Mika 4:10 - Luganuzi Luswanu Kuli Wanhu Wose 2002

¹⁰ Muwone wusungu mwinyongole anye wanhu wa Yelusalemi, nho mucekulu mono yali mu lusawo, hambi aluno nha mowuka mwi'kaya, mubite mukekale mwi'hala. Kanyhi mowa munojeye mubite ku Babiloni, ninga kuko ko Muwaha Mulungu kolomuponyezyenyi ku wulawa kuli walugu wenyu.

Mika 4:10 ပူးပေါင်းရင်းမြစ်များ

2 Watemi 20:18

Sunga ne wanago wanji wolosolwa, wabite kuko wakapaswe, wawe wetumami mu kaya ye likulu lyo mutemi wa kuko ku Babiloni.”

2 Watemi 25:4

Hodu, wanhu wakawa kugakumula majinji ge likaya ho weponye, hamba yiwe wasilikale we Cibabiloni, wali wakali wali baho walipilime likaya, ninga wasilikale wose wa mwi'kaya wakatiza wose ne cilo. Wakakolela mu nzila yo mulango wa haciligati ye majinji mejete, gono gadomile ku busitani yo mutemi, wakatiziza ku lubavu lwe lilolo lya Yoludani.

2 Zinghomo 33:11

Holeka nayo Muwaha Mulungu, yakawa kuwaleka wasilikale wa Ashuli wayihome Yuda. Wakamuteka Manase, wakamuwicila vidobogo vya cuma mu zimhula zakwe, wakamuwopa ne manyolo, wakamutegula ku Babiloni.

2 Zinghomo 36:20

Ne wanhu wose wono wapona mu mbali yiyo, yakawasola wose, yakawategula ku Babiloni. Na kuko, wakawa wetumami wakwe hamonga ne wanagwe, sunga mu cipango cono wenjilila wutemi wa Pelisiya.

2 Zinghomo 36:23

“Awu wo wulajilize wangu ane Koleshi, u mutemi wa Pelisiya. U Muwaha Mulungu, u Mulungu wa ku wulanga, kanoza niwe mutemi we yinze yose. Kanyhi yanghomboye nene nimuzenjele ne Nyumba yakwe ku Yelusalemi mu Yuda. Holeka aluno, anye wose mono muli wanhu wo Mulungu, mubite kuko ku Yelusalemi, nayo Muwaha Mulungu, u Mulungu wenyu, yawezane nanye.”

Zabuli 106:10

Yakawaponya mu wulawa, mu wanhu wono wali wawasulile, yakawaponya mu wulawa, mu vilungo vye walugu wawo.

Isaya 43:14

Mulungu mono yelile wa Isilayeli, u Muwaha Mulungu mono yakuwa kumuponyenyi yakutya nhavi, “Ane notuma lipuga lye wasilikale ku Babiloni ho wamuponyenyi. Nogabenanjiza malango ge likaya, ne lizozo lye nyemo lye wanhu walyo, lyopituka liwe cililo.

Isaya 45:13

Ane yo nene mono namusagahiza Kulo ho yawufisilize wuhile wangu yaziwice zose mu mugoloka. Nane nozigolosa zinzila zakwe zose mono kowa kukola. Mwene yo kololizenga kanyhi likaya lyangu lya Yelusalemi. Nayo kowawika welecele i wawingwa wangu wose, nayo hamba si kolopegwa malipo yaye, hamba cihumbilizwa co cose ho yetume zizo.” Vyo yakutya u Muwaha Mulungu.

Isaya 48:20

Ale muwuce mu Babiloni, mutize! Muziganule zinghani zizo na nyemo, muzimanyize hanhu hose muwe kutya, “U Muwaha Mulungu kakondya kuwaponya Isilayeli i wetumami wakwe!”

Yelemiya 13:4

“Alu wubite sunga ko kwi'kolongo lya Efulata, wukayihundice kuko kaputula yiyo, mu mhalika ye libwe.”

Yelemiya 15:21

Nane nokuponya mu miwoko ye wanhu wabi, ne wanhu wagazi. Vyo nghutya ane no Muwaha Mulungu.”

Yelemiya 29:20

Holeka muhulice nghani yo Muwaha Mulungu, anye wose mono namulecelenyi musolwe ku wulawa ku Yelusalemi, mutegulwe ku Babiloni ku wuhamywe.’

Yelemiya 4:31

Nane hulika cililo, kotya nha cililo ca munhu wa cicekulu, mono yali mu nghunga yo lusawo. Cililo cinha co mucekulu mono yakulela mwanagwe mulongozi. Kumbe cililo cico ca Yelusalemi, mono yakukapilicila ha wehele, akuno yalaze ne miwoko yakwe yakutya, “Woyi nye, aga magayo gangu! Hambi nhumbula yangu nha yikuzilika, hambi nha weza kuza wambulaje.”

Yelemiya 48:41

Ne makaya gayo hamonga ne magomawakali gayo golosolwa. Na mwi'zuwa lilyo i wasilikale wa Mowabu, wolokwinjilwa na woga wuwaha, nho mucekulu mono yali mu nghunga yo lusawo.

Yelemiya 52:27

mu yisi ya Hamati. Nayo mutemi Nebukadineza, yakawabocela, yakawatowanga, yakawawulaga wose. Hanyuma i wanhu wa Yuda, wakasolwa, wakahamywa mu yisi yawo,

Hoseya 1:10

Ninga i wanhu wa Isilayeli wolowa wenji liwalo lyawo nho musawawa wa mwi'lenga, wono siwusumikaga ku wupimwe hamba ku wuwalwe. Aluno Mulungu yakuwatya, anye si muli wanhu wangu, ninga lizuwa likuza lyono mwene kolowatya, “Anye muli wana wo Mulungu mumi!”

Hoseya 13:13

Isilayeli yena cilejeho co kwikala mumi. Ninga yo nghani yo wulele kuwihwesa havivi, hambi nha yenha mugalika mono yali mu cidaha co kulelwa, ninga kawa kulemelela mu'nda yo nyina.

Hoseya 2:14

Holeka nomugomola sunga ku nyika kanyhi, na ku wulawa kuko, nolomugomola mu nzila yo kulonga nayo nghani zo wendo.

Mika 5:2

Muwaha Mulungu yakutya, “Agwe Betelehemu Efulata, agwe yo gwegwe wuli cikaya cidodo mu Yuda, ninga nomuhagula yunji ku wulawa muli'gwe mono kowa mutemi wa Isilayeli, mono wulawo wakwe wo we katali na katali.”

Mika 5:3

Holeka Muwaha Mulungu, kowaleka wanhu wakwe kuli walugu wawo, sunga mu cipango cono mucekulu kolelela mwana we cilume. Ale baho i wanhu wono wowa wakali wasigaye ku wuhamywe, ho wolokwilunza kanyhi ne wanhu wawo weneco.

Wugubule 12:14

Ninga mucekulu yuyo, nayo yakapegwa mabawa mejete ga numba, ho yaguluce yabite yakekale kutali ne lizoka lilyo, yabite yakekale ku nyika, hanhu hakwe hono kosuma kudimwa viswanu mu myaka midatu na myezi mutandatu.