Mika 4:12 - Luganuzi Luswanu Kuli Wanhu Wose 2002

¹² Ninga hamba nhavivyo, i makungugo gaga, sigamanyile zono Muwaha Mulungu yakwihwesa. Hamba si gakumanya vyono, mwene yagahangulize hamonga ho yagalipicize, nha vyono wawulundaga wuhemba mu cuga wawa kuwutowa.

Mika 4:12 ပူးပေါင်းရင်းမြစ်များ

Zabuli 147:19

Nayo Muwaha Mulungu kawamanyizaga, i wanhu wakwe ze nghani yakwe, nayo Isilayeli, zo wutonji wakwe hamonga ne ning'aniza yakwe.

Zabuli 147:20

Ninga hamba si yawanozeza, makungugo ganji zono zinha zizi, holeka makungugo ganji, hamba si wazimanyile ze malajilizo gakwe. Mumulumbe Muwaha Mulungu!

Isaya 10:7

Ninga mwene mutemi wa Ashuli, nha yekondelezeze lukulu kuli zo wuwulaji mu mutima wakwe. Holeka yewikanize ho yongomeze makungugo menji.

Isaya 21:10

Nye nyo Waisilayeli, mo wanhu wangu, mwali mwikaye mukukuzulwa nho 'hemba. Ninga aluno nakondya kumulonjelenyi nghani swanu, yono niyihulice kuli Muwaha Mulungu we mihanga u Mulungu wa Isilayeli.

Isaya 29:7

no moto wuwo wolowongomeza wasilikale wose we makungugo gose gono gakulihoma likaya lya Yelusalemi, likaya lye cikumbicilo co Mulungu. Wolokongomezwa hamonga ne vitwalo vyawo vyose vyo wulugu, hamonga ne vinhu vyawo vyose vyono wena navyo. Vyose vyolokwajilila lukulu nha ndoto, vyowa nhe vinhu vyono vyali kwihweswa du ne cilo.

Isaya 55:8

Muwaha Mulungu yakutya, “Mahweso gangu si gokwihwana ne mahweso genyu, ne zinzila zangu nazo, si zokwihwana ne zinzila zenyu ng'o.

Yelemiya 29:11

Hambi 'ne, nha nigamanyile mahweso gangu gono nghumwihwesezenyi anye. Mahweso go kumuletelenyi wumoteswe, hamba si wongomele yaye. Mahweso go kumupelenyi 'nye zo witumbilo wa mu vilo vyono vikuza.

Yelemiya 51:20

U Muwaha Mulungu yakutya nhavi, “Agwe Babiloni, yo gwegwe mono wuli nyondo yangu, kanyhi yo gwegwe mono wuli citwalo cangu co wulugu. Nane nghakwitumamila, ho wugabenanjize makungugo, hamonga no wutemi wayo.

Yelemiya 51:33

Ne walugu wowasuma musunho, wawakanyaje nho 'hemba mu cuga. Vyo nghutya, ane no Muwaha Mulungu, we Mihanga, u Mulungu wa Isilayeli.”

Yoweli 3:2

Nane nologakonghola makungugo gose, nigategule sunga ko kwi'lolo lyono likucemwa, “U Muwaha Mulungu Yakuling'aniza. Nane nolowaling'aniza i makungugo gago ku soko ye metumo gawo gose gono wawatendela wanhu wangu Isilayeli. Ku soko waweyagaziza Isilayeli mu ma'si go wujenzi, no kuyigawa Isilayeli yisi yangu.

Luka 3:17

U mwene yenha munhu mono yebate luheneko mu mawoko gakwe, ho yezeze lukulu cuga cakwe, no kututicila wuhemba mu nyumba yakwe; ninga mawaje yagaticimize no moto wono si wuzimaga.”