Mika 4:11 - Luganuzi Luswanu Kuli Wanhu Wose 2002

¹¹ Hambi makungugo menji nha gekonghoye ho gamuhomenyi. Gakutya, “Yelusalemi yinojeye wuhodangwe! Nase coliwona likaya lili lyawa yitongo!”

Mika 4:11 ပူးပေါင်းရင်းမြစ်များ

Zabuli 129:5

Holeka wasumilwe lukulu kanyhi wakozwe cevu, wagomolwe ku nyuma, wawo wose wono walisulile likaya lya Sayuni.

Zabuli 83:5

Nawo welumbanizize kumonga welunze ho walewane nagwe,

Isaya 10:7

Ninga mwene mutemi wa Ashuli, nha yekondelezeze lukulu kuli zo wuwulaji mu mutima wakwe. Holeka yewikanize ho yongomeze makungugo menji.

Isaya 17:12

I makungugo ge vilungo gali mu wugazi, gakukoloma nhe lizozo lye lilenga vyono lizozaga, gehwanile nho witoweze we mawingo mawaha ge lilenga.

Isaya 29:7

no moto wuwo wolowongomeza wasilikale wose we makungugo gose gono gakulihoma likaya lya Yelusalemi, likaya lye cikumbicilo co Mulungu. Wolokongomezwa hamonga ne vitwalo vyawo vyose vyo wulugu, hamonga ne vinhu vyawo vyose vyono wena navyo. Vyose vyolokwajilila lukulu nha ndoto, vyowa nhe vinhu vyono vyali kwihweswa du ne cilo.

Yelemiya 52:4

Ku soko yiyo, Nebukadineza nayo yakawa kuza hamonga ne wasilikale wakwe, wakawa kuyihoma Yelusalemi mwi'zuwa lye likumi, lya mu mwezi we likumi, wa mu mwaka we likumi, wo wuteme wa Zedekiya. Nawo wali weza kuza, wakasita nghambi yawo kunze ye likaya, hanyuma wakawa kuzenga majinji, gakalipilima likaya mbavu zose.

Ezekiyeli 26:3

“Alu, azi nane nene no Muwaha Mulungu, zo nghukulonjela agwe go likaya lya Tulo, nha vyono ane neza nili mulugu wako. Nowaleta makungugo menji kuli'gwe, waze wakuhome, nawo kolo wakuza, wolokuziza ne cihumbi, nhe mawingo ge lilenga.

Ezekiyeli 38:17

Hambi agwe Gogu, nha yo gwegwe mono nalongaga i zako ku wulawa katali, mu nzila ye wetumami wangu i wawizi wose we Waisilayeli, na vyono na mu vilo vyono vikuza, nokwenda nize ndete munhu yayihome Isilayeli.” Vyo yakutya u Muwaha Mulungu.

Obadiya 1:12

Holeka si wali wunojeye wuwasece i wanduguzo wono wali mu Yuda ku soko yo wugaye wawo. Hamba kuwa no wusangalale mwi'zuwa lyawo lyo wugaye. Hamba kuwasekanga ku soko yo wugaye wawo.

Mika 7:10

Nawo walugu wetu, woloziwona zizi wakolwe cevu. Ne walugu wanji wolocilonga wawe kutya, “Alu yali hayi u Muwaha Mulungu, u Mulungu wenyu?” Nase colowawona wakondya kusumwa, wakukanyanjilwa hasi nhe madabaga, mu zinzila za mwi'kaya.

Zakaliya 12:3

Ninga vipango vivyo kolo vyafika, ane noyinoza Yelusalemi yiwe kotya yibwe yizito. Ne nghungugo yo yose yono yojela kuyinula Yelusalemi, yolotamiswa muno. Ne zinghungugo zose za mono yinze, zolokwilunza ho ziyihome Yelusalemi.