Mika 4:13 - Luganuzi Luswanu Kuli Wanhu Wose 2002

¹³ Muwaha Mulungu yakutya, “Anye nyo wanhu wa Yelusalemi, ale, mubite mukawalipicize walugu wenyu, nane nomunozenyi muwe ne vilungo nhe nghambaku, yono yina mahembe ga cuma ne mabangho ga shaba. Nanye mogahoma makungugo menji no kugasumiza, ne sawo yawo yose yono wayituga kwe vilungo, ayo mondavizya nene, ane no Muwaha Mulungu we yinze yose.”

Mika 4:13 ပူးပေါင်းရင်းမြစ်များ

Zabuli 24:1

Yinze hamonga na vyose vyono vili mugati yayo, yo sawo yo Muwaha Mulungu, yinze hamonga na wose wono wekaye mumo, yo sawo yakwe.

Zabuli 68:29

mu wulawa mu Nyumba yako ku Yelusalemi. Ne watemi wokuziza du, wena ne vipegwa vyawo mu mawoko!

Zabuli 72:10

Ne watemi we Talishishi, hamonga ne vizingwa, wose womulipa kodi, watemi we Sheba na Seba, nawo womuletela vipegwa.

Isaya 18:7

Ninga vilo vyokuza, vyono Muwaha Mulungu kolowa kubocela kanyhi vilavywa ku wulawa mu yisi yiyi yono yili haciligati ye makolongo, yisi ye nghungugo ye nghakamo, kanyhi yili vilungo, ye wanhu watali, we miwili yono yitelemeye, wono yinze yose yikuwogopa wene. Nawo wolokuza kwi'tunda lya Sayuni, i hanhu hono Muwaha Mulungu we Mihanga, yakuwa kuhembwa.

Isaya 21:10

Nye nyo Waisilayeli, mo wanhu wangu, mwali mwikaye mukukuzulwa nho 'hemba. Ninga aluno nakondya kumulonjelenyi nghani swanu, yono niyihulice kuli Muwaha Mulungu we mihanga u Mulungu wa Isilayeli.

Isaya 23:18

Ne sawo yose yono kowa kuyituga mumo mu wusuluza wakwe, yowa kulavywa kuli Muwaha Mulungu. Ninga yene si yolokwiwicila ciwutwa yaye. Langa sawo yiyo, yolokwitumamilwa ne wanhu wono wolowa kumuhemba du Muwaha Mulungu, wolowa kugula ndigwa hamonga ne vivwalo vyono wanjiye.

Isaya 5:28

Ne zisonga zawo nghali muno, no wupinde wawo, wolowa wutawiciywe lukulu, wawuwikanize so wugume du. Ne magaga ge zifwalasi zawo, makavu gehwanile libwe lye ng'anga. Ne matuka gawo go wulugu, matayili gayo, gowa kupilima nhe civulavumbi.

Yelemiya 51:20

U Muwaha Mulungu yakutya nhavi, “Agwe Babiloni, yo gwegwe mono wuli nyondo yangu, kanyhi yo gwegwe mono wuli citwalo cangu co wulugu. Nane nghakwitumamila, ho wugabenanjize makungugo, hamonga no wutemi wayo.

Yelemiya 51:33

Ne walugu wowasuma musunho, wawakanyaje nho 'hemba mu cuga. Vyo nghutya, ane no Muwaha Mulungu, we Mihanga, u Mulungu wa Isilayeli.”

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Hoseya 10:11

“Nayo Isilayeli yenha ndama yono yakondya kwijizwa, yono yendile kutowa wuhemba, ninga nghwihwesa vyono, ciba niyiwicile lubano mu singo yayo swanu, ho niyitonje yisume kwituma mulimo muwaha. Nomunoza Yuda yawe yo mukwega lisili, nayo Isilayeli yawe yo mutulanga malowanjila mu nyuma yo muyagwe.”

Mika 5:7

Ne wanhu wa Isilayeli wono wasigaye, wolowa nhe buhe yono yikulawa kuli Muwaha Mulungu so makungugo menji, kotya mahalavu ga mvula, mu migunda ye vilimwa vyono vikuwiluka. No witumbilo wawo, wolowa kuli Mulungu hamba si kuli munhu yaye.

Habakuki 3:12

Na mwi'kuwo lyako wukakola mu yisi, na mu wukali wako, wukawapondanjiza makungugo.

Zakaliya 12:3

Ninga vipango vivyo kolo vyafika, ane noyinoza Yelusalemi yiwe kotya yibwe yizito. Ne nghungugo yo yose yono yojela kuyinula Yelusalemi, yolotamiswa muno. Ne zinghungugo zose za mono yinze, zolokwilunza ho ziyihome Yelusalemi.

Zakaliya 12:6

Mu vilo vivyo, nozinoza zindelo zose za Yuda ziwe kotya moto wono wukwaka mu mbago, hamba moto wono wukwaka mu mugunda wo wuhemba wono wupiye. Nawo wozongomeza zinghungugo zose zono ziwapilime. Ne wanhu wa he 'kaya lya yelusalemi, wolokwikala wapolile du mwi'kaya.

Zakaliya 4:14

Hanyuma ho yakanonjela yakatya, wo wanhu i wejete wono Mulungu yawahagula no kuwetila mafuta ho wamwitumamile Muwaha Mulungu we yinze yose.”

Zakaliya 6:5

Nayo yakamhitula yakatya, “I magali gaga zo mbeho yine za ku wulanga, nazo zizi zikulawa kuli Muwaha Mulungu yinze yi yino yose.”

1 Wakolinto 16:2

Wose muli nyenye, mu vilo vyose vye jumapili, mweze kuwika siya zipesa, nha vyono yinha, munhu ha nghango ya vyono katugaga, ho halece kuwa na soko kanyhi yo kuwa no wuhangulize wunji wo wose kolo nghuza.

Wukumbucize wo Wulajilize 33:25

Ne makaya gawo, gadimwe ne malango ga cuma. Nawo weze kwikala wapolile vilo vyose.”

Yoshuwa 6:19

Kanyhi cinhu co cose cono cinozezwe fweza, hamba zahabu, hamba shaba, hamba ca cuma, vivyo, vyelile so Muwaha Mulungu. Vinojeye viwikwe mu viwutwa vyo Muwaha Mulungu.”