Mika 4:8 - Luganuzi Luswanu Kuli Wanhu Wose 2002

⁸ Nagwe go Yelusalemi, i hanhu hono Mulungu yo mudimi, mono kawalanjililaga wanhu wakwe, kolowa kanyhi likaya yiwaha lyo wutemi wono wali wako.

Mika 4:8 ပူးပေါင်းရင်းမြစ်များ

Mwamulizo 35:21

Nayo Isilayeli yakajendelela no muhinzo wakwe, yakasimya nghambi yakwe lono yali yakondya kuwupuluta munala wa Edeli.

2 Samwili 5:7

(Ninga Dawudi yakasola ligomawakali lyawo lya Sayuni, sunga likamanyika vyono lyo “Likaya lya Dawudi.”)

Nehemiya 3:25

Nayo Palali, u mwana wa Uzayi, yakanozeleza lubavu lunji, lono lwali lwanzize ha cipeto ce lijinji sunga ko ku munala wa ha kacanyha, behi na ha wikalo wo mulindilizi.

Zabuli 24:7

Ale, Nyo milango digucenyi, digucenyi 'nye nyo milango ye katali, u Mutemi we nhojo ho yenjile.

Zabuli 48:3

Na mu zikaya ze likaya lilyo lya Sayuni, mumo mo Mulungu, yakwilajila, vyono mwene wo wihundiko wono wukamile.

Zabuli 61:3

Hambi agwe, nha yo gwegwe go wutizizo wangu, kanyhi yo gwegwe go ligomawakali lyangu, kuli walugu wangu.

Lwimbo Luswanu muno 4:4

Nayo singo yako, yihwanile nho munala wa Dawudi yinyolocile kanyhi yiteleye, yina no mukufu, wono wehwana nha ngula elufu monga, nhumbice ziyipilime.

Isaya 1:26

Nane no mupelenyi walongola, hamonga ne wanyamhala wenyu, nha vyono mwali mwina nawo baho ha mwamulizo. Na hanyuma nhondo, Yelusalemi ho yocemwa, likaya lyo wiling'ano, likaya lihuwilwa.”

Isaya 10:32

Ne zuwali, walugu wakondya kwinjila mu cikaya ca Nobu, na kuko wakwikamanga zingumi zawo mwi'tunda lya Sayuni, mwi'kaya lya Yelusalemi.

Isaya 5:2

Yawutipanga muhangha, yakawusa mabwe gose, yakahadika mizabibu miswanu muno. Yakazenga ne cilingo co kwamilila, yakahimba ne likombo lyo kukobonjela zi zabibu. Yakalindila sunga mu wupilo we zi zabibu. Ninga zabibu zose zikawa nghali.

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Danyeli 7:18

Nawo i wanhu wo Mulungu Mono Yalawiliciye, wolowubocela wutemi, no kutema cibitilila.”

Obadiya 1:21

Wanhu wo wusume wa Yelusalemi, woloyihoma Edomu no kuyitema. No Muwaha Mulungu mweneco, kolowa yo mutemi.”

Mika 2:12

“Ninga ane nomukongholenyi kanyhi hamonga, anye nyo wanhu wa Isilayeli, mono musigaye. Nomukongholelenyi hamonga, kotya ngholo zono zikuwuya kwi'bululu. Kotya wudimo wono wumemile ngholo, ne yisi yenyu vyo yowa yimemile wanhu wenji muno.”

Zakaliya 9:10

Muwaha Mulungu yakutya, “Nogawusa ne matuka go wulugu, gono gakulawa ku Isilayeli, niziwuse ne zifwalasi zono zolawa ku Yelusalemi, hamonga no wupinde wono wukwitumamilwa mu wulugu, vyose vyokongomezwa. No mutemi wenyu, koleta mulamu kuli zinghungugo zose. Kanyhi kotema ku wulawilila kwi'lenga sunga ko kwi'lenga na ku wulawilila kwi 'kolongo lya Efulata, sunga ko kundumo ye yisi.”

Zakaliya 9:12

Ale muwuye anye wose nyo wahamywa mono alu mweza mwina witumbilo, muwuye ku wikalo wenyu wono wina mulamu. Alu nghumulonjelenyi vyono, nomupelenyi wulugutwe kali kejete ku soko magaziko genyu.

Zakaliya 9:9

Musecelele, musecelele nye nyo wanhu wa ku Sayuni! Muzoze muno muno so nyemo, anye nyo wanhu a Yelusalemi! Mulanje ta! Mutemi wenyu yakumuzizenyi 'nye! Yakuza yena nyemo mbaha ne mhonelo, kanyhi mupolo, yakuza yali mucanyha ye ndogowe, nyana ye ndogowe.

Wuwale 24:19

Likungugo lye Waisilayeli, lyolowasumila lukulu. No kuwongomezeza lukulu na wono wowa wakali wasigaye wose.”

Matayo 21:33

Yesu yakatya, “Hulicizenyi ta, cihwanicizo cinji, Munhu yunji munya kaya, yakalima mugunda we mizabibu, yakawusitila no mululu, yakahimba ne likombo mumo lyo kuminyila zizabibu, yakazenga ne cilingo. Hanyuma yakawawika walimi, u mwene yakawa kubita ku yisi yinji ya kutali.

Maluko 12:1

Yesu yakanza kulongana nawo mu cihwanicizo yakutya, “Munhu yunji yalima mugunda we mizabibu. Yakawusitila no mululu, na haciligati yayo, yakahimba likombo lyo kukobonjela divayi, yakazenga ne cilingo citali. Yakawukoza mugunda wuwo kuli walimi, u mwene yakatuluka muhinzo sunga ku yisi ya kutali.

Waefeso 1:21

Na kuko Kilisito yatemile muli walongola wose, no wuwaha, ne vilungo, ne cisumisumi cose, nayo yatemile mu wutambule wo wose wono wudahile kuwa mono yinze yiyino, sunga na mu yinze yono yikuza.

Wugubule 22:5

I cilo si colokwijela kanyhi, hamba si wolosaka wuzelu we tala hamba we'zuwa, hambi u Muwaha Mulungu nha kowamulicila, nawo wotema cibitilila ne cibitilila.