi, hamonga ne Waamoni, wayongomeze yisi ya Yuda, nha vyono Muwaha Mulungu yalonjela muli wetumami wakwe wawizi, nha vyono kozinoza zizo.

Jobu 16:10

Ne wanhu wakusekanga, wehangulize hamonga, wakunhowa makofi mu wusu wangu.

Zimbazi 8:23

Ane nha nasimywa ku wulawa katali na katali ha mwamulizo, na lono yinze yali yikali si yinawa.

Isaya 10:6

Nowategula Waashuli wakalihome likungugo lyono lisina cihuliko, wono wanghoza likuwo. Nowategula wakasole vinhu mateka, kanyhi wakahize no kuwakanyanjiza wanhu kotya nhope mu zinzila.”

Isaya 33:22

Ne milejehe yose ya mu zingalawa zizo, yitimbile du, ne matote gayo hamba si gakugoloka yaye!

Isaya 8:9

Holeka mwikongholelaje hanhu hamonga ko woga, anye nyo makungugo! Anye nanye mono muli kutali ku zimhelo ze yinze, muhulicize. Alu, mwiwikanizaje so wihomi, ninga mweze no woga! Heya mwiwikanizaje, ninga mweze no woga!

Isaya 9:5

Hambi i malatu ge wasilikale vitung'ati mu milewo hamonga ne myenda yawo yono milowece mu sakami, nha yotakamizwa yose mu moto.

Yelemiya 25:9

‘Mulanje, ta! Nane nowatuma i wanhu wo lubavu lwa kusumuka, hamonga no mwitumami wangu Nebukadineza, u mutemi wa Babiloni. Waze wayihome yisi ya Yuda, ne wekazi wayo wose, hamonga ne makungugo gose gono gayipilime. Nane nolyongomezeza lukulu likungugo lili, hamonga ne wekalani wayawo wose, niwalece mu wongomele we cibitilila, wawe cinhu co kogofya no kuhowelezwa, hamonga no wucelewazwe wuwaha. Vyo nghutya ane no Muwaha Mulungu.

Yelemiya 4:7

Hambi mono yapejigwe u mulimo wuwo wo kongomeza, nha yakondya kuwikanizwa, nayo yehwanile simba yono yikuza yikulawilila ha wihundiko wayo. Yakuza yayongomeze Yuda. Ne makaya gose ga Yuda gololekwa matongo, hasina hamba munhu monga mono kolokwikala mumo.

I Cililo 3:30

Hamba hono citowe, hamba kutovulwa, yicinojeye ciwe kuzibocela zose du.

Ezekiyeli 21:32

Nagwe kokongomezezwa mu moto. Ne sakami yako, yomwajicila mu yisi yako. Na ku wulawa lulo, howa hasina kanyhi mono kolokukumbucilila lukulu.” Vyo yakutya u Muwaha Mulungu.

Ezekiyeli 24:2

“Gwe go munhu, alu wulyandikaje lizuwa lili, hambi lizuwa lili, nha lye 'zuwa lyono umutemi wa Babiloni, kolokuziza yayipilime Yelusalemi.

Danyeli 9:25

Holeka wuzimanyaje zizi, kanyhi wuzizuce, vyono ku wulawilila mu madaha lono u wulajilize wulalajilizwa, nha vyono Yelusalemi yizengwe kanyhi, sunga mu mapango gono kolokuziza u mulongola muwaha u muhagulwa wo Mulungu, yolowa yakondya kupuluta majuma mupunghati. Na Yelusalemi mu madaha gago, yolowa yakondya kuzengwa wupya, hamonga ne mabalabala gayo, yolowa yakondya kuzenjelwa sunga ne magomawakali gono gali vilungo. Nayo yolokondya kuzengwa mu majuma makumi mutandatu na nyejete. Ninga i vilo vivyo, vyolowa vilo vyo wugaye.

Yoweli 3:9

“Muwalonjelaje makungugo gose mutye, ‘Mwiwikanizaje so wulugu, muwacemaje we citung'ati wenyu, mukonghole wasilikale wose wabite ku wulugu!

Amosi 2:3

Nane nolomuwulaga mutemi wa Mowabu, hamonga ne walongola wose we yisi.”

Habakuki 1:6

Nane nghuwanoza Wababiloni wawe ne vilungo kanyhi wakali, kanyhi wali nghakamo. Nawo wokola haciligati ye yinze, no kutema zi'si zi'si.

Habakuki 3:16

Nane nghuzihulika zizi zose, kuno nghucicima, no mulomo wangu wuleceye wukucicima so woga. No muwili wangu wose wanyong'onyela, sunga ne magulu gangu nhondo, gakucicima lono nimile. Ninga ne, nolindila du nhulile, sunga lizuwa lize lyono Mulungu kolowalipiciza wose wono wakuwa kucihoma.

Matayo 26:67

Iwene wakapitula wakatya, “Yimunojeye yafwe!”

Matayo 27:30

Wakamufunyila mate, wakalisola lidete lililya, wakamutowela mu mutwe wakwe.

Matayo 5:39

Ninga ane nghumutyenyi, wulece kumulipiciza u munhu mubi. U munhu hono yakutowe kofi mu luzagasa lo kulume, ale wumupitusizaje no luzagasa luyagwe.

Yohana 18:22

Nayo yaza kukondya kulonga zizi, hobaho umwitumami yunji mono yali yemile baho, yakamutowa Yesu na kofi, akuno yakutya, “Alu nhavivi vyo wukumupitula u Mukohani muwaha hongo?”

Yohana 19:3

Wakawa kumuziza hamwande yakwe, wakutya, “Lamucenyi, Mutemi we Wayahudi! Wakamutowa makofi.”

Metumo ge Watumwa 23:2

U mukohani muwaha Ananiya, yakawalajiliza wono wali wemile behi, wamutowe kofi Pawulo mu mulomo.

2 Wakolinto 11:20

Mukusuma kumukangalilila sunga no munhu mono yakumunozenyi muwe wawanda, u munhu mono kumusolelenyi vinhu vyenyu, mono yakumwiwonelenyi, mono yakumubedegalenyi no kumutowenyi ku wusu!

Wukumbucize wo Wulajilize 28:49

Nayo Muwaha Mulungu, komuletelenyi likungugo ku wulawilila ku mhelo ye yinze, likungugo lyono hamba ne nonga yawo, anye si muyimanyile yaye. Ne wanhu wawo womuzizenyi nha numba.

Wukumbucize wo Wulajilize 33:27

Muwaha Mulungu yo mudimi wenyu nhondo zose. Ne miwoko yakwe ye cibitilila, wo wutazi wenyu. Kawawinjilaga kutali i walugu wenyu so cambuzi cenyu. Kanyhi yakumulonjelenyi muwongomeze wose.

Walamuzi 17:7

Na mu vilo vivyo kwali na muzelelo yunji Mulawi mono yekalaga ha Betelehemu ya Yuda.