Mika 4:3 - Luganuzi Luswanu Kuli Wanhu Wose 2002

³ Nayo kologalamula makungugo, muli makungugo ge vilungo, gono gali behi na gono gali kutali. Nawo wolotyana mimaje yawo yiwe masili, ne migoha yawo yiwe hengo zo kutemanjila. Ne makungugo, si golokwihoma yaye, hamba kwiwikaniza hamba kwiyijiza kanyhi zo wulugu.

Mika 4:3 ပူးပေါင်းရင်းမြစ်များ

Zabuli 46:10

Yakutya nhavi, “Ale munyamale! Mumanye vyono ane yo nene Mulungu! Ane nghukumywa mu makungugo gose, ane yo nene muwaha we yinze yose!”

Zabuli 46:9

Mwene yakuwudumya wulugu mono'nze yose, mwene kabenanjizaga wupinde ne migoha, sunga ne matuka go wulugu gose kagaticimizaga.

Zabuli 72:3

Ho hawe no mulamu mono yisi, ne yisi yose yimeme wiling'ano wako.

Zabuli 72:7

No wiling'ano wulawilicile, mu vilo vyose vyo wikale wakwe, no mulamu nawo wonjezece muno, sunga mwezi kolo wukuduma kumulika.

Zabuli 82:8

Gwe go Mulungu, wuze wuyiling'anize yinze, hambi i makungugo gose, nha sawo yako gwegwe.

Zabuli 96:13

Nayo Muwaha Mulungu kokuza no kuyitema yinze. Heya, mwene kowatema wanhu, mu ling'ani hamonga no wiling'ano.

Zabuli 98:9

Sangalalenyi hali Muwaha Mulungu, hambi nha yakuza kuyitema yinze. Nayo koyiling'aniza yinze mu ling'ani, i wanhu nawo kowatemela mu ling'ani.

Isaya 2:4

Kololamula zo wiwanganile we makungugo mawaha. Nawo wolotyana mimaje yawo yiwe masili, ne migoha yawo yiwe mimaje yo kududulila. Ne makungugo hamba si golokwihoma yaye, hamba kwiwikaniza so wihomi kanyhi.

Isaya 25:3

Ne wanhu we makungugo ge vilungo wokukumya gwegwe ne makaya ge makungugo gose magazi, gokogopa gwegwe.

Isaya 51:5

Nane nowaziza musunho niwaponye hambi cipango cangu co wusume nha casejelela. Nane notema nili wene mu makungugo. Sunga ne ma'si go kutali, gose ganindiye nene sunga nilaza kuza. Hambi nha ganindiye ko witumbilo wuwaha nize niwaponye.

Isaya 60:12

Ne makungugo gono si gokwitumamila gwegwe, ane nogongomezeza lukulu.”

Isaya 65:25

Na mu vilo vivyo, maminzi ne zingholo, zolowa kudimila hamonga, nago masimba, golowa kulya mahanze nhe zing'ombe, nago mazoka, golowa gasina citamisi cinji kanyhi. Na mu Sayuni, litunda lyangu lisiwanulwe, molowa musina kanyhi citamisi cinji co cose, hamba zimbi zo zose.”

Isaya 9:7

No wuwaha wo wutemi wakwe, wojendelela kuwiluka no wutemi wakwe, wowa kwikala wa mulamu nhondo zose. Mwene kolohala u wutemi wose wo mutemi Dawudi, ho no kutema mu wutemi wakwe, kuwusikamya no kuwukamisa mu wiling'ano ne ling'ani ku wulawa lulu, sunga ne cibitilila. Nayo Muwaha Mulungu we mihanga, kohidimbala sunga yazitume zose zizi.

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Hoseya 2:18

Mu vilo vivyo, nolonoza cilagane ne vilimu vyose vya mu mbago ne zindeje, ho vilece kuleta wugaye muli wanhu wangu. Nane nolowusa vitwalo vyose vyo wulugu mu'si, mimaje yose no wupinde. Nolowaleka wanhu wangu wekale wapolile.

Hoseya 2:20

Nane nolowukamisa wilahize wangu, no kukunoza agwe wuwe wuli wangu, nagwe kolomanya 'ne, vyono yo nene Muwaha Mulungu.

Yoweli 3:2

Nane nologakonghola makungugo gose, nigategule sunga ko kwi'lolo lyono likucemwa, “U Muwaha Mulungu Yakuling'aniza. Nane nolowaling'aniza i makungugo gago ku soko ye metumo gawo gose gono wawatendela wanhu wangu Isilayeli. Ku soko waweyagaziza Isilayeli mu ma'si go wujenzi, no kuyigawa Isilayeli yisi yangu.

Mika 5:15

Nane nologalipiciziza mwi'kuwo lyangu liwaha, makungugo gose gono gasina cihuliko kuli'ne.

Zakaliya 14:3

Nayo Muwaha Mulungu ho kololawila yehome ne zinghungugo zizo, nha vyono yawahoma mu vilo vyono vipulute.

Zakaliya 8:20

Muwaha Mulungu we mihanga yakutya, “Vilo vyokuza, vyono i wanhu wololawa mu makaya ganji, nawo wokuza ku Yelusalemi.

Zakaliya 9:10

Muwaha Mulungu yakutya, “Nogawusa ne matuka go wulugu, gono gakulawa ku Isilayeli, niziwuse ne zifwalasi zono zolawa ku Yelusalemi, hamonga no wupinde wono wukwitumamilwa mu wulugu, vyose vyokongomezwa. No mutemi wenyu, koleta mulamu kuli zinghungugo zose. Kanyhi kotema ku wulawilila kwi'lenga sunga ko kwi'lenga na ku wulawilila kwi 'kolongo lya Efulata, sunga ko kundumo ye yisi.”

Metumo ge Watumwa 17:31

Hambi nha yakondya kuwika lizuwa lyono koloyiling'aniza yinze mu ling'ani, mu nzila ya muli munhu yumonga mono yamuhagula. No Mulungu yawapela wanhu wose wuhomelezi we nghani yiyi, ko kumuzukula munhu yuyo mu wafu!”

Wugubule 19:11

Nghawona wulanga wugubuce, na kuko kukawa na fwalasi yinji nzelu swee, na mono yali yapandile mucanyha yayo, yacemwaga “Mwihuwilwa”, ne “Mbeka”. Yuyo mwene kehomaga ku soko ye ling'ani.

1 Samwili 2:10

Nawo wono wesumanizaga no Muwaha Mulungu wokongomezwa, hambi nha kowatowa ne limuli lya ku wulanga, Muwaha Mulungu koyiling'aniza yinze yose, no komupela mutemi wakwe vilungo, komupela wusume u mutemi wakwe muhagulwa.”