Mika 4:1 - Luganuzi Luswanu Kuli Wanhu Wose 2002

¹ Mu vilo vyono vikuza, litunda lyono Nyumba yo Mulungu yizenjigwe, lyolokwinulwa muno hali mayagwe gose, ne cizuli calyo colowa cipulute matunda gose. Ne wanhu we makungugo gose, wololibitila.

Mika 4:1 ပူးပေါင်းရင်းမြစ်များ

Mwamulizo 49:1

Hodu, Yakobo yakawa kuwacema wanagwe wose, yakawatya, “Nye wanangu, ale mwikongholelaje hamonga, hambi nha nghusaka nimulonjelenyi zono zomwaganenyi mu vilo vyono vikuza.

Mwamulizo 49:10

Ne nghome ye citemi, si yowucila lukulu kuli'gwe Yuda. Ne zindelo zako zotema cibitilila, sunga kono kolokuziza mweneco. Yu yulya mono makungugo gose gomuhulika.

Zabuli 110:3

Nawo wanhu wako wokwilavya weneco, ko mutima muzelu, mwizuwa lyo kuwahoma no kuwasuma walugu wako. Nha vyono yinha buhe ya hakali mitondo, ale, nhavivyo ne wazelelo wako, nawo, vyo wolokuziza gwegwe, mu matunda gono gelile.

Zabuli 22:27

Ne yinze yose yokumbucila, no kumuwuyila Muwaha Mulungu, ne zimhuga zose ze makungugo, zomuhemba.

Zabuli 48:1

Muwaha Mulungu, yo Muwaha, mono yanojeye kulumbwa mu Nyumba yakwe,

Zabuli 86:9

I makungugo gose gono wagawumba, gokuza no kukuhemba gwegwe, 'gwe go Muwaha Mulungu, nago gokwanza zo wuwaha we litagwa lyako.

Isaya 27:13

Na mwi'zuwa lilyo, ndulele yololila, yiwacemeleze Waisilayeli wose wono wali ku wuhamywe, ku yisi ya Ashuli, na ku yisi ya Misili, wose wawuye. Nawo wolowuya, wamuhembe Muwaha Mulungu mwi'tunda lyakwe lyono lyelile lya mu Yelusalemi.

Isaya 43:6

Noyilonjela mhelo ye sumuka yiwalece wawuce kuko, nayo mhelo ye takama yilece kuwemila yaye. Muwalekaje wanhu wangu wawuye hamonga ku wulawa mu ma'si go kutali, na mu yinze yose.

Isaya 49:6

Muwaha Mulungu yakanonjela yakutya, “Nina mulimo muwaha wono nghuwiciye agwe go mwitumami wangu. Ninga si mulimo wo kuwagomola du mu lukumyo i wanhu wa Isilayeli, wono wasigaye, langa nokunoza kanyhi wuwe wuzelu kuli makungugo, i yinze yose ho yisume kuponywa.”

Isaya 54:2

Holeka luno wonjeleze wugazi we lihema lyako lyono wikaye, wuyitalimhye ne milejehe yayo, wuzisikamye ne zimambo zayo!

Isaya 56:7

“Anye nanye nomutegulenyi ku Sayuni kwi'tunda lyangu lyono lyelile. Nimusangalazizenyi mu Nyumba yangu yo wuhembelo, mbocele sunga ne makumbiko genyu gono mowa kundavizya mu cikumbicilo cangu. Ne Nyumba yangu, yocemwa Nyumba yo wuhembelo we wanhu wose we makungugo gose.”

Yelemiya 16:19

Gwe o Muwaha Mulungu, yo gwegwe du mono kundimaga, no kumhela vilungo, kanyhi yo gwegwe du mono kumhelaga wutazi mu mapango go wugaye. Ne makungugo nha golokuziza gakulawa mu zimhelo zose ze yinze wawe kutya, “I walezi wetu hamba si wahala cinji, langa wahala i milungu yo wulambi, hamonga ne vihwani viseswe, vyono visina hamba cambuzi co cose.

Yelemiya 26:18

“Nye wayetu, mu vilo lono Hezekiya yali mutemi we yisi ya Yuda, yakaza muwizi yunji, mono yacemwaga Mikaya, munya Molesheti, u muwizi yuyo yawalonjela wanhu nha vyono, u Muwaha Mulungu, we mihanga yalonga yakutya, ‘Agwe go Sayuni kololimwa nha mugunda, Nagwe Yelusalemi kolowa yilundo lye matongo, Ne litunda lye Nyumba yo Mulungu, lyolowa mbago.’

