Mika 3:6 - Luganuzi Luswanu Kuli Wanhu Wose 2002

⁶ “Anye nyo wawizi, lizuwa lyenyu lili behi malika, nalyo lizuwa lyeza kumuswelenyi. Hambi nha mwawajiliza wanhu wangu, holeka hamba simowa no wugubulilwe wunji wo wose, hamba simosuma kuwila kanyhi cinji co cose.”

Mika 3:6 ပူးပေါင်းရင်းမြစ်များ

Zabuli 74:9

Vitanjilo vyetu vyose vyono vyelile, sicikuviwona lu, alu ceza cisina hamba muwizi. Hamba si cimanyile zizi, zojendelela kuwa nhavivi sunga nili!

Isaya 29:10

Hambi Muwaha Mulungu nha kamupelenyi nhongo ze lifwefwe, ho mugone hawaha. Kanyhi yali yiwanojeye wawizi wawe go meso ge wanhu, ninga Mulungu yakondya kuwabofuza meso gawo.

Isaya 59:10

nase luno ceza kutunduwajila nha we cibofu. Hamba mu misi mugati, ase vyo cikwikobala du nha kotya cilo, kotya nha cili mu citi ce yisi ye wafu.

Yelemiya 13:16

Mogopenyi u Muwaha Mulungu, u Mulungu wenyu, lono yakali si naleta wutitu, wono wosuma kumwambuzenyi mwikobale mu matunda, mu madaha go wutitu, ne madaha gono mukulanjilila wuzelu, u wuzelu wono mwali muwitumbiye.

Yelemiya 15:9

No nyina yo munhu mono yawajilize i wanagwe mupunghati, yakondya kuzilika, yakuhangawa no wehele. No wuzelu wakwe we lizuwa, alu wapituka wawa wutitu, nalu yakolwa cevu no kuwa no wusungu wuwaha mu nhumbula yakwe. Nane nowaleta walugu wenyu, wawawulaje wose wa muli nyenye wono wakali womi. Vyo nghutya ane no Muwaha Mulungu.”

Yelemiya 18:18

Hanyuma i wanhu nawo wakalongana weneco wose, wakutya, “Alu nye! Alenyi cimunozeze Yelemiya ciwungu cibi! Hambi nha cowa cina wakohani nhondo zose, wono wowa kucijiza, ne wanhu we mahala, wono wowa kucitonga, hamonga ne wawizi, wono wowa kuyiganula i nghani yo Mulungu. Holeka lu muze cimulonganje, cilece kuzihuliciza kanyhi ne zinghani zakwe.”

Ezekiyeli 13:9

Nomuling'anizenyi no kumulipicizenyi, anye wose nyo wawizi mono mulongaga zo wugubulilwe wenyu wo wulambi, no kuwajiliza wanhu ku soko yo wuwile wenyu wono si we mbeka. Holeka ku soko yiyo, nanye si mowalilizwa yaye hamonga ne wanhu wangu, mu wihangulize wawo, sunga ne matagwa genyu, si gokwandikwa yaye mu zinghomo ze wanhu wa Isilayeli. Nanye hamba si molowuyila lukulu ku yisi yenyu. Nanye nhondo baho, ho molomanyila vyono, ane yo nene Muwaha Mulungu.

Ezekiyeli 7:26

Ne magazo golowa kuza getunjiliye gakwilecela linji ne liyagwe. Ne mapwepwe nago, golowa menji ako na ako. Nanye molowa kuwalomba wawizi ho wamulonjelenyi zono zokuza. Nawo wakohani, wolowa wasina nghani yo yose yo kuwejiza wanhu. Nawo wanyamhala, lulo wolowa wasina cono wowasugula wanhu.

Amosi 8:11

“Ne cipango cikuza lono nilaleta nzala mu'si, wanhu wolowa na nzala, ninga si nzala ya ndigwa, kanyhi wolowa na nyhilu, ninga si nyhilu ya malenga. Langa wolowa na nzala ne nyhilu so nghani yono yikulawa kuli Muwaha Mulungu. Nane yo nene no Muwaha Mulungu mono nghutya.

Mika 2:6

Nawo wanhu wakunganulila wakutya, “Wulece kuganula hali'se. Wulece kuganula muli zizi zose. Hambi Mulungu nha si kocikoza cevu.