Mika 4:2 - Luganuzi Luswanu Kuli Wanhu Wose 2002

² Ne wanhu wayo wolotya, “Alenyi cibite kwi'tunda lyo Muwaha Mulungu, ku Nyumba yo Mulungu wa Isilayeli mwene yo kocifunda ase zono yakuhila cizitume. Nase cojendela mu zinzila zono mwene yazihagula. Hambi i mejizo go Muwaha Mulungu, nha galawaga ku Yelusalemi, kanyhi yakulonga ne wanhu wakwe ku wulawa ku Sayuni.”

Mika 4:2 ပူးပေါင်းရင်းမြစ်များ

Zabuli 110:2

Hambi Muwaha Mulungu nha kotandaza, vilungo vyako wulawilila ku Sayuni, yakutya, “Ale wuwatemaje walugu wako!”

Zabuli 119:1

Wamoti wono wena mikalile, yono yisina masutya, wono webate wulajilize wo Muwaha Mulungu.

Zabuli 119:171

Nane nowa kukulumba nhondo zose, hambi nha wukunyijiza zo wutonji wako.

Zabuli 122:1

Nasangalala waza kunonjela wakutya, “Ale cibite ku kaya yo Muwaha Mulungu.”

Zabuli 25:12

Munhu wo wose mono kamogopago Muwaha Mulungu, yuyo kokwijizwa no Mulungu inzila yo kutyatya.

Isaya 2:3

nawo wanhu wolowa kutya, “Alenyi cibite kwi'tunda ku Nyumba yo Mulungu, ku Nyumba yo Mulungu we Waisilayeli. Mwene nayo kocijiza zono yakuhila ase cizitume. Nase cojendela mu zinzila zakwe zono kohagula mwene. Hambi wulajilize wo Muwaha Mulungu, nha wulawaga ku Yelusalemi kalongaga ne wanhu wakwe ku wulawa ku Sayuni.”

Isaya 54:13

Nane no mweneco nowejiza wanhu wako, kanyhi nowamotya wekale wapolile.

Isaya 56:7

“Anye nanye nomutegulenyi ku Sayuni kwi'tunda lyangu lyono lyelile. Nimusangalazizenyi mu Nyumba yangu yo wuhembelo, mbocele sunga ne makumbiko genyu gono mowa kundavizya mu cikumbicilo cangu. Ne Nyumba yangu, yocemwa Nyumba yo wuhembelo we wanhu wose we makungugo gose.”

Yelemiya 31:6

Na heya mbeka, i vilo vikuza, vyono i walindilizi, wolowa wakwicemeleza mu vitunda vya Efulayimu wakutya, ‘Alenyi cibite ku Sayuni, ko Muwaha Mulungu, u Mulungu wetu.’ ”

Yelemiya 42:3

Wumulombe u Muwaha Mulungu, u Mulungu wetu, yacilajile nzila yono yinojeye ciyikole, ne nghani yono yocikwila ku witume.”

Hoseya 6:3

Alenyi cimumanye Muwaha Mulungu. Mwene kokuza kuli'se lono wela hakali mitondo muno, nayo kokuza kuli'se kotya mvula ye mhinga yono yidedewazaga yisi.”

Zakaliya 14:16

Hobaho wose wono wasigaye wa mu zinghungugo zono zayihomaga Yelusalemi, zolowa kubita mwaka kwa mwaka kumuhemba Muwaha Mulungu we mihanga u mutemi, no kusangalalila sikukuu ye vibanda.

Zakaliya 2:11

Na mu vilo vivyo makungugo menji golokuza kuli Muwaha Mulungu, nawo wowa wanhu wakwe. Nayo Muwaha Mulungu kolokwikala hamonga na nyenye. Nanye ho molomanya vyono mwene yo yanhuma kuli'nye.

Zakaliya 9:10

Muwaha Mulungu yakutya, “Nogawusa ne matuka go wulugu, gono gakulawa ku Isilayeli, niziwuse ne zifwalasi zono zolawa ku Yelusalemi, hamonga no wupinde wono wukwitumamilwa mu wulugu, vyose vyokongomezwa. No mutemi wenyu, koleta mulamu kuli zinghungugo zose. Kanyhi kotema ku wulawilila kwi'lenga sunga ko kwi'lenga na ku wulawilila kwi 'kolongo lya Efulata, sunga ko kundumo ye yisi.”

Maluko 16:20

Nawo iwejizwa wakabita wakawa wakuganula hanhu hose. Nayo u Muwaha yaketuma mulimo hamonga nawo, no kuyifisiliza inghani yiyo, kwe vitanjilo vyono vyawezanaga hamonga nawo.]

Luka 24:47

Na kanyhi yinojeye mwi'tagwa lyakwe, kuganula wunene, no wuwopolelwe wo wubi, kuli makungugo gose, kwamuliziza ku Yelusalemi.

Yohana 6:45

Yandikwa ne wawizi, ‘Iwanhu wose wokwijizwa no Mulungu.’ Muli wose mono yakumuhulika Baba, no kwiyijiza muli Mwene, yuyo yo yakuza kwangu.

Yohana 7:17

Munhu mono yendile kwituma zono u Mulungu yendile, yo komanya hono mejizo gangu galawa kuli Mulungu, hamba nene nghwilonjela mu wulajilize wangu no mweneco du.

Metumo ge Watumwa 1:8

Ninga mopegwa vilungo, kolo yakumuzizenyi u Muhe Mono Yelile, nanye mowa wahomelezi wangu mu Yelusalemi, na mu yisi yose ya Yudiya, na Samaliya, sunga ko ku mhelo ye yinze.”

Metumo ge Watumwa 13:42

Wa Pawulo na Balanaba lono walawilaga mumo mu nhang'anilo yo wuhembelo, wawalya wanhu wakawalalika waze kanyhi, mwi'zuwa lye Sabato yono yikutyatya, ho wawalonjele kanyhi ze nghani yiyo.

Walumi 15:19

Mu vilungo vye vitanjilo na mu mezino, na mu vilungo vyo Muhe wo Mulungu. Holeka mu wupilima hanhu hose, ku wulawilila ku Yelusalemi sunga ku Iluliko, nghaluganula no kulukwiza u Luganuzi Luswanu lwa Kilisito.

Wukumbucize wo Wulajilize 6:1

“Na gagano go malajilizo gose gono Muwaha Mulungu, u Mulungu wenyu, yandajilize nimwijizenyi. Holeka mweze na cihuliko, kanyhi mugakamise muno, mumo mu yisi yono aluno mweza kwinjila no kuyisola yiwe yenyu.