Yelemiya 3:17

Ne vilo vivyo kolo vyakondya kuza, Yelusalemi nhondo, yolocemwa, ‘I ligoda lyo wutemi lyo Muwaha Mulungu.’ Ne makungugo gose golokwikongholela baho gawe kuhemba nene du. Nawo lulo, hamba si wolokwitumila lukulu kanyhi za mu cibede cawo, hamba i zimbi za mu zinhumbula zawo.

Yelemiya 31:12

Holeka nawo wonyiziza, wanyimbile so nyemo mwi'tunda lya Sayuni, kanyhi wendezwe ne vipegwa vyangu, i vipegwa vyo wusaje, ne divayi, hamonga ne mafuta, ne vipegwa vye zingholo ne zing'ombe. Na baho, wolowa nha busitani yono mwajilwe malenga. Nawo wolowa wakwizize vyose vyono wakuvisaka.

Yelemiya 48:47

Ninga hamba nhavivyo, u Muwaha Mulungu, koloyimotya kanyhi Mowabu mu vilo vyono vikuza. Na zizi zose, zo Muwaha Mulungu yalonga nha vyono si zoleka kuyiziza Mowabu.

Ezekiyeli 38:16

Nanye mowahoma i wanhu wangu Isilayeli, nhe libeho liwaha lyo mukukunzo lyono likudumula yisi. Na kolo lipango lyakondya kuza, ane nokutegula wukayihome yisi yangu, ho wuwamanyize we makungugo, wamanye vyono nene nani, na kanyhi wuwamanyize zo wele wangu, mu nzila yono nghwitumila muli'gwe.

Ezekiyeli 40:2

Na mu wugubulilwe wangu, u Mulungu yasola, yakanhegula ku yisi ya Isilayeli, yakambika ku cizuli ce litunda litali muno muno. Na ha mwande yangu nghawona makaya menji, gono gejelaga nhe kaya yiwaha.

Ezekiyeli 43:12

Awu wo wulajilize we Nyumba yo Mulungu. Mbavu zose ze mipaka yono yiyipilime Nyumba yo Mulungu, sunga ko kucanyha ye litunda, hakondya kuwikwa helile ha hono helile muno.”

Danyeli 10:14

Nane lu, niza kuli'gwe, ho nghwizushe kuli zono zolowejelela wanhu wako mu vilo vyono vikuza. Na wuwu wo wugubulilwe we vilo vyono vikuza.”

Danyeli 2:28

Langa Mulungu du wa ku wulanga, mono kagubulaga zono hundikwe no kuzilajila calinze. Alu kakulajila Gwe go mutemi zono zokwijelela agwe ku mwande. Holeka nokuloloseza ze ndoto hamonga no wugubulilwe wono wapegwa lono wali wugonile.

Danyeli 2:35

Lo lulo lulo cuma, ne lilongo linamu, ne shaba ne fweza hamonga ne zahabu, vikasajika, vikawa nhe mawaje ga mu cuga, ga mu vilo vye nhwanga. Mbeho yikavipemhelusa hamba si vyasigala yaye. Libwe lililya likawahapa likawa yitunda lyono likayimemya yinze yose.

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Danyeli 7:14

Yakawa kupegwa vilungo ne lilumbo, hamonga no wutemi, i wanhu wose we zinghungugo zose, na we zimbeyu zose, na we milonjele yose, ho wamwitumamile mwene. Ne vilungo vyakwe vyokwikala cibitilila, no wutemi wakwe si wuladuma yaye.

Danyeli 7:18

Nawo i wanhu wo Mulungu Mono Yalawiliciye, wolowubocela wutemi, no kutema cibitilila.”

Danyeli 7:22

Ninga yu yulya nayo mono kekalaga mumi cibitilila, yakawa kuza, yakawaling'aniza i wanhu wo Mulungu Mono Yalawiliciye, mu nghango yo wendo wakwe kuli wene. Ne cipango nha cakondya kuza, co kupegwa wutemi i wanhu wo Mulungu.

