Mika 3:7 - Luganuzi Luswanu Kuli Wanhu Wose 2002

⁷ Na wawo wono wakuwila zono zikuza, wolokolwa cevu ku soko yo wuwizi wawo wo wulambi, nawo wose wolonyetywa, hambi Muwaha Mulungu nha si kolowapitula yaye.

Mika 3:7 ပူးပေါင်းရင်းမြစ်များ

Zabuli 74:9

Vitanjilo vyetu vyose vyono vyelile, sicikuviwona lu, alu ceza cisina hamba muwizi. Hamba si cimanyile zizi, zojendelela kuwa nhavivi sunga nili!

Wutuluce 9:11

Ne waganga hamba si wasuma kanyhi yaye kwima hali Musa, hambi wose nha wali wavimbile mapu gose, nha vyono wali wavimbile Wamisili wose.

Isaya 44:25

Yo nene mono nivimilaga vitanjilo vye watowa visangu, no kuwapela lukwale i waganga, yo nene mono niwalambizaga we mahala, no kulajila vyono mahala gawo yo nghani ya wulele du.

Yelemiya 18:18

Hanyuma i wanhu nawo wakalongana weneco wose, wakutya, “Alu nye! Alenyi cimunozeze Yelemiya ciwungu cibi! Hambi nha cowa cina wakohani nhondo zose, wono wowa kucijiza, ne wanhu we mahala, wono wowa kucitonga, hamonga ne wawizi, wono wowa kuyiganula i nghani yo Mulungu. Holeka lu muze cimulonganje, cilece kuzihuliciza kanyhi ne zinghani zakwe.”

Ezekiyeli 24:17

Hamba cililo cako cilece kuhulikwa na yunji. Kanyhi wulece kuciwopola ne cipombelo cako, hamonga ne malatu gako ho ciwe nha citanjilo co wufwilwe wako. Hamba wulece kwigubiciza ku wusu, hamba kulya zindigwa nha zono walizaga wanhu wono wali mu wusungu wo wufwilwe.”

Ezekiyeli 24:22

Ale, nanye baho ho mulanozeza zizi zono nghuzinoza 'ne. Hambi nha si mologubiciza wusu wenyu, hamba kulya zindigwa nha zono walizaga wanhu wono wali mu wusungu wo wufwilwe.

Walawi 13:45

No munhu mono yena wutamwa wo wukoma, yimunojeye yavwale myenda yono yidemukanjice, kanyhi yalece kuswamula ne zimvwili zakwe, kanyhi yagubicize no mwenda mulomo wakwe wa kucanyha, yawe kuzoza yakutya, “Ane nili mwavufywe! Ane nili mwavufywe!”

Amosi 8:11

“Ne cipango cikuza lono nilaleta nzala mu'si, wanhu wolowa na nzala, ninga si nzala ya ndigwa, kanyhi wolowa na nyhilu, ninga si nyhilu ya malenga. Langa wolowa na nzala ne nyhilu so nghani yono yikulawa kuli Muwaha Mulungu. Nane yo nene no Muwaha Mulungu mono nghutya.

Mika 3:4

Hambi icipango nha cikuza, cono anye nanye molomulilila Muwaha Mulungu, ninga mwene si kolomupitulenyi yaye, hamba si kolowuhuliciza no wulombe wenyu, ku soko 'nye mwetuma zimbi.

Mika 7:16

Ne makungugo goziwona zizi, gawe kogopa no kuviwonela soni vilungo vyawo, na ku so woga, hamba si wolonga cinji kanyhi, langa wodinda makutu gawo.

Zakaliya 13:4

Ne vilo vivyo kolo vikuza, holowa hasina muwizi wo wose mono kolokwidunhumulila zo wugubulilwe wakwe hamba kwituma zo wuwizi, hamba kuvwala i kanzo ye ciwizi-wizi, ho yawakonje wanhu.

1 Samwili 14:37

Ale baho Sawuli yakawa kumuwuza Muwaha Mulungu yakutya, “Wule, niwahomaje Wafilisiti, nagwe kocipela wusume?” Ninga Muwaha Mulungu hamba si yamupela yipitulo yaye mwi'zuwa lilyo.

1 Samwili 28:15

Samwili yakamuwuza Sawuli yakatya, “Alu nhawule wukungaza? Hamba nhawule kunyibusa sunga kono canyha?” Sawuli yakamutya, “Ane nili mu wugazice wuwaha muno muno! Hambi i Wafilisiti nha wakwihoma nane, nayo Mulungu, yakondya kundeka. Hamba si yakusaka no kumhitula yaye mu nzila ye wawizi, hamba mu ndoto. Ayi yo yilecile ane nghucema ho wunonjele vyono noze.”

1 Samwili 28:6

Holeka yakawa kumulomba Muwaha Mulungu yamumanyize vyono konoza. Ninga Muwaha Mulungu si yamupitula hamba hadodo, mu ndoto, hamba mu nzila ya Ulimu na Tumimu, hamba mu wawizi.

1 Samwili 9:9

(Sawuli nayo yakamupitula yakatya, “Ayo nghani swanu! Ale, cibite.” Hodu wakawa kwinjila mu cikaya cono yuyo munhu wo Mulungu yekalaga.)