Mika 3:8 - Luganuzi Luswanu Kuli Wanhu Wose 2002

⁸ Ninga ane, Muwaha Mulungu kamhela vilungo vyo muhe wakwe, hamonga no wusume, no wuling'anizi, kamhela 'ne vilungo, ho niwalonjele Isilayeli u wubi wawo vyono winha.

Mika 3:8 ပူးပေါင်းရင်းမြစ်များ

Jobu 32:18

Hambi nha si nosuma kulindila kulonga vyono si nosuma kuzigomoleza zinghani zangu yaye.

Isaya 58:1

Muwaha Mulungu yakutya nhavi, “Alu wuzoze kwe lizi yiwaha munghango vyono kosuma! Wuwalonjele wanhu wangu Isilayeli zo wubi wawo!

Isaya 61:1

Muwaha Mulungu, kamemya'ne no muhe wakwe. Kasiwanula ho niwaganulile luganuzi luswanu i waciwa, niwaponye wono wadejepe mu nhumbula niwanzize zo wulecelwe wawo awalya i wahamywa, no wulecelwe wa kuli wafungwa mu jela.

Isaya 61:2

Kanhuma ho niwalonjele vyono lipango lyafika, lyono u Muwaha Mulungu kowaponyezya wanhu wakwe, no kuwasumila kuli walugu wawo. Kanhuma ho niwasindamice wono wali mu wusungu.

Yelemiya 1:18

Ninga wuhulicize Yelemiya! I wanhu wose wa mono yisi yiyi, nha cinji, i watemi, ne wawaha we wanhu, ne wakohani, hamonga ne wanhu wose wokugaluka. Ninga nane izuwali, nghukupela i vilungo vyo kulewana nawo. Nagwe kokwihwana ne likaya lyono lina magomawakali, ne lisumbili lye cuma, ne lijinji lya shaba.

Yelemiya 20:9

Na kolo nghutya, “Alu hodu ciba nimusemwe Muwaha Mulungu ndece no kulitambula ne litagwa lyakwe.” Hobaho nghuyiwona nghani yako yinha moto yikunyanya mu nhumbula yangu. Nane nghujela muno muno kukangalila, ninga hamba si nghusuma kwiyimila yaye.

Yelemiya 6:11

Hambi nane nha memile likuwo lyako kuli wene, 'gwe go Muwaha Mulungu. Nane hamba si nosuma kwiyimila yaye.” Nayo u Muwaha Mulungu yakanonjela yakatya, “Alu wulimwagaje likuwo lyangu mu wana, wono wali mu zinzila, na mu wikongholelo we wazelelo. Nawo i walume hamonga ne wagolece zawo, wolosolwa no kutegulwa kutali, hamonga ne wakombi wose, nawo hamba si wolosigazwa yaye.

I Cililo 2:14

Sunga ne wawizi wako nawo, weza wasina cinji cono wokulonjela, langa zo wulambi-lambi du. No wuganule wawo wukukongaga du, hamba si wukuwa kukulajila zo wubi wako. Na mu nzila yiyo, wakukunoza agwe, ho wiwone nha vyono wusina soko yo kunena.

Ezekiyeli 16:2

“Gwe go munhu, wuyimanyizaje Yelusalemi mawifyo gayo gono yitumile.

Ezekiyeli 20:4

“Wule, nagwe go munhu, kosuma kuwaling'aniza? Ciba heya wuwaling'anize. Wuwakumbucizaje ze mawifyo gono walezi wawo wetuma.

Ezekiyeli 22:2

“Gwe go munhu, alu wule, wakondya kwiwikaniza wuliling'anize likaya lya Yelusalemi, lyono limemile wuwulaji wose? Ale, wulimanyizaje ze makani gayo gose ge mawifyo, gono litumaga.

Ezekiyeli 23:36

Nayo Muwaha Mulungu yakanonjela kanyhi yakatya, “Gwe go munhu, wule, wakondya kwiwikaniza ho wuwaling'anize Ohola na Oholiba? Ale wuwalonjelaje ze makani ge mawifyo gono wali kwituma.

Ezekiyeli 3:14

No muhe wo Muwaha Mulungu, wukanyiziza kwe vilungo viwaha wukanyasula. Na lono muhe wakwe wanyasulila kwe vilungo, nghahulika wusungu muno sunga nghakolwa ne likuwo.

Ezekiyeli 43:10

U Muwaha Mulungu yakajendelela kunonjela kanyhi yakatya, “Gwe go munhu, wuwalonjelaje i wanhu wa Isilayeli ze Nyumba yangu, vyono yinha zo wajele wayo hamonga na ze nzengwa yayo. Ho wakozwe cevu so metumo gawo mabi gono wetuma.

Matayo 7:29

Hambi u mwene nha si yali yenha iwejizi wawo wo Wulajilize, vyono u mwene Yesu yejizaga ko wulajilize.

Maluko 3:17

Yakobo na Yohana, iwana wa Zebedayo (Yesu yakawacemela vyono wejete litagwa lya Bowanelege, nhunizo yayo “Wana we lididimo,”)

1 Wakolinto 2:4

Sunga na muwulonje hamba na mu wuganule wangu, sinetumamila i zinghani zo kuwendeza wanhu, hamba za mu mahala gangu, langa zali za mu wulajile wo Muhe, na we vilungo vyo Muhe Mono Yelile.