Danyeli 7:27

Baho, i vilungo no wuwaha wo wutemi wose wa mono'nze, wolopegwa i wanhu wo Mulungu Mono Yalawiliciye. Ne vilungo vyo wutemi wawo, si viladuma yaye. Ne watemi wose wa mono'nze, wolowetumamila no kuwahulika.”

Hoseya 3:5

Ninga cipango cikuza cono Waisilayeli wolomuwuyila kanyhi Muwaha Mulungu, u Mulungu wawo, no lulelo lwa Dawudi mutemi wawo. Nawo wolomogopa Muwaha Mulungu, u Mulungu wawo, no kubocela vipegwa vyakwe viswanu.

Mika 3:12

Holeka ku soko yenyu, Sayuni yololimwa nha mugunda, nayo Yelusalemi, yolowa yilundo lya matongo, ne litunda lye Nyumba yo Mulungu, lyolowa mbago.

Zakaliya 14:10

Ne yisi yose, ku wulawilila Geba lubavu lwe sumuka, sunga ko ku lubavu lwe takama ku Limoni, yolotelemezwa ho yiwe ya wuhihi. Nayo Yelusalemi, yolozengwa mu cizuli ce yisi yono yipilime. Ne likaya lyololawilila kwi 'lango lya Benyamini, sunga ko kwi'lango lya kumhelo, hono hali ho wuli mulango mulongozi. Na ku wulawilila ha munala wa Hananeli, sunga kono kogali makobonjelo ge zizabibu go mutemi.

Zakaliya 2:11

Na mu vilo vivyo makungugo menji golokuza kuli Muwaha Mulungu, nawo wowa wanhu wakwe. Nayo Muwaha Mulungu kolokwikala hamonga na nyenye. Nanye ho molomanya vyono mwene yo yanhuma kuli'nye.

Zakaliya 8:3

Alu nowuya 'ne ku Yelusalemi, likaya lyangu lyono lyelile, niwe kwikala mumo. Likaya lyocemwa likaya lye mbeka. Ne litunda lyo Muwaha Mulungu we Mihanga, nalyo lyocemwa litunda lyono lyelile.

Malaki 1:11

Wanhu ku wulawa ku mhelo ye yinze, sunga ko ku mhelo nzagwe, wose wanyogopile nene. Hanhu ho hose wakufusiza wuvumba, no kulavya vilavywa vyono vikwiliye. Na wose wawo, wanyogopile nene!”

Metumo ge Watumwa 2:17

‘Ku vilo vye ndumilizo vyo yolowa, yakutya Mulungu, nolowetila iwanhu wose Muhe wangu. Ne wana wenyu, we cilume na we cicekulu woloziganula izinghani zangu, ne wazelelo wenyu, wolowona wugubulilwe, Ne wakombi wenyu, wololota zindoto.

Wahebelaniya 1:2

ninga mu vilo avi vyo mudumo, kalongana nase mu nzila yo Mwanagwe. Na muli mwene, u Mulungu mo yayiwumbila yinze, kanyhi yakamuwika ho yaviteme vinhu vyose.

2 Petelo 3:3

Mukwamula kumanya vyono mu vilo vya ku ndumo wolokuza wanhu wono mikalile yawo yitemigwe ne masulumizi gawo mabi. Wolomuzwajizenyi nyenye,

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 15:4

Go Muwaha, alo nani'mbi mono si yakogopile gwegwe? Hamba nani'mbi mono si yakulikumya ilitagwa lyako? Agwe yo gwegwe mono welile du wuli wene. Ne makungugo gose gokuza kwako ho gakuhembe, hambi i metumo gako, nha gali ling'ani kanyhi gejeye ne wanhu wose.”

Wugubule 20:4

Nghawona magoda ge citemi hamonga ne wanhu wono wali wagekaliye. I wanhu wawo, wakapegwa vilungo vyo kuling'aniza. Nghawona kanyhi ne zinhumbula za wono wadumulwa mitwe yawo ku soko yo kumuganula Yesu, na ku soko yo kuyiganula nghani yo Mulungu. Wawano wo wawo wono si walihemba lilimu lililya hamonga ne cihwani calyo, kanyhi hamba si wawicilwa citanjilo mu mahanda go wusu wawo, hamba mu miwoko yawo. Wakawumipa kanyhi, no kutema hamonga na Kilisito myaka elufu monga.